ភ្នំពេញ៖ វិស័យជលផលបានរួមចំណែកយ៉ាងសំខាន់នៅក្នុងកំណើនសេដ្ឋកិច្ចជាតិពោលគឺបានចូលរួមរហូតដល់១២០០-១៦០០លានដុល្លារអាមេរិកក្នុង១ឆ្នាំដែលត្រូវជា១០-១២ភាគរយនៃផលិតផលសរុបGDP
នៃប្រទេសកម្ពុជានិងមានប្រមាណ២៥ភាគរយនៃផលិតផលសរុបGDP ផ្នែកកសិកម្មនៃក្រសួងកសិកម្មរុក្ខា
ប្រម៉ាញ់និងនេសាទ។
នេះបើតាមការលើកឡើងរបស់មន្រ្តីរដ្ឋបាលជលផលអ្នកស្រីកៅជីវីនៅក្នុងសិក្ខាសាលាការពិគ្រោះយោបល់
ថ្នាក់ជាតិស្តីពីនយោបាយយុទ្ធសាស្រ្តឆ្លើយតបនឹងផលប៉ះពាល់នៃប្រែប្រួលអាកាសធាតុនៅក្នុងវិស័យជល
ផលកាលពីម្សិលម៉ិញនៅសណ្ឋាគារសាន់វេរាជធានីភ្នំពេញ។ មន្រ្តីខាងលើបានបង្ហាញពីវិស័យជលផលថា
មានតួនាទីយ៉ាងសំខាន់នៅក្នុងប្រទេសកម្ពុជា ហើយរហូតមកដល់បច្ចុប្បន្ននៅតែបន្តដើរតួនាទី របស់ខ្លួន
ដែលផ្តល់ជាប្រភពប្រូតេអ៊ីន យ៉ាងចម្បងសម្រាប់ចំណីអាហាររបស់ប្រជាជនកម្ពុជា។ មានតួរលេខមួយ
បង្ហាញថាជាមធ្យមប្រជាជនកម្ពុជាបរិភោគត្រី៥២,៤គីឡូ ក្រាមម្នាក់ក្នុង១ឆ្នាំដែលត្រូវបានចាត់ទុកថាជាប្រ
ទេសមួយក្នុងចំណោមប្រទេសដែលមានប្រជាជនបរិភោគត្រីច្រើនជាងគេនៅលើពិភពលោក១៥-៩០គីឡូ
ក្រាមម្នាក់ក្នុង១ឆ្នាំផងដែរ។
ចំពោះកំណែទម្រង់វិស័យជលផលរបស់រាជរដ្ឋាភិបាលកម្ពុជាគឺជាផ្នែកមួយដែលជួយធានាការប្រើប្រាស់
ធនធានជលផលប្រកបដោយនិរន្តរភាពហើយក៏ជាផ្នែកមួយដែលជួយកាត់បន្ថយភាពប្រឈមទៅនឹងការ
ប្រែប្រួលអាកាសធាតុ។ជំហានទីមួយរាជរដ្ឋាភិបាលបានកាត់ដែនឡូនេសាទប្រមាណ៥៦ភាគរយស្មើនឹង
៥៥៥.៥៥២ហិកតានៅឆ្នាំ២០០១សម្រាប់ប្រជានេសាទប្រើប្រាស់និងកំណែទម្រង់នេសាទជំហានទី២មាន
លក្ខណៈស៊ីជម្រៅដោយរាជរដ្ឋាភិបាលបានសម្រេចលុបចោលទាំងស្រុងនូវឡូតិ៍នេសាទដែលមានផ្ទៃដី
ប្រមាណ៧១២.៦២៤ហិកតាជុំវិញបឹងទន្លេសាបនិងតំបន់ទំនាបនានាដែលក្នុងនោះ៧៦,៥០ភាគរយ ទុក
សម្រាប់ប្រើប្រាស់របស់ប្រជានេសាទនិង២៣,៥៩ភាគរយសម្រាប់បង្កើតតំបន់ការពារជលផលទឹកសាប
៥០កន្លែង។
ទន្ទឹមនឹងសារៈសំខាន់ទាំងអស់នេះវិស័យជលផលក៏អាចរងនូវផលប៉ះពាល់យ៉ាងធ្ងន់ធ្ងពីការប្រែប្រួលអា
កាសធាតុដែលជាការប្រកាសអាសន្នជាសកលរបស់ពិភពលោកដែលបណ្តាលមកពីការឡើងកំដៅជា
មធ្យមនៅលើផែនដីនិងសម្ពាធបរិយាកាសដែលជាកត្តាដ៏ចម្បងនៃការកើនឡើងកម្ពស់ទឹកសមុទ្រនិង
