ភ្នំពេញ ៖ ការបង្ហាញមុខ ជាសាធារណៈលើកដំបូងក្រោយការបោះឆ្នោត នៅរសៀលថ្ងៃទី៣១ ខែកក្កដា ឆ្នាំ
២០១៣ សម្ដេចតេជោ ហ៊ុនសែន បាន អំពាវនាវឱ្យប្រជាពលរដ្ឋ និងព្រះសង្ឃទូទាំងប្រទេសរក្សាភាពស្ងៀម
ស្ងាត់ទុកឱ្យរាជរដ្ឋាភិបាល គណបក្សនយោបាយ ចូលរួមដោះស្រាយបញ្ហាដែលកំពុងកើត មានឡើង។
ដើម្បីបញ្ជាក់ទៅកាន់ ពាក្យចចាមអារ៉ាម ក៏ដូចជាសេចក្ដីរាយការណ៍បំប៉ោងសភាពការណ៍មួយចំនួនដូចជា
ការលើកឡើងថា សម្ដេចចាកចេញពីប្រទេស ឬ ក៏សម្ដេចត្រូវបានយោធា បង្ខំឱ្យចុះចេញពីតំណែង ដើម្បី
ប្រគល់តំណែងនាយករដ្ឋមន្ដ្រី ទុកជូនលោកឧប នាយករដ្ឋមន្ដ្រី សុខ អាន នោះ សម្ដេចនាយករដ្ឋមន្ដ្រី ដែល
ជាបេក្ខភាពនាយក រដ្ឋមន្ដ្រីរបស់គណបក្សប្រជាជនបានបញ្ជាក់ ទៅកាន់ប្រជាពលរដ្ឋថា ចរិតរបស់ ហ៊ុន សែន
មិនរត់ចោលប្រជាពលរដ្ឋនោះទេ បើប្រជាពលរដ្ឋកាន់តែមានទុក្ខលំបាក ហ៊ុន សែនរឹតតែនៅកៀកជាមួយ ។
សម្ដេចបានបញ្ជាក់ថា កាលពីព្រឹកថ្ងៃទី២៩ ខែកក្កដាឆ្នាំ២០១៣ កន្លងទៅ គណបក្សប្រជាជនកម្ពុជាបាន បើក
កិច្ចប្រជុំគណៈអចិន្ដ្រៃយ៍ដោយប្រគល់ ការងារ ឱ្យលោកឧបនាយករដ្ឋមន្ដ្រី ស ខេង និងលោក សាយ ឈុំ
ដើម្បីដោះស្រាយបញ្ហា ក៏ដូចជាការចរចារកដំណោះស្រាយ ជាមួយគណបក្សនយោបាយផ្សេងទៀត ។
សម្ដេចបានសង្កត់ធ្ងន់ថាបើចាំបាច់សម្ដេចនឹងអង្គុយ ពិភាក្សារកដំណោះស្រាយ ជាមួយលោក សម រង្ស៊ី
ប្រធានគណបក្សប្រឆាំងតែម្តង ។
ទាក់ទងទៅនឹងសំនួរ ដែលបានសួរថា តើសម្តេចតេជោ ហ៊ុន សែន ជាមួយនឹងលោក សមរង្ស៊ី គួរគិតថា
មានការសន្ទនាគ្នាជាលក្ខណៈគ្រួសារយ៉ាងណាដែរ? ជាការឆ្លើយតបសម្តេចតេជោបានមានប្រសាសន៍ថា
រឿងនេះសម្តេចបានប្រគល់ភារកិច្ចជូនលោកឧបនាយករដ្ឋមន្ត្រី ស ខេង សាយ ឈុំនិងលោកឧបនាយក
រដ្ឋមន្ត្រី សុខ អាន ដើម្បីធ្វើកិច្ចការងារនេះ។ហើយលោកសម រង្ស៊ីដោយសារគាត់ធ្លាប់បានធ្វើលិខិតចូលរួម
មរណទុក្ខឪពុករបស់ សម្តេចដូច្នេះលោក សម រង្ស៊ី ប្រាកដណាស់គាត់ច្បាស់ជាយល់នូវពេលវេលាដ៏លំបាក
របស់សម្តេចក្នុងការកាន់ទុក្ខ។
