ភ្នំពេញ៖ ជនពិការកម្ពុជានៅតែជួបឧបសគ្គក្នុងការចូលរួមសកម្មភាពក្នុងសង្គម ដូចជាសកម្មភាព​នយោបាយ សកម្មភាព​​​នៅក្នុងសង្គម ជាពិសេសការចូលរួមបោះឆ្នោត ដើម្បីជ្រើសតាំងតំណាង និងថ្នាក់ដឹងនាំរបស់ខ្លួន ដែល​ធ្វើអោយជនពិការមួយចំនួនបានបាត់បង់ សិទ្ឋិ របស់ខ្លួនក្នុងការចូលរួម​ បម្រើ ការពារសង្គមជាតិរបស់ខ្លួន។ ឧបសគ្គ​ទាំងនេះត្រូវបាន តំណាងជនពិកការលើកឡើង នៅក្នុងសិក្ខាសាលារបស់ ខ្លួនមួយនៅ សណ្ឋា​​គា​សាន់វេ ថ្ងៃទី០៩ ខែ កម្ភ: នេះ ដើម្បីផ្សព្វផ្សាយអំពីសិទ្ឋិនយោបាយរបស់ជនពិការ និងសិក្សា ស្រាវជា្រវស្តីពីការចូលរួមរបស់ជន​ពិការ​នៅក្នុងដំណើការបោះឆ្នោត និងសង្កេតការណ៍បោះឆ្នោត នាពេលកន្លងទៅ។

លោក ងិន សៅរ័ត្ន នាយកប្រតិបត្តិអង្គការជនពិការកម្ពុជាមានប្រមានប្រសាសន៍ថា កាបោះឆ្នោតនា ពេលកម្លង​មកលោកបានធ្វើការសិក្សាស្រាវជ្រាវច្បាប់ស្តីពីការបោះឆ្នោត ជ្រើសតាំងតំណាងរាស្រ្តនោះ ឃើញថាការ​អនុវត្តន៍​របស់រដ្ឋាភិបាលនៅមានចន្លោះខ្វះខាតជាច្រើនមិនបានអនុវត្ត។ លោកថាការ ខ្វះខាតទាំងនេះតម្រូវ​អោយរដ្ឋា​ភិបាល​យកចិត្តទុកដាក់បន្ថែមទៀត ជាពិសេសគណកម្មាធិការជាតិរៀប ចំការបោះឆ្នោត ដើម្បីធានាថាសិទ្ឋិ​របស់​ជនពិការត្រូវបានយកចិត្តទុកដាក់ និងមានភាពស្មើគ្នានៅ  ក្នុងសង្គម។លោកស្រី ផេង ផារ៉ូស្ស៊ីន ប្រធានកម្មវិធីអង្គ​ការស៊ី ឌី ភី អូ បានថ្លែងថា ឧបសគ្គជា ច្រើនដែល ជនពិការ បានជួបប្រទះនៅក្នុងការចូលរួមបោះឆ្នោត ដូចជា​គណកម្មា​ធិការជាតិរៀបចំការបោះឆ្នោតមិន មាន កម្មវិធីពិសេសសម្រាប់ជនពិការ ព័ត៌មានពីការបោះឆ្នោតទទួល​​បានតិចតួចនិងមានការរើសអើងពី អ្នករៀបចំ និងពីគណបក្សនយោបាយ ហើយព័ត៌មានក៏ពិបាកក្នុងការយល់​សម្រាប់​ជនពិការសតិបញ្ញា គ្មានសំភារ:សំរាប់បង្ហាញ (ជនពិការភ្នែក ថ្លង់ និងជនពិការជាស្រ្តី)ជាដើម។

ម្យ៉ាងវិញទៀតជនពិការមិនបានចូលសាលារៀន ធ្វើអោយពួកគេពិបាកក្នុងការយល់អំពីការផ្សព្វ​ផ្សាយ​ស្តីពីការ​​បោះ​ឆ្នោត និងបញ្ហាផ្លូវធ្វើដំណើចេញចូលទៅបោះឆ្នោត មិនមានការគាំទ្រពីគ្រួសា  នៅមាន ការរើសអើងពីសង្គម និង​បញ្ហាជាច្រើនទៀតដែលជនពិការជួបនូវឧបសគ្គ ដែលទាមទាអោយរដ្ឋាភិ បាលត្រូវតែយកចិត្តទុក្ខដាក់ចំពោះពួកគេ ព្រោះន្លឹកឆ្នោតរបស់ជនពិការមួយសន្លឹក មានតំលៃស្មើដូច សន្លឹកឆ្នោតដូចមនុស្សទូទៅដែរ។

លោក ពេជ សារឿន ជាជនពិការម្នាក់បាននិយាយថា ទោះជាប្រទេសកម្ពុជាមានច្បាប់សំរាប់​ជនពិការក៏ដោយ តែ​ការ​​​អនុវត្តនៅមានកម្រិតនៅឡើយ។​ លោកសំណូមពរទៅជនពិការទាំង​អស់អោយចូលរួមសកម្មភាពតស៊ូមតិ បញ្ជុះ​បញ្ជូលទៅអ្នកពាក់ព័ន្ឋដើម្បី​អោយពួកគេជួយដោះស្រាយ​បញ្ហ​របស់ជនពិការនៅក្នុងសង្គមកម្ពុជា និងសំណូមពរ​ទៅ​​​រដ្ឋាភិបាលអោយជួយគិតគួរ​ពីការសំបាក​រស់ជនពិការ និងយកច្បាប់របស់ជនពិការទៅអនុវត្តន៍​ដើម្បីអោយ​ជន​ពិការ​ចូលរួមសកម្មភាពពេញ​លេញ​នៅក្នុងសង្គម។នៅក្នុងសិក្ខាសាលារបស់ជនពិការនេះ មានគោលបំណងធ្វើ​ការពិនិត្យទៅលើកំរិត​នៃការចូល​រួមរបស់ជនពិការ និងការផ្តល់ភាពងាយស្រួលសម្រាប់ជនពិការក្នុង​ពេលបោះ​ឆ្នោត​​ជ្រើសតាំងតំណាង​រាស្រ្តកាលពីពេលកន្លងទៅ និងក៏មានការត្រួតពិនិត្យនូវមាត្រាច្បាប់ គោលនយោបាយ​​មួយ​ចំនួន​​​​ដែលគាំ​ទ្រដល់ជនពិការនិងការបោះឆ្នោតមួយចំនួនដែលនៅមានកម្រិត ដូចជាច្បាប់ស្តីពីការ​ជ្រើស​តាំង​​​តំណាង​រាស្រ្ត និងច្បាប់ស្តីពីការបោះឆ្នោតជ្រើសតាំងក្រុមប្រឹក្សាឃុំ សង្កាត់ជាដើម៕​

ដោយ៖ ស.ស្អាត