ភ្នំពេញ៖នាព្រឹកថ្ងៃទី៧ ខែឧសភា ឆ្នាំ២០១៣ រដ្ឋសភាកម្ពុជាបានបើកកិច្ចប្រជុំរបស់ខ្លួននិងបានលើក
យកសេចក្តីព្រាងច្បាប់ស្តីពីការបង្ការនិងពន្លត់អគ្គិភ័យ មកពិភាក្សានិងអនុម័ត។ សេចក្តីព្រាងច្បាប់ស្តីពីការ
បង្ការនិងការពន្លត់អគ្គិភ័យមាន៨ជំពូក ចែកចេញជា៣៣មាត្រាមានគោលបំណងលើកកម្ពស់ការបង្ការ និង
ការពន្លត់អគ្គិភ័យសំដៅការពារអាយុជីវិតទ្រព្យសម្បត្តិបរិស្ថានសន្តិសុខសណ្តាប់ធ្នាប់សាធារណៈ និងសុវត្ថិ
ភាពសង្គម។
សេចក្តីព្រាងច្បាប់នេះមានវិសាលភាពគ្របដណ្តប់លើរាល់សកម្មភាពបង្ការ និងពន្លត់អគ្គិភ័យក្នុងព្រះរាជា
ណាចក្រកម្ពុជា ។ កិច្ចប្រជុំពេញអង្គគណៈរដ្ឋមន្ត្រីដឹកនាំដោយសម្តេចតេជោនាយករដ្ឋមន្ត្រី ហ៊ុន សែន
កាលពីថ្ងៃទី១៤ ខែធ្នូ ឆ្នាំ២០១២ បានអនុម័តលើសេចក្តីព្រាងច្បាប់ស្តីពីការបង្ការនិងការពន្លត់អគ្គិភ័យ។
ពីលទ្ធផលនៃកិច្ចប្រជុំគណៈរដ្ឋមន្ត្រីនេះបង្ហាញថា គ្រោះមហន្តរាយដែលបង្កឡើងដោយអគ្គិភ័យពីមួយឆ្នាំ
ទៅមួយឆ្នាំចេះតែមានកំណើនគួរឲ្យព្រួយបារម្ភគំរាមកំហែងដល់សន្តិសុខសណ្តាប់ធ្នាប់សាធារណៈប៉ះពាល់
ដល់អាយុជីវិតសុខុមាលភាពនិងបំផ្លាញទ្រព្យសម្បត្តិបរិស្ថាន ជះឥទ្ធិពលធ្ងន់ធ្ងរដល់គោលនយោបាយកាត់
បន្ថយភាពក្រីក្ររបស់រាជរដ្ឋាភិបាល។
សេចក្តីប្រកាសលើកឡើងថាទន្ទឹមនឹងនោះដែរការរីកចម្រើនផ្នែកសំណង់មានកម្ពស់ច្រើនជាន់សំណង់ជាន់
ក្រោមដីនិងសំណង់ធម្មតារួមទាំងមុខទំនិញងាយឆេះនិ ងផ្ទុះឆេះជាច្រើនដែលបាននិងកំពុងពង្រាយនិងធ្វើ
ចរាចរណ៍នៅទូទាំងប្រទេសដែលទាមទារត្រូវឲ្យមានបទដ្ឋានគតិយុត្តបញ្ញត្តិច្បាស់លាស់អំពីលក្ខខណ្ឌវិធាន
ការបង្ការនិងពន្លត់អគ្គិភ័យ។
សេចក្តីប្រកាសខាងលើបន្ថែមថា សេចក្តីព្រាងច្បាប់ស្តីពីការបង្ការ និងការពន្លត់អគ្គិភ័យដែលរៀបចំឡើង
ដោយ ក្រសួងមហាផ្ទៃអាចរួមចំណែកយ៉ាងសំខាន់ដល់ការថែរក្សា សន្តិសុខសុវត្ថិភាពសង្គមសណ្តាប់ធ្នាប់សាធារណៈការពារអាយុជីវិតទ្រព្យសម្បត្តិ ជាទូទៅកាត់បន្ថយភាពក្រីក្របង្កើនទំនុកចិត្តដល់វិនិយោគិននិងអ្នកទេសចរ។
សេចក្តីប្រកាសបន្តថាសេចក្តីព្រាងច្បាប់នេះមានគោលដៅកំណត់អំពីការទទួលខុសត្រូវរបស់ជនគ្រប់រូបនិង
អំពីលក្ខខណ្ឌវិធានការនានាដើម្បីបង្ការនិងពន្លត់អគ្គិភ័យ។
សេចក្តីប្រកាសព័ត៌មានបញ្ជាក់ថាការអនុម័តសេចក្តី ព្រាងច្បាប់ស្តីពីការបង្ការនិងការពន្លត់អគ្គិភ័យអង្គប្រជុំ
គណៈរដ្ឋមន្ត្រីតាមរយៈសម្តេចតេជោនាយករដ្ឋមន្ត្រីបានអំពាវនាវដល់គ្រឹះស្ថានឯកជននានាជាអាទិ៍មានរោង
ចក្រសហគ្រាសសណ្ឋាគារធំៗសូមឲ្យចូលរួមជាមួយរាជរដ្ឋាភិបាលដើម្បីបង្ការនិងទប់ស្កាត់គ្រោះមហន្តរាយ
អគ្គិភ័យតាមរយៈរៀបចំប្រព័ន្ធបង្ការ និងពន្លត់អគ្គិភ័យហើយបើអាចធ្វើបានគឺ ទិញរថយន្តពន្លត់អគ្គិភ័យទុកសម្រាប់ប្រើប្រាស់ផ្ទាល់ខ្លួន"៕
សស្អាត