បើតាមរបាយការណ៍ កាលពីព្រឹកថ្ងៃទី៣១ ខែធ្នូ ឆ្នាំ២០១៣នេះ បានឲ្យដឹងថា លោកស្រីធីដា ឃឺសប្រធាន គណៈ កម្មាធិការលើកស្ទួយស្ត្រីក្នុងវិស័យន យោបាយហៅកាត់ថា គ.ស.នបានមានប្រសាសន៍ ក្នុងសិក្ខាសា លាការ ពី ភាក្សាស្តីអំពីការបង្កើតគោលនយោបាយនិងយន្តការ ពិសេសដើម្បីបង្កើនចំនួនស្ត្រីដឹកនាំក្នុងវិស័យនយោបាយនៅគ្រប់លំដាប់ថ្នាក់ថា សំរាប់ការបោះឆ្នោតអាណត្តិទិ៥ ឆ្នាំ២០១៣កន្លងមកនេះ ចំនួនស្ត្រីជាប់ជាបេក្ខជនតំណាងរាស្ត្រ មានតែ២៥កៅអីស្មើនិង២០,៣៣% បើធៀបនិងអាណត្តិទី៤មាន២៦កៅអីគឺថយចុះមួយកៅអីស្មើនិងជាង១%។
មូលហេតុនៃការថយចុះគឺបណ្តាលមកពីគណៈបក្សនយោបាយនីមួយៗ នៅមានការរើសអើងប្រឆាំងនិងបេក្ខភាពចំពោះស្រ្តីឬមិនដាក់បេក្ខភាពស្រ្តីឈរលេខរៀងនៅខាងលើ និងមិនដាក់បេក្ខភាពស្ត្រីនៅតំបន់ដែលគណៈ បក្ស នយោបាយមានប្រជាប្រិយភាពជាដើម។ ដោយផ្អែកលើបញ្ហានេះ គណៈកម្មាធិការលើកស្ទួយស្ត្រីក្នុង វិស័យនយោបាយបានរៀបចំអោយមាននូវសិក្ខាសាលានេះឡើងដើម្បីត្រួតពិនិត្យ និងពិភាក្សាលើការធ្វើវិសោធនកម្ម ច្បាប់បោះឆ្នោតដើម្បីបង្កើនចំនួនស្ត្រីជាតំណាងរាស្ត្រ ព្រឹទ្ធសភា ក្រុមប្រឹក្សារាជធានីខេត្ត ក្រុងស្រុកខណ្ឌ និងក្រុមប្រឹក្សាឃុំ សង្កាត់ពិភាក្សាលើលទ្ធភាពនៃការរៀបចំគោលនយោបាយជាតិស្តីពី កូតាស្ត្រីក្នុងអង្គនីតិបញ្ញតិ ប្រតិបត្តិ និងតុលាការព្រមទាំងពិភាក្សាលើការ រៀបចំគោលការណ៍ណែនាំស្តីពីការអនុវត្ត ច្បាប់បោះឆ្នោតដែល នាំឲ្យ សំរេច បាន៤០%នៃតំណាងស្រ្តីនយោបាយនៅគ្រប់លំដាប់ថ្នាក់។
សូមជម្រាបថា ការបោះឆ្នោតក្រុមប្រឹក្សាឃុំសង្កាត់ឆ្នាំ២០១២កន្លងមកនេះស្ត្រីជាប់ឆ្នោតបាន១៧,៧៩%ស្មើនិង ២០៣៨កៅអីប៉ុណ្ណោះក្នុងតំណែងឃុំសង្កាត់ដែលកើនឡើងត្រឹមតែ៣,១៤ភាគរយស្មើនិង ៣៧៦កៅអី ចាប់ តាំង ពី ឆ្នាំ២០០៧មក ។ ស្ត្រីជាប់ឆ្នោតជាប្រធានក្រុមប្រឹក្សាឃុំសង្កាត់ ត្រឹមតែ៥,៨១ភាគរយស្មើ និង៩៥កៅអីក្នុងចំណោម ១៦៣៣កៅអី។ហើយក្នុងលទ្ធផលនេះគឺគណៈប្រជាជនកម្ពុជានាំមុខគណៈ បក្សនយោបាយដទៃទៀតអំពីចំនួនស្ត្រីវ័យក្មេងអាយុពី២៥ដល់៣៥ឆ្នាំដែលបានជាប់ឆ្នោតសរុបដូចជាស្ត្រីវ័យក្មេង៧រូបជាប់ឆ្នោតជាប្រធានក្រុមប្រឹក្សាឃុំ,១២នាក់ជាជំទប់ទី១,១៩រូបជាជំទប់ទី២និង១៩៧នាក់ជាសមាជិកក្រុមប្រឹក្សាឃុំសង្កាត់ ។ រីឯគណៈសម រង្សីមាន ស្ត្រី១រូបជាមេឃុំស្រ្តីវ័យក្មេង៣នាក់ជាជំទប់ទី១ និង ១៩នាក់ជាជំទប់ទី២ព្រមទាំង៣០នាក់ជាសមាជិកក្រុម ប្រឹក្សា ឃុំសង្កាត់។ គ.ស.នសន្និដ្ឋានថារចនាសម្ពន្ធ័និងវប្បធម៌បច្ចុប្បន្ន របស់គណៈបក្សនយោបាយនៅកម្ពុជា មិនទាន់ផ្តល់ ការស្វាគមន៍ដល់ស្ត្រីវ័យក្មេងនៅឡើយ ។ ដោយ៖ អភិរក្ស