ខេត្ដបាត់ដំបង៖ រថយន្ដដឹកអ្នកកាសែតជាច្រើននាក់ ដើម្បីទៅបំពេញបេសកម្មយកព័ត៌មាននៃការចែកអំណោយរបស់កាកបាទក្រហមកម្ពុជា
ដល់ប្រជាពលរដ្ឋដែលរងគ្រោះដោយទឹកជំនន់ ដោយធ្វើដំណើរពីភ្នំពេញមកដល់ខេត្ដបាត់ដំបងបានជួបឧបទ្ទវហេតុគ្រោះថ្នាក់ចរាចរដ៏រន្ធត់ដែលបណ្តាលឲ្យមនុស្សពីរនាក់ស្លាប់និង៧នាក់ទៀតបានរងរបួសធ្ងន់ផងដែរ។
.jpg)
ប្រភពពីកន្លែងកើតហេតុបានឲ្យដឹងថា ករណីគ្រោះថ្នាក់ចរាចរណ៍ខាងលើនេះ បានកើតឡើងនៅវេលាម៉ោង៣ រសៀល ថ្ងៃទី២៣ខែតុលា ឆ្នាំ២០១៣ នៅតាមបណ្ដោយផ្លូវជាតិលេខ៥ ក្នុង ភូមិ-ឃុំព្រៃស្វាយ ស្រុកមោងឫស្សី ខេត្ដបាត់ដំបងចន្លោះគីឡូម៉ែត្រលេខ២៣៦-២៣៧ ខណៈដែលក្រុមអ្នកកាសែតជាច្រើននាក់បានធ្វើដំណើរតាមរថយន្តប្រភេទតូសរីរបស់កាកបាទក្រហមចេញពីភ្នំពេញមកដល់ខេត្តបាត់ដំបង អ្នកបើកបរបានព្យាយាមបើករថយន្តបឺសរបស់ក្រុមហ៊ុនកាលពីតូលពីខាងធ្វេងដៃ ប៉ុន្តែវាមិនផុតទើបណ្តាលឲ្យបុកគូទរថយន្តកាពីតូលពីក្រោយខ្ទេចមុខរថយន្តតូរីស បណ្តាលឲ្យអ្នកកាសែតកោះសន្តិភាពម្នាក់ឈ្មោះ ទី អ៊ុនសុង និងអ្នកបើកបររថយន្តម្នាក់ទៀតឈ្មោះសុខពិសិដ្ឋមន្ត្រីកាកបាទក្រហមត្រូវ
បានស្លាប់នៅកន្លែងកើតហេតុ រឺឯអ្នកយកព័ត៌មានឈ្មោះលោកស្រូយនីការ អ្នកកាសែតរស្មីកម្ពុជា និងលោកអ៊ុក ប៉ុណ្ណរ៉ា នៅទូរទស្សន៍ហង្សមាស និងមន្ត្រីសាលារាជធានី៣នាក់ទៀតបានរងរបួសធ្ងន់កំពុងសម្រាកព្យាបាលនៅមន្ទីរពេទ្យកាល់ម៉ែត្រផងដែរ។សេចក្ដីរាយការណ៍តាមពីកន្លែងកើតហេតុបានឱ្យដឹងដែរថា រថយន្ដដឹកអ្នកកាសែតដែលជួបគ្រោះថ្នាក់ខាងលើនេះបានបុកគ្នាជាមួយនឹងរថយន្ដក្រុងដឹកអ្នកដំណើររបស់ក្រុហ៊ុនកាពីតូ ។ បើតាមមេបញ្ជាការកងរាជអាវុធហត្ថខេត្ដបាត់ដំបង លោក ប៉ោ វណ្ណៈ ឱ្យដឹងថា អ្នកបើរថយន្ដនិងអ្នកកាសែតម្នាក់អង្គុយខាងមុខបានស្លាប់ព្រមគ្នាចំណែកអ្នកនៅខាងក្រោយរងរបួសធ្ងន់ស្រាល៕ ដោយ៖ អភិរក្ស