បន្ទាយមានជ័យ៖ កម្លាំងសមត្ថកិច្ច ចម្រុះ រួមមាន កម្លាំងនគរបាល និងអាវុធហត្ថ នៅល្ងាចថ្ងៃទី១៥ ខែសីហា
ឆ្នាំ២០១៣ កន្លងទៅនេះ បានធ្វើការឡោមព័ទ្ធ និងចូលទៅឆែកឆេរ ផ្ទះមួយកន្លែង ស្ថិតនៅក្រុងប៉ោយប៉ែត
ខេត្តបន្ទាយមានជ័យ ដែលសមត្ថកិច្ច សង្ស័យថា ជាផ្ទះរបស់ជនដៃដល់ នៃការបាញ់ប្រហារ លើអ្នករត់ម៉ូតូឌុប
កាលពីយប់ថ្ងៃទី១៤ ខែសីហា ឆ្នាំ២០១៣ ខណៈជនរងគ្រោះ កំពុងលាងម៉ូតូ នៅជិតវត្តថ្មី បណ្តាលឲ្យរងរបួស
ធ្ងន់ ។
យ៉ាងណាក៏ដោយ សមត្ថកិច្ចចម្រុះ ដែលដឹកនាំដោយ មន្រី្តតុលាការ បាននិងកំពុងធ្វើការឡោមព័ទ្ធ នៅឡើយ
មិនទាន់មានការចាប់ខ្លួន ជនសង្ស័យណាម្នាក់នោះទេ។
គួរបញ្ជាក់ផងដែរថា បុរសម្នាក់បានរងរបួសធ្ងន់ត្រូវបានគេបញ្ជូនទៅសង្រ្គោះបន្ទាន់នៅមន្ទីរពេទ្យបង្អែកស្រុក
មង្គលបូរីទាំងយប់ខណៈពេលដែលគាត់កំពុងលាងម៉ូតូស្រាប់ជនសង្ស័យ២នាក់បានធ្វើសកម្មភាពបាញ់មក
លើជនរងគ្រោះចំនួន២គ្រាប់យ៉ាងប្រហើនមិនខ្លាចសមត្ថកិច្ចនៅចំកណ្តាលក្រុងបណ្ដាលឲ្យត្រូវស្មាខាងឆ្វេង១
គ្រាប់។ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៦និង១៥នាទីល្ងាចថ្ងៃទី១៤ ខែសីហា
ឆ្នាំ២០១៣ ស្ថិតនៅលើផ្លូវបេតុងក្នុងភូមិបាលិលេយ្យ១សង្កាត់និងក្រុងប៉ោយប៉ែតខេត្តបន្ទាយមានជ័យ។
ជនរងគ្រោះត្រូវបានគេស្គាល់ថាឈ្មោះហាក់លីអាយុ៥៤ឆ្នាំរស់នៅភូមិសង្កាត់កើតហេតុខាងលើត្រូវរបួសត្រង់
ស្មាខាងឆ្វេងដោយសារមានក្រុមជនសង្ស័យ២នាក់ជិះម៉ូតូមកបាញ់។
តាមសាក្សីនៅកន្លែងកើតហេតុបានឲ្យដឹងថាមុនពេលកើតហេតុគេឃើញជនរងគ្រោះបានជិះម៉ូតូមកលាងនៅ
ចំណុចខាងលើ។ ពេលនោះជនរងគ្រោះមិនទាន់បានលាងម៉ូតូផងស្រាប់តែមានជនសង្ស័យមានគ្នា២នាក់
ម្នាក់ស្លៀកខាងជើងខ្លីនិងម្នាក់ទៀតជាអ្នកឌុបមានឃ្លុំមុខជិតជិះម៉ូតូម៉ាកហុងដាស៊េរីឆ្នាំ២០១០ដកកាំភ្លើងខ្លី
ម៉ាកឡុកធ្វើសកម្មភាពបាញ់មកលើជនរងគ្រោះ២គ្រាប់ចំស្មាខាងឆ្វេងនិងមួយគ្រាប់ទៀតបាញ់មិនត្រូវជនរង
គ្រោះទេ ចំណែកជនសង្ស័យក៏បានជិះម៉ូតូចេញទៅទិសខាងលិចបាត់ស្រមោល។គេនៅមិនទាន់ដឹងពីមូល
ហេតុពិតប្រាកដនៃករណីបាញ់សម្លាប់ខាងលើនេះនៅឡើយទេ។
ពាក់ព័ន្ធនឹងរឿងនេះលោកសិទ្ធឡោះស្នងការរងទទួលបន្ទុកសន្តិសុខកណ្តាលយុត្តិធម៌នៃស្នងការដ្ឋាននគរ
បាលខេត្តបន្ទាយមានជ័យបានឲ្យដឹងនៅព្រឹកថ្ងៃទី១៥ សីហានេះថាជនរងគ្រោះបានដឹងខ្លួន វិញហើយ តែនៅ
មិនទាន់អាចនិយាយរួចនៅឡើយទេទោះជាយ៉ាងលោកនិងព្យាយាមសាកសួរនៅពេលថ្ងៃរសៀលបន្តទៀតដើ
ម្បីបើកការស៊ើបអង្កេតនិងឈានទៅ ដល់ វែកមុខជនសង្ស័យយកមកផ្ដន្ទាទោសទៅតាមច្បាប់៕
ដោយ៖ ស.ស្ងាត