ភ្នំពេញ៖បើតាមសេចក្តីប្រកាសព័ត៌មានរបស់ទីភ្នាក់ងារសហប្រតិបត្តិការអន្តរជាតិនៃប្រទេសជប៉ុនJICA
បានប្រកាសបរិច្ចាកម៉ាស៊ីនវាស់ជីបចរ(Stethosco-pes) ចំនួន៣៥០គ្រឿងសម្រាប់ទិវាជាតិនៃសន្និសីទឆ្មបឆ្នាំ
២០១៣ និង ដើម្បីភាពកាន់តែប្រសើរនៃសុខភាពមាតានៅតាមបណ្ដាខេត្ត។
សេចក្តីប្រកាសខាងលើចុះថ្ងៃទី៣ឧសភាឆ្នាំ២០១៣បង្ហាញថាសន្និសីទនេះត្រូវបានរៀបចំដោយសមាគមឆ្មប
កម្ពុជា(CMA) ដែលនឹងប្រព្រឹត្តទៅនៅថ្ងៃចន្ទទី៦ខែឧសភាឆ្នាំ២០១៣ចាប់ពីម៉ោង៨ព្រឹករហូតដល់ម៉ោង៥
ល្ងាចនៅសណ្ឋាគារសាន់វ៉េរាជធានីភ្នំពេញក្រោមអធិបតីភាពលោកបណ្ឌិតម៉មប៊ុនហេងរដ្ឋមន្ត្រីក្រសួងសុខាភិបាល។
ចំណែកពិធីប្រគល់ម៉ាស៊ីនStethoscopes នឹងត្រូវធ្វើឡើងនៅចន្លោះម៉ោង១១ព្រឹកដល់ម៉ោង១២បន្ទាប់ពីការធ្វើ
បទបង្ហាញដោយមន្ទីរពេទ្យកំពង់ចាម។
សេចក្តីប្រកាសបន្តថាជារៀងរាល់ឆ្នាំដោយធ្វើការសហការជាមួយកម្មវិធីជាតិសុខភាពបន្តពូជ, ក្រុមប្រឹក្សាឆ្មប
កម្ពុជា, និងដោយមានការឧបត្ថម្ភពីដៃគូអភិវឌ្ឍន៍ផ្នែកសុខាភិបាល CMA តែងតែរៀបចំសន្និសិទស្តីពីតួនាទី
របស់ឆ្មបក្នុងការលើកកម្ពស់សេវាថែទាំសុខភាពមាតានិងទារកនៅក្នុងប្រទេស។
សេចក្តីប្រកាសលើកឡើងថាម៉ាស៊ីនStethoscopes ទាំងអស់ត្រូវបានផ្តល់ជូនតាមរយៈគម្រោងលើកកម្ពស់
សេវាថែទាំសុខភាពមាតានិងទារកតាមរយៈការការអភិវឌ្ឍសមត្ថភាពឆ្មបនឹងត្រូវបានចែកជូនដល់ឆ្មបដែល
បានចូលរួមនៅក្នុងសន្និសីទដែលមកពីមណ្ឌលសុខភាពតាមតំបន់ដាច់ស្រយាល៕
ដោយ៖សស្អាត