ភ្នំពេញ៖ខណៈកម្ពុជា និងពិភពលោកបានរួមគ្នាប្រារព្ធទិវាឆ្មប៥ឧសភា ក្រោមប្រធានបទពិភពលោក
ត្រូវការឆ្មបបន្ថែមនេះ លោកជំទាវ ប៊ុន រ៉ានីហ៊ុនសែនប្រធានកាកបាទក្រហមកម្ពុជាបានថ្លែងលើកទឹកចិត្ត
ឆ្មបកម្ពុជាក្នុងការបំពេញការងារថែទាំសុខមាលភាពជូន មាតា និង ទារក ដើម្បីចូលរួមកាត់បន្ថយ អត្រាម
រណភាពមាតា និង ទារកនៅកម្ពុជា។
លោក ជំទាវ ប៊ុន រ៉ានីហ៊ុន សែន ជាឥស្សរជនឆ្នើមថ្នាក់ជាតិ នៃផែនការសកម្មភាពរួម អគ្គលេខាធិការ អង្គ
ការសហប្រជាជាតិ បានចេញសេចក្តីថ្លែងការណ៍ឲ្យដឹងថា ៥ឧសភា ជាទិវាឆ្មបពិភពលោក ដែលយើង
ទាំងអស់គ្នារំលឹកអំពីការងារឆ្មប ការបណ្តុះបណ្តាលឆ្មបជំនាញ ការបញ្ជូលក្របខណ្ឌរដ្ឋ និងការដាក់ពង្រា
យឆ្មបទៅគ្រប់មណ្ឌលសុខភាព ដែលជាកត្តាចាំបាច់មួយ ក្នុងការកាត់បន្ថយអត្រាមរណមាតានិងទារកនៅ
កម្ពុជាឱ្យបានទាបបំផុត ។
ជាការពិតណាស់ឆ្មបបានដើរតួនាទីយ៉ាងសំខាន់បំផុត ក្នុងការថែទាំនៅពេលស្រ្តីមានគភ៌ ពេលសម្រាលកូន
និងក្រោយពេលសម្រាលកូន ដោយត្រូវធ្វើការថែទាំ ទាំងមាតានិង ទារក ធ្វើយ៉ាងណាឲ្យការសម្រាលកូន
មានសុវត្ថិភាពនិងធានានូវសុខភាពកូន ។
នៅក្នុងឱកាសទិវាឆ្មប ៥ឧសភា លោកជំទាវ កិត្តិព្រឹទ្ធបណ្ឌិត ប៊ុន រ៉ានីហ៊ុនសែន បានអំពាវនាវឲ្យដល់គ្រប់
ដៃគូអភិវឌ្ឍន៍ទាំងអស់ ផ្តល់ជំនួយ ចូលរួមជួយបន្តគាំទ្រការងារឆ្មប ក្នុងការបណ្តុះបណ្តាលឆ្មបជំនាញ និង
ជួយគាំទ្រដល់ការអភិវឌ្ឍន៍ វិជ្ជាជីវៈផ្នែកនេះនៅកម្ពុជាបន្ថែមទៀត។
បើតាមរបាយការណ៍សុខាភិបាល រយៈពេល៥ឆ្នាំ កន្លងមកបានបង្ហាញថា សុខភាពមាតានិងទារកនៅ
កម្ពុជា មានវឌ្ឍនភាពគួរជាទីមោទន ។ បើទោះបីជាកម្ពុជា សម្រេចបានសមិទ្ធផលល្អ តាមគោលដៅ
អភិវឌ្ឍន៍ សហស្សវត្សរ៍ឆ្នាំ២០១៥ក៏ដោយ ក៏យើងមិនអាចរីករាយបានទេ ប្រសិនបើនៅមានស្រ្តីមួយចំនួន
បន្តនៅរងទុក្ខវេទនា ដោយសារតែការមានគភ៌ និងការសម្រាលកូននៅឡើយនោះ។
សូមបញ្ជាក់ថា ផ្អែកតាមទិន្នន័យពិភពលោកបង្ហាញថា នៅលើពិភពលោក ក្នុងមួយឆ្នាំមានស្រ្តីជាមាតា
ប្រហែលជា ២៨៧.០០០នាក់ និង ទារក ប្រហែលជា៣លាននាក់បានស្លាប់ក្នុងអំឡុងពេលមានគភ៌ ពេល
កំពុងសម្រាល និងក្រោយពេលសម្រាលកូន និងមានស្រ្តីជាច្រើនលាននាក់ បានទទួលរងនូវផលវិបាក និងពិការភាពនៅ ក្រោយពេលសម្រាលកូន៕
សស្អាត