ភ្នំពេញៈ រដ្ឋាភិបាលអូស្ត្រាលីគ្រោងផ្តល់ហិរញ្ញប្បទានកិច្ចសហប្រតិបត្តិការស ម្រាប់ឆ្នាំ២០១៣-២០១៤ ប្រមាណ៨៥,៣ លានដុល្លារអាម៉េរិក ដើម្បីអភិវឌ្ឍន៍ប្រទេសកម្ពុជា ដោយផ្តោតជាសំខាន់លើ គម្រោងក្នុងវិស័យសុខាភិបាលអប់រំ និងបណ្តុះបណ្តាល កសិកម្ម អភិបាលកិច្ច ហេដ្ឋារចនាសម្ព័ន្ធ និងបោសសម្អាតមីនផងដែរ។
លោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងលោកជំទាវ Alison BURROWS ឯកអគ្គរាជទូតអូស្ត្រាលីប្រចាំកម្ពុជាកាលពីថ្ងៃទី ១២ ខែមីនា ឆ្នាំ ២០១៤ នៅទីស្តីការក្រសួងបានឲ្យដឹងថា ជាមួយគ្នានេះដែរ រដ្ឋាភិបាលអូស្ត្រាលី ក៏គ្រោងផ្តល់ហិរញ្ញប្បទានឥតសំណងចំនួន ៦,៦៨ លានដុល្លារអាម៉េរិក សម្រាប់គម្រោងស្តារឡើង វិញហេដ្ឋារចនាសម្ព័ន្ធ ដែលខូចខាតដោយទឹកជំនន់ (ហិរញ្ញប្បទានបន្ថែម) និងហិរញ្ញប្បទានឥត សំណងចំនួន ៦,៦៧ លានដុល្លារអាម៉េរិកសម្រាប់គម្រោងកែលម្អផ្លូវជនបទជំហានទី ២ ដែល គម្រោងទាំងពីរនេះនឹងចាប់ផ្តើមអនុវត្តន៍ក្នុងឆ្នាំ ២០១៤ នេះ ។
យោងតាមសេចក្តីជូនដំណឹងនោះក៏បានរំលឹកដែរថា ចាប់តាំងពីឆ្នាំ១៩៩២រហូតដល់ឆ្នាំ ២០១១ រាជរដ្ឋាភិបាលអូស្ត្រាលីបានផ្តល់ហិរញ្ញប្បទានឥតសំណង ដល់រាជរដ្ឋាភិបាលកម្ពុជាចំនួនប្រមាណ ៥៧៣ លានដុល្លារអាម៉េរិក ដែលជាហិរញ្ញប្បទានសហប្រតិបត្តិការផ្លូវការសម្រាប់ការអភិវឌ្ឍប្រ ទេសកម្ពុជា ហើយហិរញ្ញប្បទានទាំងនេះត្រូវបានវិភាជន៍លើកម្មវិធីអភិវឌ្ឍន៍ទ្វេភាគី កម្មវិធីអភិវឌ្ឍន៍ មហាអនុតំបន់មេគង្គ វិស័យឯកជន អង្គការមិនមែនរដ្ឋាភិបាល និងកម្មវិធីអភិវឌ្ឍន៍តំបន់អាស៊ី-បូព៌ា។
លោករដ្ឋមន្ត្រី អូន ព័ន្ធមុនីរ័ត្ន បានថ្លែងអំណរគុណដល់រដ្ឋាភិបាលអូស្ត្រាលីជាដៃគូអភិវឌ្ឍន៍ ដ៏សំខាន់មួយ ដែលកន្លងមកបានជួយកម្ពុជាជាច្រើន ក្នុងនោះរួមមានការគាំទ្រដល់កិច្ចអភិវឌ្ឍន៍ សេដ្ឋកិច្ចនៅកម្ពុជា តាមរយៈជំនួយអភិវឌ្ឍន៍ជាច្រើន ការលើកកម្ពស់ផ្នែកហេដ្ឋារចនាសម្ព័ន្ធសម្រាប់ ធ្វើការតភ្ជាប់ផ្លូវដឹកជញ្ជូន ព្រមទាំងចូលរួមអភិវឌ្ឍន៍ផ្នែកធនធានមនុស្ស ដោយទទួលយកនិស្សិត កម្ពុជាទៅបន្តការសិក្សានៅប្រទេសអូស្ត្រាលី ហើយរាជរដ្ឋាភិបាលអូស្ត្រាលី ក៏បានដើរតួនាទីយ៉ាងសំខាន់ផងដែរ ក្នុងដំណើរការស្វែងរកសន្តិភាពនៅកម្ពុជា៕ ដោយៈភីនរ៉ា