ភ្នំពេញ៖ យោងតាមទិន្និន័យពីអង្គការពាណិជ្ជកម្មក្រៅប្រទេសជប៉ុន(JETRO) ចេត្រូចេញផ្សាយកាលពីថ្ងៃអង្គារទី១៤ ខែឧសភា ឆ្នាំ២០១៣នេះបានបង្ហាញថាពាណិជ្ជកម្មទ្វេភាគីរវាងកម្ពុជា-ជប៉ុននៅត្រីមាសទី១ឆ្នាំ
២០១៣នេះមានទំហំទឹកប្រាក់ប្រមាណ១៨០លានដុល្លារអាមេរិកកើនឡើង១៤%ខណៈដែលរយៈពេលដូច
គ្នាកាលពីឆ្នាំមុនមានប្រមាណ១៥៨លានដុល្លារអាមេរិក។
ទិន្និន័យដដែលនេះបង្ហាញទៀតថាការនាំចេញរបស់កម្ពុជាទៅកាន់ប្រទេសជប៉ុន នៅក្នុងអំឡុងពេលពីខែ
មករាដល់ខែមីនាឆ្នាំនេះមានទំហំទឹកប្រាក់ប្រមាណ១២៨លានដុល្លារអាមេរិក។ តួលេខនេះកើនឡើង
២៤%បើប្រៀបធៀបនឹងអំឡុងពេលដូចគ្នាកាលពីឆ្នាំមុនដែលកាលនោះមានប្រមាណ១០៣លានដុល្លារ
អាមេរិក។
ដោយឡែកការនាំចេញរបស់ជប៉ុនមកកាន់ប្រទេសកម្ពុជាវិញនៅរយៈពេលបីខែដំបូងដើមឆ្នាំ២០១៣នេះ
មានទំហំទឹកប្រាក់៥២លានដុល្លារអាមេរិក ពោលគឺធ្លាក់ចុះ៥% ខណៈរយៈពេលដូចគ្នាកាលពីឆ្នាំមុន
សម្រេចបានក្នុងទំហំទឹកប្រាក់៥៥លានដុល្លារអាមេរិក។
ទំនិញដែលកម្ពុជានាំចេញទៅលក់នៅប្រទេសជប៉ុនភាគច្រើនជាសំលៀកបំពាក់ស្បែកជើងស្ករសត្រី
និងអាហារសមុទ្រ ។ ចំណែកឯទំនិញដែលកម្ពុជានាំចូលពីជប៉ុនវិញភាគច្រើនជាគ្រឿងម៉ាស៊ីនយាន
យន្តគ្រឿងអេឡិចត្រូនិកសម្ភារសំណង់ឱសថបរិក្ខាពេទ្យនិងគ្រឿងសំអាងផ្សេងៗ។
ជប៉ុនគឺជាប្រទេសផ្តល់ជំនួយដល់ប្រទេសកម្ពុជាយ៉ាងច្រើនប៉ុន្តែការធ្វើពាណិជ្ជកម្មនិងវិនិយោគរបស់
ប្រទេសនេះនៅកម្ពុជាហាក់នៅមានកម្រិតទាបនៅឡើយ។
ទោះបីជាយ៉ាងនេះក្តីនៅរយៈពេល៣ឆ្នាំចុងក្រោយនេះបណ្តាវិនិយោគិនជប៉ុនបានចូលមកបណ្តាក់ទុន
នៅកម្ពុជាជាច្រើនគួរឲ្យកត់សម្គាល់ដែលកំណើននេះត្រូវគេរំពឹងថានឹងជួយបង្កើនទំហំពាណិជ្ជកម្មទ្វេ
ភាគីរវាងប្រទេសទាំងពីរឲ្យកើនឡើងយ៉ាងឆាប់រហ័សនាពេលអនាគត។
យោងតាមរបាយការណ៍របស់ស្ថានទូតជប៉ុនប្រចាំនៅកម្ពុជាបានបង្ហាញកាលពីដើមឆ្នាំនេះឲ្យដឹងថា
នៅរយៈពេល៣ឆ្នាំចុងក្រោយនេះការវិនិយោគរបស់ប៉ុននៅប្រទេសកម្ពុជាមានទំហំទឹកប្រាក់ប្រមាណ
៣០០លាដុល្លារអាមេរិក។កាលពីឆ្នាំ២០១២ការធ្វើពាណិជ្ជកម្មទ្វេភាគីរវាងកម្ពុជា-ជប៉ុនមានទំហំទឹក
ប្រាក់ប្រមាណ៦៤១លានដុល្លារអាមេរិកកើនឡើង២៥%បើធៀបនឹងឆ្នាំ២០១១។
សូមបញ្ជាក់ផងដែរថាបន្ទាប់ពីខកខានអស់រយៈពេលប្រមាណ៣០ឆ្នាំ រដ្ឋាភិបាលជប៉ុនបានបន្តផ្តល់
ឥណទានយ៉េនជប៉ុនឡើងវិញជូនរាជរដ្ឋាភិបាលកម្ពុជានៅឆ្នាំ១៩៩៩ ហើយសរុបទាំងការផ្តល់ឥណ
ទានពេលបច្ចុប្បន្ននេះ រដ្ឋាភិបាលជប៉ុនបានផ្តល់ឥណទានសម្បទានចំនួន១២លើក សម្រាប់ការអភិវ
ឌ្ឍនៅកម្ពុជា ដែលមានទឹកប្រាក់សរុបប្រមាណ៥០ពាន់លានយ៉េនជប៉ុន សើ្មនឹងប្រមាណ ៥០០លាន
ដុល្លារអាមេរិក៕
ដោយ៖សស្អាត