ភ្នំពេញៈឯកអគ្គររដ្ឋទូត អាឡឺម៉ង់ប្រចាំកម្ពុជា ស្នើឲ្យអាជ្ញាធររាជធានីភ្នំពេញ រក្សាអគារចាស់ៗពីសម័យអាណានិគមបារាំងនិងអគារវប្បធម៏ ប្រវត្តិសាស្ត្រឲ្យបានច្រើន តាមដែលអាចធ្វើទៅបានសរាប់អ្នកសិក្សាស្រាវជ្រាវបានដឹងពី ប្រវត្តិសាស្ត្រ។លោកឯកអគ្គររដ្ឋទូត អាឡឺម៉ង់ថ្លែងបែបនេះ នៅក្នុងជំនួបពិភាក្សាការងារផ្តោតជាចំបងទៅលើការអភិវឌ្ឍក្នុង រាជធានីភ្នំពេញកាលពីព្រឹកមិញ នៅសាលារាជធានីភ្នំពេញ។
លោក Joachim Baron Von Marschall ឯកអគ្គររដ្ឋទូត អាឡឺម៉ង់ប្រចាំកម្ពុជា មានប្រសាសន៏លើកឡើងថា បច្ចុប្បន្ននេះ មន្ត្រីស្ថានទូតរបស់លោកបានចាត់កម្ពុជា ជាប្រទេសរបស់ខ្លួន ពិសេសរាជធានីភ្នំពេញ ដែលជាទីក្រុងមួយមានបរិស្ថានពណ៌បៃតងល្អស្រស់ជាងគេនៅក្នុងតំបន់ អាស៊ីអគ្នេហ៏។
_(6847539946)(1).jpg)
លោកបន្តថា លោកបានឃើញទីក្រុងភ្នំពេញសំបូរទៅដោយអគារ ចាស់ៗនិងអគារវប្បធម៌ប្រវត្តិសាស្ត្របន្សល់នូវតាំងពីជំនាន់បារាំង ជាច្រើន ដែលជាផ្នែកមួយផ្តល់ ឱកាសសម្រាប់ភ្ញៀវទេសចរណ៏បរទេសចូលមកទស្សនានឹងជាផ្នែកមួយទៀត មានសារៈសំខាន់ផ្តល់អត្ថប្រយោជន៏សរាប់ស្ថាបត្យកម្មនិងអ្នកសិក្សា ស្រាវជ្រាវបានដឹងពីប្រវត្តិសាស្ត្រ ដើម្បីធ្វើការចែករំលែកគ្នានូវបទពិសោធន៏លើអគារវប្បធម៏ ប្រវត្តិសាស្ត្រនេះ ដល់មនុស្សជំនាន់ក្រោយ។បើទោះបីជាវិស័យអចលនទ្រព្យមានការកើននៅ ភ្នំពេញរីកដុះដាលគួរឲ្យកត់សម្គាល់នោះក្តី។
ជាកិច្ចឆ្លើយតបនៅក្នុងជំនួបនេះ លោក ប៉ា សុជាតិវង្ស អភិបាលរាជធានីភ្នំពេញ បានជម្រាបជូនគណៈប្រតិភូថា រាជធានីភ្នំពេញបច្ចុប្បន្ន មានការរីកចម្រើន ពីមួយជំហានទៅមួយជំហាន ដោយជំនៈនៅឧបសគ្គគ្រប់បែបយ៉ាង។ លោកបានបន្តជម្រាបជូនគណប្រត្តិភូអាឡឺម៉ង់ថា ការងារចម្បង របស់សាលារាជធានីភ្នំពេញ គឺចាំបាច់រក្សាការពារសុវត្តិភាពសង្គម នឹងការដោះស្រាយ បញ្ហាសង្គមឲ្យបានច្រើន តាមដែលអាចធ្វើទៅបានផងដែរ។ បន្ទាប់ពីបានស្តាប់ការពន្យល់បកស្រាយ របស់អភិបាលរាជធានីភ្នំពេញ ភាគីទូតអាឡឺម៉ង់ បានវាយតម្លៃខ្ពស់ពីការខិតខំប្រឹងប្រែង របស់មន្ត្រីសាលារាជធានីភ្នំពេញ លើការងារអភិវឌ្ឍន៏រាជធានី។ ទោះជាយ៉ាងនេះក្តី ឯកអគ្គររដ្ឋទូតអាឡឺម៉ង់ ក៏ចង់ឃើញពីការរីកចម្រើន របស់ទីជនបទនៅប្រទេសកម្ពុជាផងដែរ ដែលធ្វើយ៉ាងណាសូមកុំឲ្យមានការគម្លាតគ្នាឆ្ងាយពេករវាងពីទីក្រុង នឹងទីជនបទខ្លាំងដែរ។
ជាក់ស្តែង រាជធានីភ្នំពេញត្រូវបានសាងសង់ជាលើកដំបូងនៅក្នុងសវត្សរ៍ទី១៥ ក្នុងអំឡុងរជ្ជកាលព្រះបាទស្រីសុរិយោព័រពញាយ៉ាត បន្ទាប់ពីព្រះអង្គបានបោះបង់ចោលរាជធានីអង្គរ។ យោងតាមគេហទំព័រសាលារាជធានីភ្នំពេញបង្ហាញថា សំណង់អគារមួយចំនួនដែលនៅសល់រហូតដល់សព្វថ្ងៃហើយបានចាត់ទុកថាជា រតនភណ្ឌនៃរាជធានីភ្នំពេញ មានអគារ និងសំណង់ល្បីៗជា ច្រើន ក្នុងនោះមាន ក្រុមប្រឹក្សាអភិវឌ្ឍកម្ពុជា តុលាការកំពូល វិមានឯករាជ្យ ក្រសួងប្រៃសណីយ៍ និងទូរគមនាគមន៍ បណ្ណល័យជាតិ, សារមន្ទីរជាតិ, រតនាគារជាតិ,សាលារាជធានីភ្នំពេញ ,ព្រះបរមរាជវាំង, រមណីយ៍ដ្ឋានវត្តភ្នំ, អគារយូនេស្កូ, ផ្សារធំថ្មី, គេហដ្ឋានឯកជន, និងអគារផ្សេងៗមួយចំនួនទៀត៕
ដោយ៖ ភីនរ៉ា