ភ្នំពេញ៖ សមាជវិសាមញ្ញរបស់គណបក្សហ្វ៊ុនស៊ិនប៉ិច ដែលនឹងធ្វើឡើងនៅថ្ងៃសៅរ៍ទី២៣ ខែមីនា ឆ្នាំ២០១៣
នេះត្រូវការរុះរើ នឹងរៀបចំរចនាសម្ព័ន្ធថ្មីរបស់ខ្លួនជាច្រើន។ ក្នុងនោះមានទាំងប្តូរប្រធានថ្មីគឺសម្តេចព្រះអនុជ
នរោត្តម អារុណរស្មី ជាភរិយារបស់លោក កែវ ពុទ្ធរស្មី អតីតប្រធានចាស់បន្ទាប់ពីសម្តេចក្រុមព្រះ នរោត្តម រណឬទ្ធិនិងជាមគ្គុទេសគណបក្សបច្ចុប្បន្ននេះនឹងត្រូវជ្រើសតាំងជាប្រធានគណបក្សហ្វ៊ុនស៊ិនប៉ិចចំណែក
លោក ញឹក ប៊ុនឆៃដែលបច្ចុប្បន្នជាប្រធានប្រតិបត្តិនឹងត្រូវធ្វើជាអគ្គលេខាធិការ ហើយលោក សៅ រ៉ានី ដែល
ជាប្រធានគណបក្សជាតិនិយមនឹងក្លាយជាអគ្គលេខាធិការរងគណបក្សហ្វ៊ុនស៊ិនប៉ិច។
សមាជវិសាមញ្ញគណបក្ស ហ្វ៊ុនស៊ិនប៉ិច ដែលមានអ្នកចូលរួមប្រមាណ៤.០០០ នាក់គ្រោងនឹងធ្វើឡើងនៅទីស្នាក់ការកណ្តាលគណបក្ស នៅតាមបណ្តោយផ្លូវជាតិលេខ៦ក្នុងភូមិក្តីចាស់សង្កាត់បាក់ខែង ខណ្ឌឫស្សីកែវ
រាជធានីភ្នំពេញ។
លោកឧបនាយករដ្ឋមន្ត្រី ញឹក ប៊ុនឆៃ ប្រធានប្រតិបត្តិគណបក្ស ហ្វ៊ុនស៊ិនប៉ិច បានមានប្រសាសន៍ថា សមាជវិសាមញ្ញគណបក្ស នៅថ្ងៃទី២៣ ខែមីនា ឆ្នាំ២០១៣ គឺមានការបោះឆ្នោតជ្រើសរើសប្រធានគណបក្សថ្មី
អគ្គលេខាធិការនិងអគ្គលេខាធិការរងគណបក្ស។ លោកញឹក ប៊ុនឆៃ បញ្ជាក់ថា ចំពោះប្រធានថ្មី គឺថ្វាយសម្តេចព្រះរាជបុត្រី ព្រះអនុជ នរោត្តម អារុណរស្មី។ចំណែកអគ្គលេខាធិការគណបក្ស គឺរូបលោក
(ញឹក ប៊ុនឆៃ) និងលោក សៅ រ៉ានី ជាអគ្គលេខាធិការរងគណបក្ស។ លោកមិនបានបញ្ជាក់ទេថាសមាជវិ
សាមញ្ញនេះនឹងមានធ្វើការជ្រើសរើសអនុប្រធានគណបក្សនោះ។នៅក្នុងសមាជវិសាមញ្ញគណបក្សហ្វ៊ុនស៊ិនប៉ិចនៅចុងសប្តាហ៍នេះ មានរបៀបវារៈបីសំខាន់៖
១-សម្រេចជ្រើសតាំងសម្តេចព្រះរាជបុត្រី ព្រះអនុជ នរោត្តម អារុណរស្មី ជាប្រធានគណបក្ស ហ្វ៊ុនស៊ិនប៉ិច។
២-កែសម្រួលលក្ខន្តិកៈ បទបញ្ជាផ្ទៃក្នុងគណបក្ស
៣-ជ្រើសរើសក្រុមប្រឹក្សាជាតិ ។
ជាមួយគ្នានេះសមាជវិសាមញ្ញគណក៏គ្រោងនឹងធ្វើការជ្រើសតាំងឧត្តមប្រឹក្សាគណបក្ស ដែលមាន
លោក កែវ ពុទ្ធរស្មីអតីតប្រធានគណបក្ស ហ្វ៊ុនស៊ិនប៉ិច ជាប្រធាន និងលោក យូ ហុកគ្រី អាចជាព្រឹទ្ធបុរស
គណបក្ស ។ម៉្យាងដើម្បីត្រៀមចូលរួមការបោះឆ្នោតជាតិនៅខែកក្កដាខាងមុខនេះផង ហើយសម្តេចព្រះ
អនុជនឹងត្រូវតែងតាំងជាបេក្ខភាពនាយករដ្ឋមន្ត្រីដដែល។
សូមរំលឹកថា គណបក្សហ្វ៊ុនស៊ិនប៉ិច និងគណបក្សជាតិនិយម ដែលជាអតីតគណបក្សនរោត្តម រណឫទ្ធិ
បានបង្រួបបង្រួមគ្នាឡើងវិញក្រោមដំបូលតែមួយសម្រាប់ធ្វើការបោះឆ្នោតហើយគណបក្សទាំងពីរនេះ
នឹងឈរឈ្មោះនៅក្នុងក្របខ័ណ្ឌគណបក្សហ្វ៊ុនស៊ិនប៉ិច ដែលត្រូវបានគណបក្សប្រជាជនកម្ពុជា ទើបតែ
ប្រកាសជាថ្មីថា នឹងយកជាសម្ព័ន្ធភាពក្នុងការបង្កើតរដ្ឋាភិបាលចម្រុះក្រោយការបោះឆ្នោតនៅខែកក្កដា
ឆ្នាំ២០១៣បន្ត៕
ស.ស្អាត