ភ្នំពេញ៖ប្រទេសសិង្ហបុរីបានជួយផ្តល់ចំណេះដឹង និងបទពិសោធន៍ថ្មីជាច្រើនលើវិស័យ​គ្រប់​គ្រ​ង​​​ហិរ​ញ្ញវត្ថុដល់​​​​​​​​​
មន្ត្រី​ក្រសួងសេដ្ឋកិច្ច និងហិរញ្ញវត្ថុ តាមរយៈអនុស្សារណៈនៃការយោគយល់របស់ប្រ​ទេ​ស​ទាំងពីរ។តាមរយៈកិច្ច​​សហប្រតិបត្តិការនេះ ភាគីទាំងពីរកម្ពុជា-សិង្ហបុរី បានចែករំលែកនូវបទពិសោធន៍គ្នាទៅវិញទៅមកលើច្រើនមុខ​​ជំនាញនៅក្នុងវិស័យហិរញ្ញវត្ថុមានជាអាទិ៍ ការព្យាករណ៍ ការវិភាគគោលនយោបាយម៉ាក្រូសេដ្ឋកិច្ច  គយ ពន្ធដារ​ 
និង​ទីផ្សារមូលបត្រ ដែលមានវិសាលភាពគ្របដណ្តប់ទាំងថ្នាក់ជាតិ និងថ្នាក់តំបន់ដោយរៀបចំអោយមាន​ទស្សនៈ​​កិច្ចសិក្សា វគ្គបណ្តុះបណ្តាលខ្លី សិក្ខាសាលា រវាងក្រសួងសេដ្ឋកិច្ចនិងហិរញ្ញវត្ថុកម្ពុជា និងក្រសួងសេដ្ឋកិច្ចសិង្ហបុរី។​

ក្នុងជំនួបពិភាក្សាជាមួយលោក Kevin Cheok ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណៈរដ្ឋសិង្ហបុរី​​​ប្រចាំកម្ពុជានៅថ្ងៃទី០៧ខែវិច្ឆិកា លោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុបានមានប្រសាសន៍ថា ​កិច្ចសហប្រតិបត្តិការនេះ បានផ្តល់ផលប្រយោជន៍ជាច្រើនដល់កម្ពុជាក្នុងការទទួលបាននូវចំណេះដឹងបន្ថែម និង​​បទពិសោធន៍ថ្មីៗ ពាក់ព័ន្ធការគ្រប់គ្រងផ្នែកហិរញ្ញវត្ថុសាធារណៈ ក្នុងបរិការណ៍ដែលកម្ពុជាធ្វើកំណែ​ទម្រង់យ៉ាង​ស៊ី​
​ជ​​​ម្រៅ និងទូលំទូលាយ។​

គួររំលឹកថា ចំណងមិត្តភាពនិងកិច្ចសហប្រតិបត្តិការល្អរវាងប្រទេសទាំងពីរជាពិសេសការផ្តល់​ជំនួយលើបច្ចេក​ទេស​​​​របស់​រ​ដ្ឋាភិបាលសិង្ហបុរីដល់កម្ពុជាក្នុងការកសាងសមត្ថភាព​ផ្នែកគ្រប់គ្រងហិរញ្ញវត្ថុសាធារណៈ​ដល់មន្ត្រី​ក្រសួង​​​​និង​​ហិរញ្ញវត្ថុកម្ពុជាធ្វើឡើងកាលពីឆ្នាំ២០១០តាមរយៈអនុស្សារណៈនៃការយោគយល់គ្នាស្តីពី កិច្ច​សហ​​ប្រតិបត្តិ​កា​រ​រវាង​​ប្រទេសទាំងពីរ និងកិច្ចសហប្រតិបត្តិការផ្នែកហិរញ្ញវត្ថុតាមរយៈអនុស្សារណៈនៃការយោគយល់​គ្នា​​​ធ្វើឡើងក្នុងឆ្នាំ​នេះ​​២០១៣៕​ ដោយ ៖ រតនា​