តាកែវ ៖តាមការគ្រោងទុក  ពិធីប្រកាសតែងតាំងតំណែង អភិបាលខេត្ត និងអភិបាលរងខេត្ត​តាកែវនឹង
ប្រារព្ធធ្វើនៅថ្ងៃទី១៦នេះ ក្រោមវត្តមាន  លោក ឧបនាយករដ្ឋមន្រ្តី សុខ   អាន   តំណាងដ៏ខ្ពង់ខ្ពស់របស់
សម្ដេចតេជោ ហ៊ុន សែន នាយករដ្ឋមន្រ្តី នៃព្រះរាជា​ណាចក្រ​កម្ពុជា។

បើតាមប្រភពពីមន្រ្តីសាលាខេត្តតាកែវ បានបង្ហើបឲ្យដឹងថា លោក ស្រី បេន អភិបាល​ខេត្ត​តាកែវបច្ចុប្បន្ន
នឹងត្រូវប្រកាសតែងតាំងជាគណៈអភិបាលខេត្តមួយអាណត្តិទៀត នៅថ្ងៃស្អែក​នេះ ពីធីប្រកាសតែងតាំង
នេះនិងធ្វើឡើងនៅមន្ទីរសុខាភិបាលខេត្តតាកែវ ។

មន្រ្តីដដែលបង្ហើបទៀតថា បើទោះបីជាតំណែងអភិបាលខេត្តរបស់លោក ស្រី បេន នៅរក្សា​ដដែល​ក៏ដោយ
ប៉ុន្តែតំណែងអភិបាលរងខេត្តម្នាក់ក្នុងចំណោមអភិបាលរងខេត្ត៥នាក់ និងមានការផ្លាស់ប្ដូរម្នាក់ គឺលោក អ៊ីត
សុខ ត្រូវចូលនិវត្តន៍ ហើយតំណែងអភិបាលរងនេះ នឹងជំនួសដោយ លោក អ៊ូច ភា ដែលជាអភិបាលក្រុង
ដូនកែវ ហើយតំណែងអភិបាល​ក្រុងដូនកែវ និងជំនួសដោយ លោក កៅ វិសែល ជាអភិបាលរងស្រុកគិរីវង់។
 

ក្រៅពីនោះបើគ្មានអ្វីប្រែប្រួលទេតំណែង អភិបាលស្រុកទាំង៩ ដែលចំណុះឲ្យសាលា​ខេត្ត​តាកែវ នឹងមិន
មានការផ្លាស់ប្ដូរនោះទេ   គឺនៅរក្សាដដែល បើទោះជាកន្លងមក  មានពាក្យចចាមរ៉ាមថា លោកអភិបាល
ស្រុកបុរីជលសារ អាចនិងមានការផ្លាស់ប្ដូក៏ដោយ ៕