ភ្នំពេញៈ ថ្លែងនៅក្នុងសែន ពិធីប្រកាសដាក់ឱ្យអនុវត្តយុទ្ធសាស្រ្តសមាហរណកម្មពាណិជ្ជកម្មកម្ពុជា សម្រាប់ឆ្នាំ២០១៤ដល់ ឆ្នាំ២០១៨ប្រមុខរាជរដ្ឋាភិបាលកម្ពុជាសម្ដេចនាយករដ្ឋមន្រ្តី ហ៊ុន សែន បានរំពឹងទុកជាមុនថាការនាំចេញកៅស៊ូរបស់ប្រទេសកម្ពុជាទៅកាន់ទីផ្សារអន្តរជាតិនឹងឤចមានចំនួនលើសពី២០ម៉ឺនតោននៅមុនឆ្នាំ២០២០ ខាងមុខខណៈដែលកាលពីឆ្នាំ
២០១៣កន្លងទៅ ការនាំចេញកៅស៊ូ បានកើនឡើងរហូតដល់៧ម៉ឺន៤ពាន់តោន ហើយតួលេខនេះបានកើនឡើងជាងឆ្នាំ២០១២កន្លងទៅដែលមានត្រឹមតែ៥ម៉ឺន៥ពាន់តោន។
.jpg)
សម្តេច ហ៊ុន សែន បានបន្ថែមទៀតថា កម្ពុជាមានសុទិដ្ឋិនិយមថា ការនាំចេញកៅស៊ូនេះ នឹងឤចមានចំនួន លើសពី២០ម៉ឺន តោន នៅមុនឆ្នាំ ២០២០ ខាងមុខនេះ ដោយសារតែ នយោបាយដីធ្លី និងការដាំដើមកៅស៊ូថ្មីកំពុងតែប្រព្រឹត្តទៅយ៉ាងសស្រាក់ សស្រាំនៅទូទាំងព្រះរាជាណាចក្រកម្ពុជា ហើយមិនតែប៉ុណ្ណោះដំណាំកៅស៊ូបានកើនឡើងពីមួយឆ្នាំទៅមួយឆ្នាំ។ ខេត្តដែលប្រទេសកម្ពុជាកំពុងដំណើរការដាំកៅស៊ួមានដូចជា៖ ខេត្តកំពង់ចាម ក្រចេះមណ្ឌលគិរី រតនគិរី ស្ទឹងត្រែង ព្រះវិហារ កំពង់ធំ កោះកុង និងខេត្តមួយចំនួនទៀត។ ដោយ៖ ភីន រ៉ា