ភ្នំពេញ៖ ក្រសួងវប្បធម៌ និងវិចិត្រសិល្បៈ នឹងរៀបចំមហោស្រព មហាជនអភិវឌ្ឍន៍ ថ្នាក់ជាតិលើកទី២ និងការប្រារព្ធទិវាវប្ប ធម៌ជាតិ៣មីនា លើកទី១៦ ឆ្នាំ២០១៤ នៅថ្ងៃទី២១ កុម្ភៈខាងមុខ នេះ នាសាលសន្និសីទចតុមុខ។
ក្នុងសន្និសីទសារព័ត៌មាន ស្តីពីការរៀបចំ មហោស្រពមហាជន អភិវឌ្ឍន៍ថ្នាក់ជាតិលើកទី២ និងការប្រារព្ធទិវា វប្បធម៌ជាតិ ៣មីនា លើកទី១៦ ឆ្នាំ២០១៤ លោក សំរាំង កំសាន្ត រដ្ឋលេខាធិ ការក្រសួងវប្បធម៌ និងវិចិត្រសិល្បៈ មានប្រសាសន៍ថា មហោស្រពថ្នាក់ ជាតិនេះមានរយៈ ពេល ១១ថ្ងៃ ដែលរួមមាន ទម្រង់ល្ខោន មានចំនួន៧ស្នាដៃ (យីកេ២ស្នាដៃ បាសាក់៣ ស្នាដៃ និងមហោរី២ស្នាដៃ),ទម្រង់របាំមានចំនួន១២ស្នាដៃ (ប្រពៃណី១០ស្នាដៃ ក្បាច់បុរាណ១ស្នាដៃ និងខោល១ ស្នាដៃ ) ,ទម្រង់អាយ៉ៃមានចំនួន៥ស្នាដៃ (អាយ៉ៃរឿង២ស្នាដៃ ឆាកកំប្លែងរឿង៣ ស្នាដៃ) សរុបមាន២៤ក្រុម ស្មើនឹង២៤ស្នាដៃ មកពី២៤ ខេត្តរាជធានី-ខេត្តទូទាំងប្រទេស ដែល ត្រូវប្រកួតប្រជែង ដណ្តើមយក ពានរង្វាន់ជ័យលាភីសិល្បៈមហាជនអភិវឌ្ឍន៍ ប៊ុន រ៉ានី ហ៊ុន សែនឆ្នាំ២០១៤។
លោក បានបញ្ជាក់ថា ការបើកមហោស្រពសិល្បៈមហាជនអភិវឌ្ឍន៍ថ្នាក់ជាតិ គឺជាយុទ្ធនាការ អភិវឌ្ឍ សិល្បៈមហាជនខ្មែរទូទាំងប្រទេស ឲ្យក្លាយជាសិល្បៈមហាជនអភិ វឌ្ឍន៍ពិតប្រាកដ។
លោកបានបន្តថា សិល្បៈមហាជនអភិវឌ្ឍន៍ ដែលវាយតម្លៃថា អភិវឌ្ឍន៍បានត្រូវមាន លក្ខណៈវិនិច្ឆ័យនិង គុណសម្បត្តិបី យ៉ាងគឺៈ ១.បម្រើសេចក្តី សប្បាយរីករាយ ថ្លៃថ្នូររបស់មហា ជន និងប្រជាជន ២.ផ្តល់នូវសម្រស់វប្បធម៌២ គឺរូបសម្រស់ និងសារៈសម្រស់ ៣.អប់រំផ្សព្វផ្សាយអំពីចំណេះដឹង អភិវឌ្ឍន៍ពិសេស គឺការអភិវឌ្ឍវប្បធម៌សេដ្ឋកិច្ច។ លោក បានអំពាវនាវ ដល់ ប្រជាពលរដ្ឋទាំងអស់ ពិសេសយុវវ័យ អញ្ចើញចូលរួមទស្សនា ឲ្យបានច្រើនកោះករ ព្រោះគ្មាន ការលក់សំបុត្រ អ្វីនោះទេ៕ ដោយ៖ រតនា