ភ្នំពេញ៖ ក្រុមហ៊ុន Panasonic បានផ្តល់ជាជំនួយចង្កៀងប្រើពន្លឺព្រះអាទិត្យ ចំនួន ២.៥​០០​​គ្រឿង ដល់​ស្ថាប័នសង្គម​ចំនួន ប្រាំបួន រួមទាំងការិយាល័យនៃអង្គការUNESCO ប្រចាំ​ទី ក្រុង ភ្នំពេញ ដើម្បីបំភ្លឺ​តំបន់ដែលមាន​ហេដ្ឋារចនា​សម្ព័ន្ធ​ផ្នែក អគ្គិសនីនៅមានកម្រិត នៅ ក្នុង​ប្រទេស​កម្ពុជា  ។

ដើម្បីដោះស្រាយ ញ្ហាអស្ថេរភាពនៃការផ្គត់ផ្គង់អគ្គិសនី ក្នុងលក្ខណៈជាបាត​ពីរ៉ា​មីត ចង្កៀង​ប្រើពន្លឺ​ព្រះអាទិត្យ​របស់​ក្រុមហ៊ុន​Panasonic អាចបង្កើតផ្ទុក និងប្រើប្រាស់ ថាម​ពលពន្លឺ ព្រះអាទិត្យ​បានចំនួន ២.៥០០ គ្រឿង បានផ្តល់​ជាជំ​នួយ​ដល់ស្ថាប័នសង្គម​ចំនួន​ប្រាំបួន នៅក្នុងប្រទេស​កម្ពុជា ការិយាល័យអង្គការ UNESCO ប្រចាំទីក្រុងភ្នំ ពេញ​សមា គម​ផ្តល់ជំនួយដល់ ការសិក្សា​នៅ​ក្នុង​ប្រទេសកម្ពុជា និងស្ថាបន័មួយ​ចំនួន​ទៀត ដែលជា ផ្នែក​មួយ​​នៃ​ខួបលើកទី ៦០ នៃមិត្តភាពរវាង​ប្រទេស​​ជប៉ុន និង​ប្រទេស​កម្ពុជា និង “គម្រោង ចង្កៀង​ប្រើពន្លឺព្រះអាទិត្យចំនួន ១០០ ពាន់​គ្រឿង​” នៅ​លើ​សកល​លោករបស់ខ្លួន។

ចង្កៀងដែលត្រូវបានផ្តល់ជាជំនួយដល់អង្គការ UNESCO នឹងត្រូវបានប្រគល់ជូន បន្តទៅកាន់​អាជ្ញាធរ​អប្សរា​ (អា​ជ្ញាធរ​ដើម្បីការការពារ និងគ្រប់គ្រងអង្គរ និងតំបន់នៅ ក្នុងខេត្ត​សៀមរាប ដើម្បី​ចែក​ជូន​ដល់អ្នកភូមិ​ទាំង​ឡាយ​នៅក្នុងតំបន់អង្គរ។

លោកស្រី Anne Lemaitre ប្រធានការិយាល័យ និងតំណាងអង្គការ UNE SC O ប្រចាំទីក្រុង​ភ្នំពេញបានឲ្យដឹងថា “ការផ្តល់ជំនួយជាចង្កៀងប្រើពន្លឺព្រះអាទិត្យនេះ ឆ្លុះ​បញ្ចាំង​អំពីការបន្តភាពជាដៃគូយុទ្ធ​សាស្រ្ត​រវាងអង្គការ​UNESCO​ និងក្រុមហ៊ុន Panasonic ជាពិសេស ចំពោះការប្រើប្រាស់បច្ចេកវិទ្យាដើម្បី​រួមចំណែក​ដល់សង្គម។តាមរយៈ​​កិច្ច​សហ ការនិងការបង្កើតថ្មីនេះ យើងអាចធ្វើការរួមគ្នាដើម្បីឆ្ពោះ​ទៅកាន់ការថែ រក្សា​​បរិស្ថាន និង​វប្បធម៌”។

លោកMichiko Ogawa នាយកចាត់ការទូទៅនៃក្រុមហ៊ុន Panasonic បាន​លើក ឡើងថា ក្រុម​ហ៊ុន បាន​ផ្តល់​ជំនួយ​ជា​ចង្កៀងប្រើពន្លឺព្រះអាទិត្យចំនួន២០០០គ្រឿង សម្រាប់​ប្រើប្រាស់​នៅ​​ក្នុង​​វិស័យ​នានាដូច​ជា​​ការថែទាំសុខភាព ការ​អប់​រំ និង​អាជីវកម្ម​ខ្នាតតូច​នៅ ក្នុង​ប្រទេសក​ម្ពុជា ​​​ដើម្បីធានាឲ្យបាន​​នូវ​ការ​មាន​​​​ភ្លើងបំភ្លឺសមរម្យ​នៅក្នុងផ្ទះ និង​អគារ​ទាំង ឡាយ។ “ការមានភ្លើងបំភ្លឺ និងអគ្គិសនីមានឥទ្ធិពល​លើគុណភាពជីវិត។ ប្រសិន​បើគ្មាន​ភ្លើង​អគ្គិសនី​ទេ​ កុមារ​មាន​ការលំបាកជាខ្លាំងចំពោះ​ការ​សិក្សា​នៅ​ពេលយប់និងបញ្ហា 

អ្នកមានជំងឺ​ដែល​រស់នៅក្នុងតំបន់ដែលគ្មានអគ្គិសនីប្រើប្រាស់ប្រឈម​មុខ​នឹងគ្រោះថ្នាក់ យ៉ាងធ្ងន់ធ្ងរនៅពេល​​សម្រាលកូននៅពេលយប់។ ចង្កៀងប្រើពន្លឺព្រះអាទិត្យ គឺជា វិធី​សាស្រ្តមួយរបស់​ក្រុមហ៊ុន  Panasonic ដែល មានបំណង បន្ថែមការគាំទ្រ ដល់ជនដែល នៅ ផ្នែក​បាត​នៃពីរ៉ាមីតតាមរយៈ បច្ចេក វិទ្យាដែលមានការបង្កើតថ្មី។ យើងសង្ឃឹម ថាការ ផ្តល់​ជំនួយនៅ​ថ្ងៃនេះអាច​បង្កើត​ជីវិត​កាន់តែប្រសើរ ពិភពលោកកាន់តែប្រសើរ សម្រាប់​មនុស្សទាំងអស់គ្នា។​តាម​រយៈ​ការប្រើ​ប្រាស់​​ពន្លឺ​ព្រះអាទិត្យវានឹងរួម  ចំណែកដល់ ការកាត់ បន្ថយការបញ្ចេញ​ឧស្ម័ន​កាបូនិច។

សូមបញ្ជាក់ថា ចង្កៀងប្រើពន្លឺព្រះអាទិត្យអាចដំណើរការបានប្រហែល ប្រាំមួយ ម៉ោងសម្រាប់ការ​កំណត់​ខ្ពស់ប្រហែល ១៥ ម៉ោង សម្រាប់ការកំណត់មធ្យម និងប្រហែល ៩០ ម៉ោងសម្រាប់​ការ​កំណត់​ទាប ៕

ដោយ៖ អភិរក្ស