ភ្នំពេញ ៖ ទិវាសេរីភាពសារព័ត៌មានពិភពលោកឆ្នាំ២០១៣ ក្រោមប្រធានបទ សុវត្ថិភាពក្នុង ការនិយាយ
នាធាសេរីភាពក្នុងការបញ្ចេញមតិនៅគ្រប់ប្រព័ន្ធផ្សព្វផ្សាយ ទាំងអស់ ប្រារព្ធធ្វើឡើង នាព្រឹកថ្ងៃទី០៣ ខែ
ឧសភា ឆ្នាំ២០១៣ នៅសណ្ឋាគារ ហ៊ីម៉ាវ៉ារី រាជធានី ភ្នំពេញ ក្រោមអធិបតី លោក ខៀវ កាញារីទ្ធ រដ្ឋមន្ត្រី
ក្រសួងព័ត៌មាន ។
លោករដ្ឋមន្ត្រី ខៀវ កាញារីទ្ធ មានប្រសាសន៍ថា ការយល់ដឹងអំពីសិទ្ធិសេរីភាពរបស់ប្រជាពល រដ្ឋជាបញ្ហា
សំខាន់ណាស់ ហើយសុវត្ថិភាពរបស់សារព័ត៌មាន និងការធានាសុវត្ថិភាពរបស់ អ្នកសារព័ត៌មាន ស្ថិតក្នុងផ្នែក
មួយនៃសេរីភាពអ្នកសារព័ត៌មាន ចំណែកប្រជាជនទាំងអស់ ក៏ជាអ្នកសារព័ត៌មានដែរ ។ ដូច្នេះហើយ ទាមទារ
ឲ្យប្រជាពលរដ្ឋទាំងអស់ងាកមកស្តាប់ វិទ្យុ និងមើលកាសែត ដើម្បីបង្ហាញពីកម្រិតយល់ដឹងរបស់ទាំងអស់គ្នា
។ លោករដ្ឋមន្ត្រីបានបញ្ជាក់ថា អ៊ិនធឺណេតមិនមែនជាព័ត៌មាននោះទេ វាគ្រាន់ជា ផ្នែកមួយនៃការផ្តល់ព័ត៌មាន
ប៉ុណ្ណោះ ហើយដំណឹងនៅលើហ្វេសប៊ុក (facebook) មិនមែនជា ផលិតផលសម្រេចនោះទេ ប៉ុន្តែវាជាដំណឹង
ពាក់កណ្តាល ផលិតផលសម្រេចប៉ុណ្ណោះ ។
លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានថ្លែងថា ចំពោះការលើកឡើងដែលថាក្រមព្រហ្មទណ្ឌកម្ពុជា
មិនធានាសុវត្ថិភាព សម្រាប់អ្នកកាសែតនោះ សូមឲ្យិនិត្យឡើងវិញ «ក្រមព្រហ្មទណ្ឌ ដែល មិនធានាបាន ដល់
សិទ្ធិសេរីភាពសារព័ត៌មាន ប្រការនេះច្រឡំហើយ សូមពិនិត្យច្បាប់ព្រហ្មទណ្ឌ ឡើងវិញ ទំាងអស់ រឿងបរិហា
កេរ្តិ៍ រឿងអីទំាងអស់ ច្បាប់ព្រហ្មទណ្ឌ បាននិយាយច្រើនចំណុចណាស់ គឺរឿងអ្វីទាក់ទង នឹងសារព័ត៌មាន ត្រូវ
យក ច្បាប់សារព័ត៌មានជាគោល»។
តំណាងអង្គការយូណេស្កូ ប្រចាំនៅកម្ពុជា លោកស្រី Anne Lemaistre លើកឡើង ថា ឆ្នាំ២០១៣ ទិវានេះធ្វើ
ឡើងដើម្បីអបអរសារទរគោលការណ៍សេរីភាពសារព័ត៌មានជាមូលដ្ឋាន ពិភាក្សាទៅលើសេរី ភាពសារព័ត៌
មាននៅកម្ពុជា និងជុំវិញពិភពលោក ។ ហើយយូណេស្កូ សង្ឃឹមថា ការយល់ដឹងនៅគ្រប់វិស័យនៅលើប្រ
ធានបទសុវត្ថិភាព នឹងជំរុញឲ្យមានការយល់ដឹងជាសកល និងកាត់បន្ថយអំពើហិង្សាមកលើសិទ្ធិរបស់
អ្នកកាសែត ។
លោក ហ្ស៊ង់ហ្វ្រង់ស្វ័រ កូតាំង ឯកអគ្គរដ្ឋទូត នៃសហភាពអឺរ៉ុប ប្រចាំនៅកម្ពុជា បានថ្លែងថា ទិវានេះ មនុស្ស
គ្រប់រូបមានសិទ្ធិ ក្នុងការទទួលបានព័ត៌មាន និងគោលគំនិតផ្សេងៗទៀត ហើយសេរីភាពសារព័ត៌មាន ក៏ត្រូវ
បានធានាដោយច្បាប់អន្តរជាតិ រួមទាំងរដ្ឋធម្មនុញ្ញកម្ពុជាផងដែរ ។ សារព័ត៌មាន ត្រូវធ្វើឡើង ដោយគ្មាន
ឧបសគ្គ និងការរារាំងអ្វីទាំងអស់ គឺធ្វើយ៉ាងណាបង្កើនសេរីភាព សារព័ត៌មានសេរី ភាពក្នុងការបញ្ចេញមតិ ៕