កំពង់ធំ ៖ កុមារគឺជាទំពាំងស្នងឬស្សី ជាអ្នកបន្តវេនគ្រប់គ្រង់ កសាងអភិវឌ្ឍន៍ប្រទេសជាតិ​ទើបបានជា​រាជ
រដ្ឋាភិបាលផ្តោតការយកចិត្តទុកដាក់យ៉ាងខ្លាំងចំពោះកិច្ចការកុមារនិងអំពាវនាវឲ្យគ្រប់ក្រុមហ៊ុនរោងចក្រ
សហគ្រាសរួមទាំងម្ចាស់សិប្បកម្មអជីវកម្មចូលរួមគាំទ្រទប់ស្កាត់ការប្រើប្រាស់ពលកម្មកុមារដែលមិនទាន់
គ្រប់អាយុឲ្យចូលធ្វើការ។ 

ជាក់ស្តែងនៅពេលថ្មីៗនេះ នៅក្នុងក្រុងស្ទឹងសែនមានករណីប្រើប្រាស់កំលាំងពលកម្មកុមារដែលមិន​ទាន់
គ្រប់អាយុ ចំនួនជាង១០នាក់ ដែលត្រូវបានអ្នកម៉ៅការសាងសង់សួនច្បារដំរីជាន់ ខ្លាប្រព្រឹត្តផ្ទុយពីច្បាប់
ដោយការបង្ខិតបង្ខំឲ្យកុមារដែលមានអាយុត្រឹម ៧ដល់១១ឆ្នាំ ធ្វើការងារលើកដុំឥដ្ឋការាឡារាប់ពាន់ដុំដាក់​
គោយន្តដែលជាចំនុចបង្ហាញឲ្យឃើញការរំលោភបំពានលើសិទ្ធិរបស់កុមារដែលមិនទាន់គ្រប់អាយុដើម្បី
យកចំនួនលុយបន្តិចបន្តួចមកលួងចិត្តកុមារដើម្បីកេងប្រវ័ញ្ចលើកំលាំងពលកម្មកុមារ។

កុមារតូចម្នាក់បានប្រាប់ឲ្យដឹងថា ប្អូនត្រូវបានគេជួលឲ្យមកធ្វើការលីសែងឥដ្ឋនៅសួនច្បារដំរីជាន់ ខ្លានឹង
ធ្វើការសព្វបែបយ៉ាងដើម្បីប្តូរនិងទឹកប្រាក់ ក្នុងមួយថ្ងៃ១០០០០ម៉ឺនរៀល ដោយចាប់ធ្វើតាំងពីព្រឹក​រហូត​​
ដល់ល្ងាចហើយ​ត្រូវហាលថ្ងៃពេញមួយថ្ងៃចំណែកកុមារទាំងនេះសុទ្ធតែនិយាយថាមកធ្វើការដើម្បីរក​
លុយជួយឳពុកម្តាយ ។

លោក ខែក​​  សុទ្ធ  អ្នកម៉ៅការសាងសង់សួនច្បារដំរីជាន់ខ្លាបានប្រាប់ឲ្យដឹងថាក្មេងៗដែលមកធ្វើការ​នេះ​​គឺ​
មិនមែនលោកជួលមកធ្វើការនោះទេគឺជាចៅតាមួយដែលជាកម្មករធ្វើសួនច្បារបាននាំចៅៗ របស់គាត់​មក
ធ្វើការនោះទេក្នុងនោះដែរលោកក៏បានប្រាប់ដែរថាសូមតាប្រយ័ត្នកុំយកក្មេងដែលមិនទាន់ គ្រប់អាយុមក​
ធ្វើការប្រយ័ត្នមានបញ្ហារព្រោះសព្វថ្ងៃរដ្ឋាភិបាលកំពុងតែយកចិត្តទុកដាក់ ការពារប្រឆាំងនិងពលកម្មកុមារ
ផងទោះជាមានសភាពបែបនេះក្តីក៏ជាគំរូទាន់សតិរបស់បងប្អូនប្រជាពលរដ្ឋនៅក្នុងខេត្តកំពង់ធំក៏ដូចជាខេត្ត
ដ៍ទៃឲ្យមានការគាំទ្រនឹងការទប់ស្កាត់ការប្រើប្រាស់កំលាំងពលកម្មកុមារដើម្បីជាការលើកស្ទួយសិទ្ធិដល់
កុមារនៅក្នុងសង្គមសម្តេចតេជោហ៊ុនសែនដែលមានភារៈកិច្ចសិក្សាក្រេបជញ្ជក់ ចំណេះដឹងដើម្បីជាធន
ធានមនុស្សដ៏មានគុណភាពដឹកនាំសង្គមជាតិនាអានាគត់។

អភិបាលក្រុងស្ទឹងសែន លោក ហុក រិន​ បានមានប្រសាសន៍ថាកុមារគឺជាយុវជននិងជាអ្នកបន្តវេន​ក្នុងការ
កសាងអភិវឌ្ឍន៍សង្គមជាតិដូច្នេះទើបមានការយកចិត្តទុកដាក់ ពីបណ្តាគ្រប់អង្គការស្ថាប័ននិងវិស័យ​ឯក
ជនបានរួមគ្នាអនុវត្តតាមគោលនយោបាយរបស់ប្រមុខរាជរដ្ឋាភិបាលឲ្យមានការគាំទ្រកុមារលុបបំបាត់
ចោលការប្រើប្រាស់កំលាំងកុមារដែលមិនទាន់គ្រប់អាយុដូចជាករណីដែលបានកើតឡើងនេះគឺបណ្តាល
មកពីប្រជាពលរដ្ឋគាត់ខ្វះការយល់ដឹងពីច្បាប់ ទើបបានជានាំកូនចៅមកស៊ីឈ្មួលលើកឥដ្ឋដាក់ គោយន្ត
ហើយ​ក៏ត្រូវបានបញ្ឈប់ទៅវិញដែរនិងហាមមិនឲ្យមានករណីប្រើប្រាស់កំលាំងកុមារទៀត៕

ដោយ៖ ស.ស្អាត