ភ្នំពេញៈ លោក ថោង ខុនរដ្ឋមន្រ្តីក្រសួងទេសចរណ៍បានអំពាវនាវឲ្យប្រតិបត្តិករទេសចរណ៍ ជាម្ចាស់មូលដ្ឋានអាជីវកម្ម ទេសចរណ៍ទំាងអស់ត្រៀមខ្លួនចូលរួមប្រឡងប្រណំាងសណ្ឋាគារបៃតងនៅកម្ពុជាដែល នឹងចាប់ផ្តើមនាពេលឆាប់ៗខាងមុខនេះ។ ថ្លែងក្នុងពិធីប្រកាសផ្សព្វផ្សាយផ្សព្វផ្សាយក្រុមការងារវាយតម្លៃទីក្រុងស្អាតខេត្តសៀមរាបកាលពីថ្ងៃទី ១៩ ខែមីនា ឆ្នាំ ២០១៤ នៅក្នុងសណ្ឋាគារអង្គរសេជូរី នាក្រុងសៀមរាបថា ដើម្បីគ្រប់គ្រងឧស្សាហកម្មទេសចរណ៍ឲ្យកាន់តែមានប្រសិទ្ធភាព ក្រសួងទេសចរណ៍នឹងដាក់ យន្តការថ្មីមួយទៀតគឺការប្រឡងប្រណំាងសណ្ឋាគារបៃតងកម្ពុជា ដោយចាប់ផ្តើមឲ្យមានការ គិតគូលើការប្រើប្រាស់ថា មពលប្រកបដោយការទទួលខុសត្រូវ ការគ្រប់គ្រងសំណល់រឹងរាវ ការគ្រប់គ្រងគុណភាពខ្យល់ ការគ្រប់គ្រងការប្រើប្រាស់ទឹកបន្ទាប់ពីក្រសួងបានដាក់ ឲ្យមានការប្រឡងប្រណំាងទីក្រុងស្អាតរមណីយដ្ឋានស្អាត សេវាល្អ។
លោកបន្ថែមថា ចំពោះសណ្ឋាគារណាជាប់ចំណាត់ថ្នាក់ស្តង់ ដារបៃតង ក្រសួងនឹងរៀបចំផ្តល់រង្វាន់លើកទឹកចិត្តឲ្យមានដូចជា កាត់បន្ថយថ្លៃចេញអាជ្ញា ប័ណ្ណ ផ្សព្វផ្សាយក្នុងគេហទំព័រជាសណ្ឋាគារបៃតងជាសាធារណៈមានសិទ្ធិអាទិភាពក្នុងការចូលរួមកម្មវិធីពិព័រណ៍ សណ្ឋាគារ បៃតងទំាងនៅក្នុងប្រទេស និងក្រៅប្រទេស។ពាក់ព័ន្ធនឹងការប្រឡងប្រណំាងសណ្ឋាគារបៃតងកម្ពុជានេះដែរ លោក ប៊ុន ថារិទ្ធ អភិបាលរងខេត្តសៀមរាបបានប្តេជ្ញាថា នឹងខិតខំជំរុញឲ្យម្ចាស់ សណ្ឋាគារទំាងអស់នៅក្នុងខេត្តសៀមរាបមានការរៀបចំឲ្យបានស្អាតទំាងអនាម័យ បរិស្ថាន កែលម្អសោភ័ណភាពនៅក្នុងបរិវេណសណ្ឋាគារ ឲ្យមានលក្ខណៈបៃតងជា ពិសេសគឺអនុវត្តន៍ឲ្យបាននូវចំណុចសំខាន់ៗ ដែលក្រសួងបានដាក់ជូនមានដូចជាការប្រើប្រាស់ថាមពលប្រកប ដោយការទទួលខុសត្រូវ ការគ្រប់គ្រងសំណល់រឹងរាវការគ្រប់គ្រងគុណភាពខ្យល់ការគ្រប់គ្រងការប្រើប្រាស់ទឹក ប្រកបដោយប្រសិទ្ធភាពខ្ពស់៕
ដោយ៖ ភីនរ៉ា