ប្រទេសវៀតណាម៖ កាលពីព្រឹកថ្ងៃច័ន្ទនេះព្យុះទីហ្វុង Haiyanបានបោកបក់យ៉ាងខ្លាំងមកលើប្រទេសវៀតណាម
ជាមួយនឹងល្បឿនខ្យល់ ១៥៧គីឡូម៉ែតក្នុងមួយម៉ោង។ ព្យុះទីហ្វុង Haiyan នេះបានបង្កអោយមានការបាក់ស្រុតដី
ជាច្រើនកន្លែងនៅភាគខាងជើងនៃប្រទេសវៀតណាមដែលស្ថិតនៅក្បែរព្រំប្រទល់ប្រទេសចិន។ ក្រុមអ្នកសង្រ្គោះ
បន្ទាន់បាននិយាយថា មនុស្ស ៦នាក់បានស្លាប់ចំណែកមនុស្សជាង ៦០០០០០នាក់គឺត្រូវបានជម្លៀសចេញពី
កន្លែងនោះ។
កាលពីព្រឹកថ្ងៃច័ន្ទនេះផងដែររដ្ឋាភិបាលរបស់ប្រទេសចិនក៏បានប្រកាសដំណឹងអាសន្នមួយដល់ប្រជាជន
ដែលរស់នៅលើកោះ Hainan,ខេត្ត Guangdong,និងខេត្ត Guangxiអោយមានការប្រុងប្រយ័ត្នខ្ពស់ព្រោះថា ខ្យល់
ព្យុះទីហ្វុង Haiyan នេះនឹងបន្តបោកបក់មកលើតំបន់ទាំងនេះជាក់ជាមិនខាន។ ក្រុមព្យាករណ៍ឧត្តុនិយមបាន ប្រាប់អោយដឹងថា កំពស់ទឹកភ្លៀងគឺបន្តឡើងដល់ ៤០០មីលីម៉ែតដែលអាចបណ្តាលអោយមានគ្រោះថ្នាក់ គ្រប់ពេលវេលា។ សារព័ត៌មានស៊ីនហួបានអោយដឹងទៀតថា មនុស្សជាង ១៣០០០នាក់គឺត្រូវបានជម្លៀស
ចេញពីរមណីដ្ឋាន Sanyaចំណែកការហោះហើរជាង ២០០ជើង នៅឯ ព្រលានយន្តហោះ Hainan គឺត្រូវបាន
លុបចោល។ ដោយ៖ តុលា
