ភ្នំពេញ៖ ក្រុមប្រឹក្សាសកម្មភាពជនពិការមកពីក្រសួងសង្គមកិច្ចអតីតៈយុទ្ធជន និងយុវនីតិសម្បទា ចាប់ផ្តើមធ្វើរបាយ ការណ៍ពី ស្ថានភាពជនពិការនៅក្នុងប្រទេសកម្ពុជា បង្ហាញទៅអង្គការសហប្រជាជាតិ ដើម្បីធានាឲ្យមានការឆ្លើយតប ចំពោះពួក គេកាន់ តែប្រសើរជាងមុនថែមទៀត។ថ្លែងក្នុងសិក្ខាសាលានៅព្រឹកថ្ងៃទី៤ ខែវិច្ឆិកានេះ លោក ឯម ចន្ទ័មករា អគ្គលេខាធិការនៃអគ្គ លេខាធិការដ្ឋានក្រុមប្រឹក្សាសកម្មភាពជនពិការមានប្រសាសន៍ថា របាយការណ៍នេះបានផ្តោតជា សំខាន់ លើការពិនិត្យឡើងវិ ញ នូវការអនុវត្តច្បាប់ និងគោលនយោបាយរួមទាំងការប្រមូលទិន្នន័យ និងការជួយទៅដល់ជនពិការ បន្ទាប់ពីអនុ សញ្ញាស្តីពីសិទ្ធិ ជនពិការបានចូលជាធរមាន ហើយនោះ។
លោកបន្តថា របាយការណ៍នេះនឹងធ្វើឡើងដោយក្រុមប្រឹក្សាសកម្មភាពជនពិការ ដោយនឹងត្រូវ ចុះទៅអង្កេតផ្ទាល់ ពីស្ថាន ភាព របស់បងប្អូនជនពិការនៅតាមមូលដ្ឋាន ឲ្យដឹងពី ស្ថានភាពពិតប្រាកដ ដើម្បីដាក់ជូនទៅប្រមុខរាជរដ្ឋាភិបាល នឹងធ្វើ ការរាយ ការណ៍ទៅកាន់អង្គ ការសហប្រជាជាតិ។
លោកបញ្ជាក់ថា នេះជារបាយការណ៍មួយដែល មានលក្ខណៈសុក្រឹត្យដោយ មានការចូលរួមពីភាគីពាក់ពន្ធ័ផ្សេងទៀត ហើយវា មាន សារសំខាន់បំផុតចំពោះបងប្អូនជនពិការ ដោយបានដឹងពីតម្រូវការជាក់ស្តែង និង បញ្ហាដែលកំពុងជួបប្រទៈ ដើម្បី ធានា ឲ្យ ស្ថាបន័ជាតិ និងអន្តរជាតិ អាចឆ្លើយតបជួយដល់ពួកគេបានចំទិសដៅ នឹងធ្វើឲ្យជនពិការកាន់តែមានស្ថាន ភាពប្រសើរ ឡើង ជាងមុខ។
លោកស្រី វ៉ាន់ ហ៊ីលី តំណាងការិយាល័យឧត្តមស្នងការ សិទ្ធិមនុស្សនៃអង្គការសហប្រជាជាតិ បាន ស្វាគមន៍ចំពោះ ការរៀបចំធ្វើ របស់ការណ៍ពីស្ថានភាពជនពិការ ដែលទាំងនេះបានបង្ហាញពីការ ប្តេជ្ញាចិត្តខ្ពស់របស់រាជរដ្ឋាភិបាល ក្នុងការលើកកម្ពស់ ស្ថាន ភាពជន ពិការឲ្យមានភាពស្មើគ្នាដូច ពលរដ្ឋដ៏ទៃទៀតនៅក្នុងសង្គម។ ទោះជាយ៉ាងនេះក្តីលោកស្រីអៈអាងថា ឧត្តមស្នងការសិទ្ធិ មនុស្សនៅតែបន្តគាំទ្រដល់កម្ពុជារួមជាមួយនឹងថវិការ និងបច្ចេកទេស ដើម្បីធានាថាជនពិការ នានាដែលកំពុងទទួលរង គ្រោះ ពី បញ្ហាប្រឈមមួយ ចំនួននៅក្នុងសង្គមត្រូវគេយកចិត្តទុកដាក់ឡើងវិញ និងគ្មានការព្រងើយកន្តើយទៀតឡើយ។
លោក សែម សុខា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងថា រាជរដ្ឋាភិបាលកម្ពុជានីតិកាល ទី៥នៃរដ្ឋសភាបានចាត់ទុកវិស័យ ពិការភាពជាវិស័យអាទិភាព មួយក្នុងចំណោមវិស័យអាទិភាពផ្សេងទៀត។ ក្នុងនោះការ ពង្រឹង ការអនុវត្តច្បាប់ស្តីពីកិច្ចការពារ និងលើកកម្ពស់សិទ្ធិជនពិការ ការជំរុញកិច្ចការពារលើកកម្ពស់សិទ្ធិនិងសុខុមាលភាពជនពិការ ស្របតាមអនុ សញ្ញាអង្គការសហប្រជាជាតិស្តីពីសិទ្ធិជនពិការ ព្រមទាំងការពង្រឹងគុណភាព និង ប្រសិទ្ធភាព នៃសេវារបស់មូល និធិជនពិការ។សូមបញ្ជាក់ថា រាជរដ្ឋាភិបាលកម្ពុជា បានប្រគល់ភារកិច្ចជូនក្រុមប្រឹក្សាសកម្មភាពជនពិការ ដើម្បីរាយការណ៍ ទៅ អង្គការសហប្រជាជាតិស្តីពីជនពិការនៅនៅថ្ងៃទី០២ ខែឧសភាឆ្នាំ២០១៣ ហើយរបាយការណ៍នេះ នឹងត្រូវធ្វើឡើង ក្នុងរយៈពេល២ឆ្នាំម្តង៕ ដោយ៖ សស្អាត