ភ្នំពេញ៖ ប្រធានអគ្គីសនីកម្ពុជាព្រមានខ្លាំងៗនឹងបណ្តេញបុគ្គលិករបស់ខ្លួនចេញពីការងារ ប្រសិនបើបានប្រព្រឹត្កិអំពើពុករលួយ ឬការយកកំរៃសេវាខុសគោលការណ៍ពីអតិថិជន។លោក កែវ រតនៈ ប្រតិភូរាជរដ្ឋាភិបាលទទួលបន្ទុក និងជាអគ្គនាយកអគ្គីសនីកម្ពុជា នៅព្រឹកថ្ងៃទី៦ ខែ វិច្ឆិកា ២០១៣នេះ បានបង្ហាញគោលជំហររឹងមាំក្នុងការទប់ស្កាត់មិនឲ្យមានករណីអំពើពុករលួយកើតឡើងនៅក្នុងអង្គភាពនេះឡើយ ដោយបានដាក់ចេញនូវវិធានការជាច្រើន។ ការព្រមាននេះបានធ្វើឡើងនៅក្នុងកិច្ចប្រជុំផ្សព្វផ្សាយតារាងប្រាក់កក់ និងការទទួលប្រាក់ភ្ជាប់បណ្តាញអគ្គីសនីជូនអតិថិជនដល់បុគ្គលិកក្រោមឱវាទ ដែលនេះជាប្រពន្ធ័ថ្មីបានដោយបង្កលក្ខណៈងាយស្រួលដល់អ្នកប្រើប្រាស់ ហើយគ្មានករណីលួចលាក់ចំណាយក្រោមតុទៀតឡើយ។
លោកអគ្គនាយកអគ្គិសនីកម្ពុជារូបនេះបានបញ្ជាក់ថា ប្រពន្ធ័ថ្មីនេះនឹងដាក់ឲ្យដំណើរការនៅពេលឆាប់ៗនេះ ប៉ុន្តែក្នុងករណីបុគ្គលិកអគ្គីសនីបានប្រព្រឹត្តប្រាស់ចាក់ពីគោលការណ៍នេះ ឬការយកកម្រៃសេវាលើកពីអតិថិជន នឹងត្រូវបញ្ឈប់ពីការងារ ហើយផ្សព្វផ្សាយពីបុគ្គលនោះនៅតាមទំព័រសារព័ត៌មានទៀតផង។
លោកបន្តថា នេះជាការព្រមានមួយដើម្បីប្រឆាំងអំពើពុករលួយនឹងលុបបំបាត់ចោលនូវភាពអណាធិបតេយ្យទាំងនេះ ដើម្បីឲ្យបុគ្គលិកអនុវត្តការងារមានប្រសិទ្ធិភាពខ្ពស់ក្នុងការបម្រើសេវាជូនអតិថិជនដូចជាការ ភ្ជាប់ចរន្តអគ្គីសនី និងការតម្លើងថាមពលអគ្គីសនីជាដើម។
.JPG)
លោក យង់ គឹមអេង ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍន៍បានស្វាគមន៍ចំពោះយន្តការថ្មីនេះ ដែលអង្គភាពអគ្គីសនីកម្ពុជាបានបង្ហាញពីការបេ្តជ្ញាចិត្តខ្ពស់ក្នុងការប្រយុទ្ធប្រឆំាងអំពើពុករលួយ។ទោះជាយ៉ាងនេះក្តីលោកបញ្ជាក់ថា ការសន្យានេះត្រូវអនុវត្តតឲ្យបានល្អដោយមិនត្រូវនិយាយ ឲ្យរួចតែពីមាត់នោះទេ ហើយអ្វីដែលសំខាន់ទៀតនោះអគ្គីសនីកម្ពុជាត្រូវតែបង្កើតក្រុមងារចុះស៊ើប អង្កេត នឹងមិនត្រូវការពារគ្នានៅពេលមានពលរដ្ឋប្តឹងផ្តល់ ដើម្បីធានាថាការកែទម្រងនេះនឹងបម្រើឲ្យផលប្រយោជន៍ជូនពលរដ្ឋពិតប្រាកដ។
លោក កែវ រតនៈ បញ្ជាក់ផងដែរថា យើងមានបទបញ្ជាការងាររួចហើយ ប៉ុន្តែការព្រមាននេះគឺចង់បង្កើនប្រសិទ្ធិភាពបន្ថែមទៀត ហើយកន្លងមកនេះអង្គភាពបានបញ្ឈប់បុគ្គលិកជាច្រើននាក់មកហើយដែលបានប្រព្រឹត្តខុសពីលក្ខន្ឌតិកធ្វើឲ្យមានការថ្នាំងថ្នាក់ជាមួយប្រជាពលរដ្ឋដូចជាការយកកម្រៃសេវាលើសជាដើមដែលទាំងនេះបានធ្វើឲ្យប៉ៈពាល់ដល់ការចំណាយរបស់ពួកគាត់។
លោក កែវ រតនៈ ប្រតិភូរាជរដ្ឋាភិបាលកម្ពុជាទទួលបន្ទុកអគ្គនាយកអគ្គិសនីកម្ពុជាបានអៈអាងថា យន្តកាថ្មីនេះនឹង អនុវត្តទៅមានប្រសិទ្ធិភាព ដោយអគ្គីសនី កម្ពុជា បានបង្កើតក្រុមអធិការកិច្ចសម្រាប់ចុះតាមដានជាប្រចាំចំពោះ បុគ្គលិកទាំងអស់។សូមបញ្ជាក់ថា តារាងបញ្ជាក់ពីតម្លៃសេវានៃការភ្ជាប់ចរន្តអគ្គីសនី និងការតម្លើងកម្លំាងអគ្គីសនី នេះ ក្រៅពីផ្សព្វផ្សាយដល់បុគ្គលិកក្រោមឱវាទ នឹងត្រូវបញ្ជូនទៅអង្គភាពប្រឆាំងអំពើពុករលួយនាពេល ឆាប់ៗនេះ ដើម្បីបង្ហាញពីព័ត៌មានផ្លូវការ ឬសម្រាប់ការដោះស្រាយរាល់ពាក្យបណ្តឹងនានាដែលទាក់ ទិននឹងករណីនេះ។ ហើយបើតាមក្រសួងឧស្សាហកម្ម រ៉ែនិង ថាមពលឱ្យដឹងថា តម្រូវការថាមពលសរុបរបស់កម្ពុជាគឺប្រហែល៥០០ ម៉េហ្គាវ៉ាត់ ប៉ុន្តែនឹងកើនឡើងដល់៣ពាន់ម៉េហ្គាវ៉ាត់ត្រឹមឆ្នាំ ២០២៥ខាងមុខ៕ ដោយ៖ មករា