ភ្នំពេញ៖ នៅក្នុងជំនួបការទូតជាមួយសម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា ព្រឹកថ្ងៃ ទី ០៤ ខែវិច្ឆិកានេះ លោក ចូអាសជីម ប៉ារ៉ូន ហ្វុន ម៉ាសាល់ (Joachim Baron von Marschall) ឯកអគ្គរដ្ឋទូតអាល្លឺម៉ង់ ដែលទើបតែងតាំងថ្មីប្រចាំកម្ពុជា បានសន្យាពង្រឹងពង្រីកទំនាក់ទំនងការទូត និងកិច្ចសហការរវាងប្រទេសទាំងពីរឲ្យកាន់តែល្អប្រសើរថែមទៀត។
ក្នុងជំនួបនោះសម្តចចក្រី ហេង សំរិន បានលើកពីចំណងទំនាក់ទំនងការទូតរវាងកម្ពុជា អាល្លឺម៉ង់ បាននំាមកនូវលទ្ធផលជាទីមោទនៈសម្រាប់ប្រទេសទាំងពីរ។ ពិសេសបន្តពង្រឹងកិច្ចសហប្រតិបត្តិការណ៍ រវាងការទូតទំាងពីរតំាងពីឆ្នាំ១៩៦៧មកកាន់តែមានភាពរឹងមាំ ក្នុងការបំរើផលប្រយោជន៍ឲ្យគ្នាទៅវិញទៅមក។ សម្តេបន្តថា សមិទ្ធផលជាស្នាដែរបស់ឥស្សរជន ដែលជាឯកអគ្គរដ្ឋទូតមុនៗមានច្រើនឥតគណនា ក្នុងការរួមចំណែកកិច្ចអភិវឌ្ឍន៍ប្រទេសកម្ពុជា។
ក្នុងន័យបន្តពង្រឹងកិច្ចសហប្រតិបត្តិការជាមួយស្ថាប័ននីតិប្បញ្ញត្តិអាល្លឺម៉ង់ រដ្ឋសភាកម្ពុជាបានបង្កើតក្រុមមិត្តភាពសភាកម្ពុជា អាល្លឺម៉ង់។ ជាមួយនេះកិច្ចសហប្រតិបត្តិការជំនួយបច្ចេកទេស ការកសាងសមត្ថភាព សមាជិករដ្ឋសភា និងមន្រ្តីអគ្គលេធិការដ្ឋានសភាកម្ពុជា នៅក្រោមមូលនិធិខុនរ៉ាដអាឌិនណៅអ៊ែររបស់អាល្លឺម៉ង់ក៏បង្ហានូវលទ្ធផលល្អប្រសើរ។
សម្តេចបន្តែមថាក្នុងក្របខណ្ឌនីតិប្បញ្ញត្តិអាស៊ានវិញ សព្វថ្ងៃនេះមូលនិធីអាល្លឺម៉ង់ធំចំនួនពីរ គឺជីអាយហ៊្សែត និងហាន់សេដន បាននិងកំពុងធ្វើសហប្រតិបត្តិយ៉ាងសកម្មជាមួយអន្តរសភា(អាយប៉ា)ក្នុងការកសាងសកម្មភាពអ្នកតំណាងរាស្ត្រ និងមន្ត្រីអគ្គលេខាធិកាដ្ឋានសភានៃប្រទេសជាសមាជិក។ អង្កការជីធីហ្សែត ក៏ជាដៃគូអភិវឌ្ឍន៍យ៉ាងសំខាន់ជាមួយរដ្ឋាភិបាលកម្ពុជា តាមរយៈកម្មវិធីជាច្រើនដូចជាគម្រោងអភិវឌ្ឍន៍ជនបទ និងគម្រោងអភិបាលកិច្ចល្អជាគម្រោងគ្របដណ្តប់ស្ទើរទូទំាងប្រទេសកម្ពុជា។
លោក ចូអាសជីម ប៉ារ៉ូន ហ្វុនវេន ម៉ាសាល់ ឯកអគ្គរដ្ឋទូតថ្មីអាល្លឺម៉ង់ បានសម្តែងអំណរគុណចំពោះសម្តេចប្រធានសភា ដែលឆ្លៀតពេលវេលាអនុញ្ញាតឲ្យលោកបានចូលជួបសម្តែងការគួរសមនាពេលនេះ។
