ភ្នំពេញ៖ក្រុមអ្នកវិនិយោគនៃប្រទេសមហាមិត្តចិននឹងមកបណ្តាក់ទុនរកស៊ីនៅក្នុងប្រទេសកម្ពុជាលើវិស័យ
ធំៗចំនួន៤ វិស័យកសិកម្មវិស័យទេសចរណ៍វិស័យឧស្សាហកម្មរ៉ែនិងថាមពលនិងវិស័យកសាងហេដ្ឋារចនា
សម្ព័ន្ធ ។នេះបើតាមការលើកឡើងរបស់គណៈប្រតិភូក្រុមអ្នកវិនិយោគចិនដែលដឹកនាំដោយលោកJiaqiang Li
សកលវិទ្យាធិការនៃសកលវិទ្យាល័យទ្ស៊ីងហ័រ នៅក្នុងជំនួបជាមួយអគ្គលេខាធិការស្តីទីនៃអគ្គលេខាធិការ
ដ្ឋានព្រឹទ្ធសភានៅព្រឹកថ្ងៃទី២៧ខែមីនានេះនាវិមានព្រឹទ្ធសភា។
ថ្លែងប្រាប់អ្នកសារព័ត៌មានក្រោយជំនួបនោះលោក ឡោក ឆាយ អគ្គលេខាធិការស្តីទីនៃអគ្គលេខាធិការដ្ឋាន
ព្រឹទ្ធសភាបានឲ្យដឹងថាគណៈប្រតិភូវិនិយោគចិនដឹកនាំដោយលោក Jiaqiang Li សកលវិទ្យាធិការនៃសកល
វិទ្យាល័យទ្ស៊ីងហ័របានសម្តែងនូវបំណងចង់មកវិនិយោគយ៉ាងខ្លាំងនៅក្នុងប្រទេសកម្ពុជា។
វិស័យដែលអ្នកវិនិយោគចិនចង់មកវិនិយោគនៅក្នុងប្រទេសកម្ពុជានៅពេលឆាប់ៗខាងមុខនោះរួមមាន
វិស័យទេសចរណ៍វិស័យឧស្សាហកម្មរ៉ែនិងថាមពលវិស័យកសិកម្មនិងវិស័យកសាងហេដ្ឋារចនាសម្ព័ន្ធ។
លោកអគ្គលេខធិការស្តីទី បន្តថាគណៈប្រតិភូចិនក៏បានសម្តែងនូវការកោតសរសើរយ៉ាងខ្លាំងចំពោះការ
អភិវឌ្ឍលើគ្រប់វិស័យរបស់កម្ពុជាដោយមើលឃើញពីសក្តានុពលនៃការអភិវឌ្ឍទាំងអស់នេះហើយបាន
ធ្វើឲ្យក្រុមអ្នកវិនិយោគចិនទាំងអស់មានបំណងចង់មកវិនិយោគនៅក្នុងប្រទេសកម្ពុជា។
លោកបានបន្តទៀតថាចំពោះការមកវិនិយោគផងដែរគណៈប្រតិភូវិនិយោគចិនបានសុំការជួយគាំទ្រ
ពីស្ថាប័នព្រឹទ្ធសភានិងរាជរដ្ឋាភិបាលកម្ពុជាដើម្បីធ្វើឲ្យដំណើរការវិនិយោគចិនរបស់ក្រុមហ៊ុននៅកម្ពុជា
មានភាពរលូនទៅមុខ។ នៅក្នុងជំនួបរវាងអគ្គលេខាធិការដ្ឋានព្រឹទ្ធសភានេះដែរគណៈប្រតិភូក្រុមអ្នក
វិនិយោគចិនក៏បានសម្តែងនូវការជួយគាំទ្រក្នុងការបណ្តុះបណ្តាលធនធានមនុស្សចំពោះមន្រ្តីនៅក្នុង
ព្រឹទ្ធសភាកម្ពុជា៕
ដោយ៖ ស.ស្អាត