ភ្នំពេញ៖  ឯកអគ្គរដ្ឋទូតអាមេរិកប្រចាំនៅកម្ពុជាលោក   William  E.  Todd  ថ្លែងក្នុងគេហទំពរប្លក់​របស់ខ្លួន
កាលពីកន្លងទៅថ្មីៗនេះបានកោតសរសើរដល់ព្រះរាជាណាចក្រកម្ពុជាថា  បានរីក​ចំរើនគួរជាទីមោទនភាព
ផ្នែកខាងសេដ្ឋកិច្ចក្នុងរយៈពេល១០ឆ្នាំចុងក្រោយនេះដែលការរីក​ចំរើននោះមានវិស័យកាត់ដេរទេសចរណ៍
និងកសិកម្ម។

លោកWilliam E. Todd បានលើកឡើងថាក្រៅតែវិស័យខាងលើនេះប្រទេសកម្ពុជាក៏បាន​កំពុងរីកចំរើនខ្លាំង
ក្លាផងដែរនៅបច្ចេកវិទ្យាដែលតួលេខបានបញ្ជាក់ថា  កាន់តែច្រើនឡើងៗពីមួយឆ្នាំទៅមួយឆ្នាំ  សម្រាប់អ្នក
ប្រើប្រាស់ប្រព័ន្ធដ៏ទំនើបនេះ។

លោកបញ្ជាក់ថាការរីកចម្រើននូវបច្ចេកវិទ្យាគឺលូតលាស់លឿនបំផុតនៅក្នុងប្រទេសកម្ពុជាបច្ចេកវិទ្យាគឺត្រូវ
បានចូលរួមរួចទៅហើយសម្រាប់ផ្តល់ប្រយោជន៍ដល់ជាតិកម្ពុជា ។     ក្នុង​ចំណោម​បច្ចេកវិទ្យាដែលប្រទេស
កម្ពុជាបានកំពុងរីកចំរើននេះគឺទូរស័ព្ទចល័តនិងប្រព័ន្ធ​អ៊ីនធើណែតគឺ បានឈានមុខគេនេះបើតាមការពិភា
ក្សារបស់ខ្ញុំទៅលើសេរីភាពប្រព័ន្ធផ្សព្វ​ផ្សាយកាលពីកន្លងទៅ។

បើយោងតាមតួលេខរបស់ក្រសួងប្រៃសណីនិងទូរគមនាគមន៍បានឲ្យដឹងកាលពីពេល​កន្លងទៅថាក្នុងរយៈ
ពេលពេញមួយឆ្នាំ២០១២ប្រជាពលរដ្ឋកម្ពុជាបានប្រើប្រាស់ទូរស័ព្ទមាន​ចំនួន១៩លាននាក់កើនឡើងជាង
ឆ្នាំ២០១១ដែលមានត្រឹមតែ១៦លាននាក់​តែ​ប៉ុណ្ណោះ។

គិតត្រឹមថ្ងៃទី៣១ ខែធ្នូ ឆ្នាំ២០១២ ចំនួនអ្នកប្រើប្រាស់ទូរស័ព្ទសរុប(អចល័តនិងចល័ត)​បាន​កើនឡើងរហូត
ដល់ជាង១៩លាននាក់ស្មើអត្រា១៣៣,៥៦ ក្នុងប្រជាជន១០០​នាក់  កើនខ្ពស់​ជាងឆ្នាំ២០១១ដែលមានជាង
១៦លាននាក់។អត្រានៃអ្នកប្រើប្រាស់ទូរស័ព្ទនិងអ៊ីនធឺណេតមានការកើនឡើងយ៉ាងលឿនជាពិសេសនៅ
តាមតំបន់ជនបទអ្នកប្រើប្រាស់កុំព្យូទ័រអ៊ីម៉ែលនិង​បច្ចេកវិទ្យាអ៊ីនធឺណេតកំពុងមានការកើនឡើងនៅទូទាំង
ប្រទេស។

លោក Todd  បានលើកឡើងទៀតថាបច្ចេកវិទ្យាបានធ្វើឲ្យប្រជាជនរស់នៅរៀន​សូត្រនិងការ​ទំនាក់ទំនង
ខ្លាំង។   ការកែលម្អនិងបច្ចេកវិទ្យាកម្រិតខ្ពស់ក្នុងពេលបច្ចុប្បន្ននេះត្រូវបាន​គេ​អនុញ្ញាត​ឱ្យបុគ្គលជាសហ
គមន៍និងគ្រួសារអាជីវកម្មកាន់តែប្រសើរឡើងក្នុងការ​តភ្ជាប់ជា​មួយគ្នាទៅវិញទៅមក៕ដោយ៖ ស.ស្អាត