ភ្នំពេញ៖ លោកខៀវកាញារិទ្ធិរដ្ឋមន្ត្រី ក្រសួងព័ត៌មាន កាលពីចុងសប្តាហ៍មុន បានក្រើនរំលឹកពិធីករពិធីការនីទូទាំងប្រទេស គម្បីអនុវត្តន៍ឱ្យបាននូវក្រមសិលធម៌ វិជា្ជជីវៈរបស់ខ្លួន ជៀសវាង ធ្វើការអត្ថាធិប្បាយខុស ដែលនាំឱ្យអ្នកស្តាប់ ឬទស្សនាមានការយល់ច្រឡំ មិនយល់ច្បាស់សភាពការពិត។ ថ្លែងប្រាប់អ្នកសារព័ត៌មានក្រោយពីបញ្ចប់ពីធីជួបជុំពិធីករពិធីការនីវិទ្យុ និងទូរទស្សន៍ប្រមាណជិត២០០នាក់ នៅទីស្តីការក្រសួងព័ត៌មាន
លោកខៀវកាញារិទ្ធិរដ្ឋមន្រ្តីក្រសួងព័ត៌មាន បានមានប្រសាសន៍ថា ពិធីករពិធីការនី ជាអ្នកធ្វើការដោយផ្ទាស់នៅតាមប្រព័ន្ធផ្សព្វផ្សាយ រួមមានវិទ្យុ ទូរទស្សន៍ ដូច្នេះ ពួកគាត់មានឱកាសច្រើនក្នុងការបកស្រាយ ឬអត្ថាធិប្បាយបញ្ហាផ្សេងៗ ដល់ប្រជាពលរដ្ឋនៅទូទាំងប្រទេសឱ្យបានដឹងពីព័ត៌មាននានាលើគ្រប់វិស័យ។
លោកបានបន្តថា ពិធីករពិធីការនីសុទ្ធតែជាអ្នកមានចំនេះដឹងខ្ពង់ខ្ពស់ ប៉ុន្តែបើពួកគាត់មិនគោរនូវក្រមសិលធម៌ ឬវិជ្ជាជីវៈទេ នោះគុណតំលៃរបស់ពិធីករពិធីការនី នឹងថយចុះ គេមិនឱ្យតំលៃជាដើម។ «យើងដឹងហើយថា នៅប្រទេសយើងមិនទាន់មានមហាវិទ្យាល័យបណ្តុះបណ្តាលពិធីករពិធីការនីទេ ប៉ុន្តែពួកគាត់មានចំនេះ ច្រើនមកពីគ្រប់ប្រភព តែអ្នកខ្លះក៏មិនចេះដែរ។ ដូច្នេះ ដើម្បីលើកតំកើនតួនាទីពិធីការនីយើងបានជាថ្ងៃនេះ សមាគមន៍ពិធីករពិធីការនីបានរៀបចំ សិក្ខាសាលានេះឡើង ដើម្បីផ្លាស់ប្តូរបទពិសោធន៍គ្នាទៅវិញទៅមក។ ហើយពិធីករ ពិធីការ នី ត្រូវជាសវាងឱ្យបាននូវកំហុសការអាន កាយវិការ ឬអត្ថាធិបាយខុសត្រូវគោរពក្រមសិលធម៌»។
ដោយ៖ អភិរក្ស