ប្រទសបង់ក្លាដេស៖ ក្រុមភ្នាក់ងារសង្រ្គោះបន្ទាន់បានអោយដឹងថា មនុស្សយ៉ាងហោចណាស់ ៩នាក់ បានស្លាប់បន្ទាប់ពីមានអគ្គីភ័យមួយនៅក្នុងរោងចក្រមួយកន្លែងក្បែរទីក្រុង Dhaka ប្រទេសបង់ក្លាដេស។ ប្រភពព័ត៌មានក្នុងស្រុកបានអោយដឹងថា ហេតុការអគ្គីភ័យនេះបានកើតឡើងនៅក្នុងតំបន់ Gazipur កាលពីយប់ថ្ងៃអង្គារដែលបណ្តាលអោយមានមនុស្សយ៉ាងហោចណាស់ ៩នាក់ស្លាប់និងប្រហែល ៥០នាក់ទៀតរងរបួសជាទំងន់។ មន្រ្តីប៉ូលីសព្រួយបារម្ភថា ចំនួនអ្នកស្លាប់នឹងអាចកើនឡើងថែម
ទៀត ហើយលោកបានបន្តថា ប្រព័ន្ធសុវត្ថិភាពក្នុងរោងចក្រប្រទេសបង់ក្លាដេសគឺនៅខ្សោយណាស់។ កាលពីខែមេសា មនុស្សជាង ១១០០នាក់បានស្លាប់បន្ទាប់ពីរោងចក្រមួយកន្លែងក្បែរទីក្រុង Dhaka បានដួលរលំ។ ចំនែកនៅក្នុងស្រុក Ashulia ក្បែរទីក្រុង Dhaka វិញ មនុស្សជាង២៥០០នាក់បានរងរបួស នៅពេលមានគ្រោះមហន្តរាយមួយបានកើតឡើង។ កាលពីខែវិច្ឆិកាមុន កម្មករ ១១២នាក់បានស្លាប់ ដោយសារអគ្គីភ័យក្នុងរោងចក្រក្រណាត់មួយកន្លែងក្នុងតំបន់នេះ។  មន្រ្តីប៉ូលីសបាននិយាយថា មូលហេតុនៃអគ្គីភ័យក្នុងរោងចក្រចុងក្រោយនេះគឺមិនទាន់ដឹងប្រាកដនោះឡើទេ។ មន្រ្តីប៉ូលីស ក្នុងស្រុកបាននិយាយថា អ្នកពន្លត់អគ្គីភ័យគឺមិនទាន់រកឃើញសាកសពនៃជនរងគ្រោះនៅឡើយទេ។

បុរសម្នាក់ដែលកំពុងតែរកពូរបស់គាត់នៅទីនោះបានប្រាប់សារព័ត៌មាន BBC ថា គាត់រកពូ
របស់ គាត់មិនឃើញទេ។ គាត់ប្រាប់ថា បញ្ហាអគ្គីភ័យនេះបណ្តាលមកពីការផ្ទុះគ្រឿងម៉ាស៊ីន
ក្នុងរោចក្រ ទើបបណ្តាលអោយមានភ្លើងឆាបឆេះឡើងយ៉ាងនេះ លោកបានបន្តទៀតថាបន្ទាប់
ពីមានភ្លើងបានឆាបឆេះឡើងភ្លាមៗនោះកម្មករ កម្មការនី ជាច្រើននាក់បាននាំគ្នារត់ចេញពី
រោងចក្រក៏ប៉ុន្តែ មានខ្លះបានជាប់គាំងក្នុងរោងចក្រនោះ។ លោក Emdad Hossian នាយកប្រធាន រោងចក្រនោះ បានប្រាប់សារព័ត៌មាន Daily Star នៅក្នុងប្រទេសបង់ក្លាដេសថា ខណះពេលមាន ភ្លើងបានឆាបឆេះឡើង ក្នុងរោងចក្រនោះគឺមានកម្មករ ១៧០នាក់ កំពុងតែបំពេញការងាររបស់ ពួកគេនៅក្នុងជាន់ទី ២នៃរោងចក្រនោះហើយគាត់បានបន្ថែមថា ភាគច្រើននៃពួកគេបានចេញ
ពីទីនោះ ដោយ សុវត្ថិភាពចំនែក លោក Hossian ក៏ទទួលរងរបួសក្នុងហេតុការណ៍នោះដែរ នៅ
ពេលមនុស្សជាច្រើនកំពុងតែរត់ចេញពីទីនោះ។

បើទោះបីជាយ៉ាងណាក៏ដោយកម្មករ កម្មការនីជាង ៣០០០នាក់បានចាកចេញពីទីនោះចំនែកភាគ
ច្រើននៃអ្នកដែលស្លាប់ក្នុងហេតុការណ៍នោះគឺជាអ្នកថែមម៉ោង។ លោក Dilruba Khanom ចៅហ្វាយ
ស្រុក នោះបាននិយាយថា ក្រុមអ្នកសង្រ្គោះគឺកំពុងតែរង់ចាំរហូតដល់ថ្ងៃរះសិន ទើបបន្តការរុករក ជនរងគ្រោះក្នុងរោងចក្រនោះទៀតហើយគាត់បានបន្ថែមថា ចំនួនអ្នកស្លាប់នឹងអាចកើនឡើង បន្ថែមទៀត។ ក្រុមអ្នកពន្លត់អគ្គីភ័យបានពន្លត់ភ្លើងជាច្រើនផ្នែកនៃរោងចក្រដែលនោះក៏ប៉ុន្តែ ឃ្លាំងដាក់ក្រណាត់ក្នុងរោចក្រនោះគឺកំពុងតែឆាបឆេះនៅឡើយទេ ចំនែកសាកសពមួយចំនួន ត្រូវបានឆេះខ្លោចដែលធ្វើអោយពិបាកក្នុងការចំនាំណាស់។ លោក Ammer Hossian  មន្រ្តីប៉ូលីស ក្នុងស្រុកនោះបានប្រាប់សារព័ត៌មាន BBC ថា សាកសព ៩នាក់ត្រូវបានរកឃើញប៉ុន្តែ អ្នកខ្លះបាន
និយាយថា ចំនួនអ្នកស្លាប់ក្នុងអគ្គីភ័យនោះមានរហូតទៅដល់ ១០នាក់។ ដោយ៖ តុលា