ភ្នំពេញ ៖ អគារមិត្តភាពកម្ពុជា -ចិននៃមន្ទីរពេទ្យបង្អែកខណ្ឌសែនសុខ មានតម្លៃជាង៥៥ម៉ឺនដុល្លារសហរ​ដ្ឋ​អា​ម៉េរិក ត្រូវបានដាក់ឲ្យប្រើប្រាស់ជាផ្លូវការដើម្បីឆ្លើយតបទៅនឹង​តំរូវការដ៏ចំាបាច់របស់ប្រជា​ពល​​រដ្ឋ​​​​ផ្នែក​សេវា​សុខាភិបាលសាធារណៈ។នៅក្នុងពិធីសម្ភោធអគារសុខាភិបាលដ៏ល្អប្រណិតនៅព្រឹកថ្ងៃទី១២កញ្ញានេះ លោក ស្រីម៉ក់ វណ្ណ​ស៊ី​​ថាអភិបាលរងរាជធានីភ្នំពេញបានឲ្យដឹងថា អគារ មិត្តភាពកម្ពុជា-ចិននេះ  ​មិនត្រឹម​បានបំ​រើ​ដល់ការ​អភិវឌ្ឍរាជធានីភ្នំពេញប៉ុណ្ណោះទេ ប៉ុន្តែសំខាន់បានបំរើផលប្រយោជន៏ដល់ប្រជាពលរដ្ឋ​បានយ៉ាង​ធំ​ធេ​ង ក្នុងការព្យាបាលជំងឺ សម្រាលកូន និងការត្រួត សុខភាពជាដើម។

លោកស្រីបន្តថា ប្រជាពលរដ្ឋរស់​នៅ​តំបន់នេះ ពិតជាសប្បាយរីករាយ ដោយមានមន្ទីរពេទ្យនៅជិតផ្ទះ ក្នុង​សហ​គម​ន៏​​ខ្លួន​មិនពិបាកទៅរក​សេ​​វាព្យា​បាលនៅកន្លែងឆ្ងាយទៀតឡើយ ដែលបានកាត់ ន្ថយការចំណាយ​បាន​យ៉ាងច្រើន ដោយ​តំបន់​នេះ​នៅជាយរាជធានីភ្នំពេញហើយសំបូរ ទៅដោយប្រជាពលរដ្ឋ​មានជីវភាព​ក្រី​ក្រ។លោក Bai Wei  អគ្គលេខាធិការរងមូលនិធិចិន ដើម្បីសន្តិភាពនិងអភិវឌ្ឍន៍ នៃសាធារណៈ​រដ្ឋប្រ​ជា​មានិត​ចិនមានប្រសាសន៍ថា ការផ្តល់អគារសម្រាប់ព្យាបាលអ្នកជំងឺនេះ គឺបានកើតចេញ​ពីចំណង​មិត្ត​ភាពដ៏ល្អ ស្អិត​ល្មួត​នៃប្រទេសទាំងពីរកម្ពុជា -ចិន។ លោកបញ្ជាក់ថា រដ្ឋាភិបាលចិននៅតែសន្យាបន្តជួយ កម្ពុជាក្នុងការ​អភិវឌ្ឍ​​​​​​ប្រទេសឲ្យកាន់តែរីកចំរើន ពិសេសចូលរួមកាត់បន្ថយភាពក្រីក្រ និងធានាឲ្យ ប្រជា​ពលរដ្ឋមាន​សុខ​ភាព​ល្អរឹងមាំបន្ថែមទៀត។លោក ម៉ម ប៊ុនហេងរដ្ឋមន្រ្តីក្រសួងសុខាភិបាលបានចាត់ទុកថា ជំនួយដ៏ថ្លៃថា នេះជាសមិធិ​ផល​យ៉ាងមានសារៈសំខាន់ ដើម្បីឆ្លើយតបទៅនឹងតំរូវការរបស់ប្រជាពលរដ្ឋកម្ពុជា ស្របតាម​គោល​​នយោ​បាយរបស់រាជរដ្ឋាភិបាល ដែលជាវិស័យអាទិភាពដោយត្រូវយកចិត្តទុកដាក់ជាចំបង។ លោក​បញ្ជាក់ថា មន្ទីរពេទ្យនេះ មានបំរើសេវាសុខភាពជាច្រើនដូចជា ពិគ្រោះជំងឺទូទៅ ជំងឺកុមារ វៈកាត់តូច សង្គ្រោះ បន្ទា​​ន់ សម្ភព រោគស្រ្តី ជម្ងឺភ្នែក ពិនិត្យព្យាបាលជំងឺឆ្លងតាមប្រពន្ធ័បន្តពូជ និងពិនិត្យពិសោធឱសថ សា​ស្រ្ត ព្រម​​ទាំងព្យាបាលជមឺ្ងផ្សេងៗទៀត។ មន្ទីរពេទ្យបង្អែកសែនសុខត្រូ​​វបានបង្កើត​ឡើងនៅក្នុង​ស​ហ​គ​មន៏​​ក្រីក្រ​អន្លង់ក្ងាន ស្ថិតក្នុងសង្កាត់ឃ្មួន ខណ្ឌសែនសុខ រាជធានីភ្នំពេញ។ អគារមន្ទីរពេទ្យថ្មី​នេះមានប្រ​វែងបណ្តោយ​៤០ម៉ែត្រ ទទឹង១១ម៉ែត្រ កម្ពស់២ជាន់ ត្រូវបានសាងសងចប់រាល់នៅចុងខែមិថុនាឆ្នាំ2013 ដោយចំណាយ​ថវិកា​​ជាង៥៥ម៉ឺនដុល្លារហសរដ្ឋអាម៉េរិក ព្រមជាមួយនឹងសម្ភារ​សុខាភិបាលគ្រប់​ប្រភេទ​និងរថយន្តសង្គ្រោះ​បន្ទាន់​ចំនួនពីរគ្រឿងសម្រាប់ដឹកអ្នកជម្ងឺថែមទៀត។

គួរំលឹកថាៈតាមរយៈមូលនិធិនេះក៏កំពុងចុះកិច្ចសហប្រតិបត្តិការជាមួយរាជរដ្ឋាភិបាលកម្ពុជាក្នុង​​​ការកសាង​មន្ទីរ​ពេទ្យ​បង្អែកមួយកន្លែងទៀត នៅដើមឆ្នាំ២០១៤​ខាងមុខ ឲ្យក្លាយជាមន្ទីរពេទ្យ ជា​មជ្ឈម​ណ្ឌលក្នុងតំបន់ ដែលមានលទ្ធភាពកាន់តែទំនើបក្នុងការព្យាបាលជំងឺជូនប្រជាពលរដ្ឋ។នេះជាជំនួយឥត​សំណងរបស់​រដ្ឋា​ភិបាល​ចិន ជូនដល់រាជរដ្ឋាភិបាលកម្ពុជាតាមរយៈមូលនិធិ ចិន​ដើម្បី​សន្តិភាពនិងអភិវឌ្ឍនៃសាធាណរដ្ឋ​ប្រជា​មានិតចិន ដើម្បីចូលរួលចំណែកលើកកម្ពស់សេ​វាសុខាភិ​បា​ល​សាធារណៈនៅកម្ពុជាឲ្យកាន់តែប្រសើរ ពិសេស​​​ផ្តល់លទ្ធឲ្យពលរដ្ឋក្រីក្រអាចទទួ លបានសេវាព្យា​បាល​ដូចអ្នកធូធាបានផងដែរ៕ដោយ៖ ស.ស្អាត