ភ្នំពេញ៖ ទីភ្នាក់ងារបារាំង សម្រាប់ការអភិវឌ្ឍន៍ AFD បានផ្តល់ ឥណទានសម្បទាន២៦លាន ដុល្លារអាមេរិក សម្រាប់ គម្រោងស្តារ ប្រព័ន្ធធារាសាស្ត្រ និងព្រែកចំនួន៤០កន្លែង បន្តពីគម្រោងរបស់ ធនាគារអភិវឌ្ឍន៍អាស៊ី ។ពិធីចុះហត្ថលេខា លើកិច្ចព្រមព្រៀង ឥណទានសម្បទាននេះ ធ្វើឡើងរវាង លោក អូន ព័ន្ធមុនីរ័ត្ន រដ្ឋមន្ត្រីក្រសួង សេដ្ឋកិច្ច និងហិរញ្ញវត្ថុ និង លោក Serge MOSTURA ឯកអគ្គរដ្ឋទូត សាធារណរដ្ឋបារាំង ប្រចាំកម្ពុជា និងតំណាង ទីភ្នាក់ងាបារាំង សម្រាប់ការរអភិវឌ្ឍន៍ AFD លោកស្រី Ninel Ulloa Maureira នៅរសៀលថ្ងៃទី ២៣ខែធ្នូ ឆ្នាំ២០១៣ នៅក្រសួងសេដ្ឋកិច្ច។
.jpg)
តាមរយៈកិច្ចព្រមព្រៀងឥណទានសម្បទាននេះ គម្រោងអភិវឌ្ឍន៍ធារាសាស្ត្រ និងកសិកម្មនឹងចូលរួមស្តារ ឡើង វិញនូវប្រព័ន្ធធារាសាស្ត្រចំនួន១១កន្លែង គ្របដណ្តប់លើផ្ទៃដីប្រមាណ១១ ០០០ហិកតា ក្នុងខេត្តចំនួន៣ គឺខេត្ត កំពង់ធំ សៀមរាប និងខេត្តបន្ទាយមានជ័យ និងស្តារព្រែកចំនួន៤០ កន្លែងទៀត នៅខេត្តកណ្តាល គ្របដណ្តប់លើផ្ទៃដីកសិកម្មប្រមាណ៥ ០០០ហិកតា។
លោក អូន ព័ន្ធមុនីរ័ត្ន បានមានប្រសាសន៍ថា ការពង្រីកប្រព័ន្ធធារាសាស្ត្រ និងស្តារព្រែកឡើងវិញនេះ គឺជាការចូលរួមចំណែកយ៉ាងសកម្មក្នុងការអនុវត្ត យុទ្ធសាស្ត្រចតុកោណ ដំណាក់កាលទី៣ ជាពិសេស គោលនយោបាយ ជំរុញផលិតកម្មស្រូវរបស់រដ្ឋាភិបាល ។លោក Serge Mostura ឯកអគ្គរដ្ឋទូតបារាំងប្រចាំកម្ពុជា បានថ្លែងថា កសិកម្មក្នុងប្រទេសកម្ពុជាពឹងផ្អែកលើផលិតកម្មស្រូវ ប្រទេសបារាំងគាំទ្រការផលិតស្រូវរបស់កម្ពុជា ហើយបារាំងជាប្រទេសទី២នៅអឺរ៉ុប ដែលនាំអង្ករផ្កាម្លិះកម្ពុជាចូលច្រើនជាងគេ។
គួរបញ្ជាក់ថា ចាប់តាំងពីឆ្នាំ១៩៩៧ មក ទីភ្នាក់ងាបារាំង សម្រាប់ការរអភិវឌ្ឍន៍ AFD បានផ្តល់ហិរញ្ញប្បទានប្រមាណ៥០លានដុល្លារអាមេរិក ដើម្បីការរៀបចំប្រព័ន្ធធារាសាស្ត្រកិសកម្ម និងពង្រីកតួអង្គនានាដែលពាក់ព័ន្ធក្នុងវិស័យនេះ ដោយសម្រេចបានការស្តារប្រព័ន្ធស្រោចស្រពប្រមាណជាង៥០ ០០០ហិចតា៕ ដោយ ៖ រតនា