សៀមរាប៖ប្រមុខរាជរដ្ឋាភិបាលកម្ពុជាបានសម្រេចជាគោលការណ៍ក្នុងការផ្លាស់ប្តូរទីតាំងកន្លែងធ្វើការ
របស់អាជ្ញាធរអប្សរាដែលស្ថិតនៅអង្គរឃ្យូងយូក្បែររង្វង់មូលផ្លូវ៦០ទៅជាសាលាខេត្ដសៀមរាប។រីឯអាជ្ញាធរ
អប្សរានឹងផ្លាស់ទៅធ្វើការនៅទីតាំងសាលាខេត្ដសៀមរាបដែលស្ថិតនៅឆ្ងាយជាង២០គីឡូម៉ែត្រពីក្រុងសៀម
រាបវិញម្ដង។
មន្ដ្រីជាន់ខ្ពស់និងបុគ្គលិកបម្រើការងារនៅសាលាខេត្ដសៀមរាបជាច្រើនរូបក៏បានបញ្ជាក់ឲ្យដឹងថាសម្ដេចតេ
ជោនាយករដ្ឋមន្ដ្រី នៃព្រះរាជាណាចក្រកម្ពុជាបានសម្រេចរួចហើយ ឱ្យមានការផ្លាស់ប្ដូរទីតាំងសាលាខេត្ដ
ដែលស្ថិតនៅឆ្ងាយជាង២០គីឡូម៉ែត្រ ឱ្យមកដាក់ទីតាំងធ្វើការរបស់អាជ្ញាធរអប្សរាក្បែរទីក្រុងសៀមរាបហើ
យអាជ្ញាធរអប្សរានិងយកទីតាំងសាលាខេត្ដសៀមរាបដែលស្ថិតនៅក្នុងសង្កាត់អម្ពិលជាកន្លែងធ្វើការវិញ។
ជាមួយនឹងការប្ដូរទីតាំងខាងលើមន្ដ្រីរាជការ ទាំងអស់របស់សាលាខេត្ដសៀមរាប បានសាទរយ៉ាងខ្លាំងក្លា
បំផុតចំពោះការសម្រេចចិត្ដរបស់ប្រមុខរាជរដ្ឋាភិបាលកម្ពុជាដែលមន្ដ្រីរាជការរាប់រយនាក់របស់សាលាខេត្ដ
សៀមរាប បានរង់ចាំជាយូរមកហើយឱ្យមានការផ្លាស់ប្ដូរទីតាំងសាលាខេត្ដសៀមរាប ដែលនៅឆ្ងាយនេះឱ្យ
មកនៅក្នុងក្រុងសៀមរាបវិញប៉ុន្ដែដោយសារកន្លងមកពួកគាត់មិនហ៊ានតវ៉ាតែប៉ុណ្ណោះព្រោះខ្លាចមិនទទួល
ជោគជ័យ។
ប្រភពខាងលើបាននិយាយថាទីតាំងសាលាខេត្ដសៀមរាបបច្នុប្បន្នគឺមានទំហំដីប្រមាណ៤០ហិកតាស្ថិត
នៅឃុំអម្ពិលស្រុកប្រាសាទបាគង។ ប៉ុន្ដែដោយទីតាំងនោះស្ថិតនៅឆ្ងាយពីទីរួមខេត្ដសៀមរាបពេកក៏ត្រូវ
បានគេប្ដូរទៅជាសង្កាត់អម្ពិលស្ថិតនៅក្នុងខេត្ដសៀមរាបវិញដើម្បីឱ្យមានឈ្មោះថាស្ថិតនៅក្នុងក្រុងសៀម
រាប។
ទីតាំងសាលាខេត្ដសៀមរាបបច្នុប្បន្នគឺមានមន្ដ្រីតិចតួចបំផុតបានទៅធ្វើការហើយថ្នាក់ដឹកនាំមន្ដ្រីខ្លះទៀត
គឺស្ទើរតែមិនបានទៅធ្វើការទៀតផងដោយសារទីតាំងឆ្ងាយពេកនិងមានចម្ងាយជាង២០គីឡូម៉ែត្របើគិត
ការធ្វើដំណើររបស់មន្ដ្រីរាជការ៤ជើងក្នុងមួយថ្ងៃគឺមិនក្រោម១០០គីឡូម៉ែត្រទេ។ហើយអ្នកដែលទៅធ្វើការ
នៅសាលាខេត្ដសៀមរាបបច្នុប្បន្នគឺភាគច្រើនជាមន្ត្តីមន្ទីរដែលនៅកន្លែងខ្លាញ់ហើយរកលុយបាន។ មន្រ្តី
នៅមន្ទីរខ្លះដែលមិនមានចំណូលដូចមន្ទីរផ្សេងៗគឺស្ទើរតែរកមនុស្សធ្វើការពុំបានព្រោះតែប្រាក់ខែរបស់
ពួកគាត់មួយខែមិនអាចយកមកចាក់សាំងឡានឬម៉ូតូសម្រាប់ជិះទៅធ្វើការគ្រប់ឡើយ។តើពួកគាត់មាន
ប្រាក់ខែឯណាទៅចិញ្ចឹមប្រពន្ធកូននិងចាយវាយគ្រប់នោះ។
ដោយឡែកទីតាំងអាជ្ញាធរអប្សរាដែលស្ថិតនៅអង្គរឃ្យូងយូក្បែររង្វង់មូលផ្លូវ៦០ម៉ែត្រដែលធ្វើជាសាលា
ខេត្ដសៀមរាបនោះគេមិនបានដឹងចំនួនច្បាស់លាស់ថាមានចំនួនប៉ុន្មានហិកតាទេតែទីតាំងអាជ្ញាធរអប្ស
រាមន្ដ្រីរាជការកំពុងធ្វើការរាល់ថ្ងៃហើយទីតាំងរបស់អាជ្ញាធរអប្សរាក៏ទើបតែកសាងរួចកាលពីពេលថ្មីៗនេះ
ដែរ។
មន្ដ្រីជាន់ខ្ពស់សាលាខេត្ដសៀមរាបដដែលបានបញ្ជាក់ទៀតថាទីតាំងអាជ្ញាធរអប្សរាបច្នុប្បន្នគឺមានភាព
តូចចង្អៀតបន្ដិចសម្រាប់សាលាខេត្ដ ប៉ុន្ដែដោយសារតែតូចចង្អៀតបន្ដិចនេះហើយទើបរាជរដ្ឋាភិបាល
កម្ពុជាសម្រេចឱ្យបន្ថែមផ្ទៃដីដែលទំនេរចំនួន៤ហិកតាបន្ថែមទៀតដើម្បីទុកឱ្យសាលាខេត្ដសៀមរាបមាន
លទ្ធភាពកសាងអគារបន្ថែមសម្រាប់មន្ទីរនានា៕
ដោយ៖សស្អាត