បម្រែបម្រួលនៃរបបទឹកភ្លៀងនិងលំហូរនៃរបបទឹកទន្លេដែលទាំងអស់នេះនឹងផ្តល់ផលប៉ះពាល់យ៉ាងធ្ងន់
ធ្ងរដល់វិស័យជលផលទាំងទឹកសាបនិងទឹកសមុទ្រ។
មួយវិញទៀតការថយចុះនៃធនធានជលផលនឹងជះឥទ្ធិពលយ៉ាងខ្លាំងដល់ជីវភាពរស់នៅរបស់ប្រជាពល
រដ្ឋទូទាំងប្រទេសពិសេសដល់អ្នកដែលប្រកបមុខរបរពាក់ព័ន្ធនឹងវិស័យនេះផ្ទាល់តែម្តងដូចជាអ្នកនេសាទ
សហគមន៍នេសាទនិងអ្នកចិញ្ចឹមត្រី។ ការថយចុះនៃធនធានជលផលនឹងធ្វើឲ្យប៉ះពាល់ដល់សន្តិសុខស្បៀង
និងជីវភាពរស់នៅរបស់ប្រជាពលរដ្ឋផងដែរតាមរយៈការកើនឡើងនូវតម្លៃត្រីការបាត់បង់ការងារនិងការខ្វះ
ខាតនៃប្រភពប្រូតេអ៊ីនដែលជាអាហារដ៏ចាំបាច់របស់ប្រជាជនកម្ពុជា។
ដោយឡែកការឡើងកម្ពស់ទឹកសមុទ្រនឹងធ្វើឲ្យលិចព្រៃកោងកាងនិងតំបន់មួយចំនួនជាប្រចាំដែលអាចឲ្យ
មានការប្រែប្រួលនូវប្រព័ន្ធអេកូឡូស៊ីនិងប្រភពនៃការរីកលូតលាស់របស់ត្រីនិងវារីជាតិសមុទ្រ។ចំណែកឯ
ការប្រែប្រួលរបបទឹកភ្លៀងនឹងជះឥទ្ធិពលយ៉ាងខ្លាំងដល់វិស័យជលផលដោយមានភ្លៀងធ្លាក់ខ្លាំងមិនតាម
រដូវជាហេតុធ្វើឲ្យប៉ះពាល់ដល់លក្ខណៈជីវសាស្រ្តនៃការបន្តពូជរបស់ត្រីនឹងធ្វើឲ្យលំហូរទឹករបស់ទន្លេមាន
ការប្រែប្រួល។ហើយលំហូរនេះនឹងធ្វើឲ្យមានការជះឥទ្ធិពលមិនល្អដល់ប្រព័ន្ធអេកូឡូស៊ីទន្លេប៉ះពាល់ដល់
ព្រៃលិចទឹកដែលជាកន្លែងពងកូននិងការរស់នៅរីកលូតលាស់របស់ត្រីធ្វើឲ្យមានការថយចុះទិន្នផលត្រីប្រ
ចាំឆ្នាំនិងធ្វើឲ្យមានការរីងរាក់សីតុណ្ហភាពទឹកឡើងខ្ពស់ដែលអាចបង្កឲ្យមានជំងឺទៀតផងពិសេសការប្រែ
ប្រួលនៃល្បាយប្រភេទត្រីទៅតាមកម្តៅទឹកនិងលក្ខណៈភូមិសាស្រ្តដែលកត្តាទាំងអសើនេះនឹងធ្វើឲ្យធន
ធានជលផលទាំងទឹកសាបនិងទឹកសមុទ្រទទួលរងនូវផលប៉ះពាល់ជាអវិជ្ជមាន។
សូមបញ្ជាក់ផងដែរថារដ្ឋបាលជលផលក៏បានរៀបចំនូវផែនការយុទ្ធសាស្រ្តសម្រាប់វិស័យជលផល១០ឆ្នាំ
២០១០-២០១៩និងផែនការសកម្មភាពផ្សេងៗដើម្បីឆ្លើយតបទៅនឹងការប្រែប្រួលអាកាសធាតុនេះតាមរយៈ
ការបង្កើនសមត្ថភាពរបស់មន្រ្តីជលផលនិងសហគមន៍នេសាទឲ្យមានសមត្ថភាពបន្សាំទៅនឹងការប្រែប្រួល
អាកាសធាតុនិងជម្រុញឲ្យមានការយកចិត្តទុកដាក់ខ្ពស់លើការចិញ្ចឹមត្រីការអភិរក្សនៅតាមសហគមន៍នេ
សាទការព្រលែងកូនត្រីកូនបង្កងនិងការបង្កើតនូវធនាគារក្តាមជាដើម៕
ដោយ៖សស្អាត