លោកក៏បានជំរាបជូនថា លោកតែងបានឃ្លាំមើលសភាពការណ៍វិវត្តន៍នៅកម្ពុជា ហើយលោកថាបានសិក្សាពីច្បាប់រដ្ឋធម្មនុញ្ញ លោកមានការចាប់អារម្មណ៍ចំពោះការបោះឆ្នោតនៅកម្ពុជា។ លោកបន្តថា ពេលវេលាការបោះឆ្នោតមានសារៈសំខាន់ណាស់ហើយកន្លងមកនៅប្រទេសរបស់លោក ក៍មានការបោះឆ្នោតដែរកាលពីថ្ងៃទី០២ កញ្ញាមកនេះ ហើយលទ្ធផលនៃការបោះឆ្នោតក៏ប្រហាក់ប្រហែលនៅកម្ពុជាដែរ។
លោកបញ្ជាក់ថា ជាធម្មតាការបោះឆ្នោតនីមួយៗតែងតែមានការប្រកួតប្រជែងជាមួយបក្សប្រឆាំងស្វែងរកសម្លេងឆ្នោត ហើយលោកនឹងបន្តការតាមដានអំពីការចរចាររវាងគណបក្សប្រឆាំង និងគណបក្សប្រជាជនកម្ពុជានៅថ្ងៃស្អែកនេះប្រកបដោយផ្លែផ្កា
។ លោកក៏បានថ្លែងអំណរគុណជាថ្មីម្តងទៀត ដែលបានលើកឡើងពាក់ព័ន្ធនឹងអង្គការជីអាយហ៊្សែត និងអង្គការអាដិនណៅអ៊ែរ ដែលធ្វើការនៅកម្ពុជាអស់រយៈពេល២០ឆ្នាំមកហើយ គឺមានគុណសម្បត្តិច្រើន នឹងមានសកម្មភាភាពជាមួយកម្ពុជាបន្តទៀត។
ក្រៅពីនេះនៅមានអង្គការ NGO ដ៏ទៃច្រើនទៀត ដែលមកធ្វើការនៅកម្ពុជា ហើយបេសកកម្មរបស់អង្គការជីអាយហ៊្សែត និងអង្គការអាដិនណៅអ៊ែរ បានកសាងសមត្ថភាពមន្ត្រីអ្នកតំណាងរាស្ត្រ និងមន្ត្រីរបស់អគ្គលេខាធិការដ្ឋានរដ្ឋសភា និងមន្ត្រីរបស់រដ្ឋាភិបាល ដើម្បីមានសមត្ថភាពគ្រប់គ្រាន់ក្នុងការបំពេញការងាររបស់ពួកគេ។ ក្រៅពីនេះអង្គការខុនរ៉ាដក៏បានយកចិត្តទុកដាក់ទៅលើអន្តរកណៈកម្មការ ជាមួយគណបក្សកាន់អំណាច និងធ្វើការជាមួយគណបក្សប្រឆាំងផងដែរ។ លោកសន្យាថា ក្នុងឋានៈលោកជាឯកអគ្គរដ្ឋទូតថ្មីប្រចាំកម្ពុជា លោកនឹងខិតខំប្រឹងប្រែងឲ្យអស់ពីសមត្ថភាព ក្នុងការពង្រឹងទំនាក់ទំនងកិច្ចសហប្រតិបត្តិការរវាងប្រទេសទាំងពីរកម្ពុជា-អាល្លឺម៉ង់ ឲ្យកាន់តែប្រសើរថែមទៀត។
សម្តេចបញ្ជាក់ថា ពេលកន្លងមករដ្ឋសភាសហពន្ធ័អាល្លឺម៉ង់ មានចំណាប់អាម្មណ៍យ៉ាងខ្លំាង អំពីការរីកចម្រើនលើគ្រប់វិស័យរបស់កម្ពុជា គឺផ្ទុយពីអ្វីដែលលោក ចូជីម បារ៉ូនវ៉ុន ហ្វុន ម៉ាសាល់ ក្នុងដំណើរទស្សនកិច្ចរបស់លោកកាលពីឆ្នាំ១៩៨៩ ដែលពេលនោះកម្ពុជាពុំទាន់មានសន្តិភាពពេញលេញនៅឡើយ។ ឥឡូវនេះកម្ពុជាបានប្រកាន់យករបបកម្ពុជាប្រជាធិបតេយ្យ សេរីពហុបក្ស៕ ដោយ ៖ សស្អាត