សម្ដេចនាយករដ្ឋមន្ដ្រី ក្នុងនាមជាអនុប្រធានគណបក្សប្រជាជននិងជានាយករដ្ឋមន្ដ្រី នាពេលបច្ចុប្បន្ននេះ
បានប្រកាសស្វាគមន៍ចំពោះព័ត៌មានមិន ទាន់ផ្លូវការ ដែលគ.ជ.ប នឹងដោះស្រាយបញ្ហាមិនប្រក្រតីមួយចំនួន
ដោយមានការ ចូលរួមពីគណបក្សនយោបាយ និងអង្គការសង្គមស៊ីវិល ។
ជាសារនយោបាយទៅកាន់ប្រជាពលរដ្ឋ តាមរយៈសន្លឹកឆ្នោតរបស់ខ្លួននោះ សម្ដេចនាយករដ្ឋមន្ដ្រី បាន
បញ្ជាក់ថា គណបក្ស នយោបាយណាឈ្នះឆ្នោតវាមិនសំខាន់នោះឡើយប៉ុន្ដែ អ្វីដែលសំខាន់នោះគឺជាតិទាំង
អស់គ្នាឈ្នះ។ សារនយោបាយនេះត្រូវបានសម្ដេចតែងតែលើកឡើង និងអំពាវនាវ ចុងក្រោយនៅស្រុកបា
ធាយ ខេត្ដកំពង់ចាមហើយកុំឱ្យការបោះឆ្នោតមួយ ប្រែជាមាន អំពើហិង្សាកើតឡើងនោះ ។
សម្ដេចនាយករដ្ឋមន្ដ្រី ក៏បានលើកឡើង ថា តើប្រជាពលរដ្ឋចង់បានភាពចលាចលការបិទផ្សារ ការបិទតូប
ការបិទធនាគារឬ មួយយ៉ាងណា ហើយតើម្នាក់ៗចង់ឈរបន្ដកន្ទុយគ្នាទៅទិញនំប៉័ង ទៅទិញអង្ករ ទៅ ចាក់
សាំង ឬមួយយ៉ាងណា ?
សម្ដេចតេជោបានអំពាវ នាវ ឱ្យអាជ្ញាធរគ្រប់លំដាប់ថ្នាក់កងកម្លាំង ប្រដាប់អាវុធ និងក្រុមការងាររបស់គណ
បក្សប្រជាជនត្រូវបន្ដបេសកកម្មការងារ ចុះជួយប្រជាពលរដ្ឋ ដូចជាការត្រៀមទប់ទល់នឹងគ្រោះធម្មជាតិ ដែល
អាចកើតមាន ឡើងនិងកំពុងកើតមានឡើងនាពេលបច្ចុប្បន្ន ដូចជាករណីទឹកជំនន់ហូរមកពី ប្រទេសថៃកំពុង
ចូលក្រុងប៉ោយប៉ែតនោះ។
សម្ដេច តេជោ ហ៊ុន សែន បានលើកឡើងថាអ្នកដែលបំប៉ោងសភាពការណ៍ និងបង្កចលាចល នៅក្នុងប្រព័ន្ធ
ទំនាក់ទំនងហ្វេសប៊ុកតើបុគ្គលទាំងនោះ អាចក្លាយជានាយករដ្ឋមន្ដ្រី ឬក៏រដ្ឋមន្ដ្រីបានទេ?សម្ដេចតេជោបាន
លើកឡើង ពីស្ថានភាពមុនឆ្នាំ ១៩៩៨ ដែល ប្រទេសកម្ពុជាមានតំបន់ត្រួតត្រាផ្សេងគ្នា ប៉ុន្ដែ រហូតមកដល់ពេល
នេះ និងប្រៀប ធៀបនៅឆ្នាំ១៩៧៥ មានសំណង់អគារជាច្រើនបានលេចឡើង ។
សម្ដេចនាយករដ្ឋមន្ដ្រីបានសង្កត់ធ្ងន់ថា រាល់បញ្ហាទាំងអស់ត្រូវតែដោះស្រាយរវាងខ្មែរ និងខ្មែរ ហើយខាងអន្ដរ
ជាតិក៏បានលើកទឹកចិត្ដនិងជំរុញឱ្យដោះស្រាយបញ្ហាទាំងនេះដែរ ៕
ដោយ៖ ស.ស្អាត