ភ្នំពេញ៖ ប្រជាពលរដ្ឋរស់នៅសង្កាត់ព្រែកកំពិស និងសង្កាត់ជើងឯកបានទទួលអំណោយដ៏ថ្លៃថ្លាពីសម្តេច
នាយករដ្ឋមន្រ្តីហ៊ុនសែន និងលោកជំទាវគឺស្ពានថ្មី(ស្ពានព្រែកថ្លឹង)ដែលបាន​ចំណាយ​ថវិការអស់​ចំនួន
៣.៥៧៤លានរៀលស្មើនឹង ៨៩៣.៥០០ដុល្លារសហរដ្ឋអាមេរិកដើម្បីការសាងសង់ និងបានសម្ពោធដាក់ឲ្យ
ប្រើប្រាស់ជាផ្លូវការនៅព្រឹកថ្ងៃទី១៣ ខែមីនា ឆ្នាំ២០១៣ក្រោមវត្តមានលោក កែប ជុតិមា អភិបាលរាជធានី ភ្នំពេញ
និងលោកឧត្តមសេនីទោ ហ៊ុន ម៉ាណែត នាយរងសេនាធិការចំរុះនៃកងយោធពលខេមរៈភូមិន្ទមេបញ្ញាការ រងកងទ័ពជើងគោកមេបញ្ញាការបញ្ញាការដ្ឋានជាតិកម្លាំងពិសេសប្រឆាំងភារវកម្ម និងជាមេបញ្ញាការរងបញ្ញា
ការដ្ឋានអង្គរក្ស។

បើតាមរបាយការណ៍សាងសង់របស់លោក គង់ អៀង មេបញ្ជាការរងកងវិស្វកម្មថាស្ពានបានសង់រួច​រាល់​ជាស្ពានបេតុង
មានប្រវែង៩០មទទឹង៨មមានជើងទម្រង៤និងក្បាលនាគទម្រ២។ ជាមួយនឹងផ្លូវសងខាងក្បាលស្ពានជាប្រភេទផ្លូវDBST
ស្រោចកៅស៊ូ២ជាន់ប្រវែង៨១ម ទទឹង៧ម ហើយត្រូវប្រើ​ប្រាស់​រយៈពេលសាងសង់១២ខែដោយចាប់ផ្តើមពីថ្ងៃទី៣១
ខែកក្កដាឆ្នាំ២០១១ រួចរាល់នៅថ្ងៃទី​៣០ ​ខែកក្កដា ឆ្នាំ២០១២ និងបានសម្ពោធដាក់ឲ្យប្រើប្រាស់នាថ្ងៃនេះត្រូវបានចំណាយ
ទឹកប្រាក់សរុបអស់ចំនួន៣.៦០០.០០០.០០០រៀល។

លោក គង់ អៀង បង្ហាញថាក្រោមការដឹកនាំរបស់រាជរដ្ឋាភិបាលធ្វើឲ្យកម្ពុជារួចផុតពីសង្រ្គាមរ៉ាំរ៉ៃបាននាំមកនូវសន្តិភាព
រួបរួមជាតិ និងការអភិវឌ្ឍន៍ទូទាំងប្រទេសទៅតាមជំហានៗ បច្ចុប្បន្នកម្ពុជាមានការគាំទ្រពីមជ្ឈដ្ឋានជាតិអន្តរជាតិទទួល
ស្គាល់ពីការរីកចំរើនរបស់កម្ពុជាស្របតាមគោល​នយោបាយរបស់រាជរដ្ឋាភិបាលឆ្ពោះទៅកាត់បន្ថយភាពក្រីក្រជូនប្រជាជន
ជាបណ្តើរៗ។

ក្នុងនាមជាមេបញ្ជាការនៅទីនេះលោក គង់ អៀង ក៏បានសុំការអភ័យទោសពីសំណាក់ប្រជាពលរដ្ឋក្នុងការបំពេញភារៈកិច្ច កន្លងមកប្រសិនបើមានអ្វីខុសឆ្គងដោយសុំអធ្យាស្រ័យចំពោះកម្លាំងរបស់លោកផង ព្រោះថាបើធ្វើចៀសមិនផុតពីមាន កំហុសនោះទេតែដើម្បីដោះស្រាយការលំបាករបស់បងប្អូននៅក្នុងតំបន់នេះមានតែខិតខំប្រឹងប្រែងធ្វើឲ្យបានតាម
សំណូមពរ និងផែនការរបស់ប្រមុខរាជ​រដ្ឋាភិបាលដែលលោកបានដាក់ចុះ។

លោកឧត្តមសេនីទោ ហ៊ុន ម៉ាណែត បានមានប្រសាសន៍នៅក្នុងឱកាសនោះថាក្រោមទស្សនៈវិស័យវែងឆ្ងាយពោពេញ ទៅដោយសុទិដ្ឋិនិយមរបស់ប្រមុខរាជរដ្ឋាភិបាលកម្ពុជាក៏ដូចជាការអនុវត្តទៅតាមយុទ្ធសាស្រ្តចតុកោណដំណាក់កាល
ទី២ ដែលក្នុងនោះផ្តោតទៅលើការស្តារ និងកសាងបន្តនូវហេដ្ឋារចនាសម្ព័ន្ធរូបវ័ន្តប្រទេសជាតិទាំងមូលរហូតទទួលបាន
ការអភិវឌ្ឍន៍ជាច្រើនរួមមានសាលារៀន និងប្រព័ន្ធគមនាគមន៍ផ្លូវថ្នល់ ស្ពានដែលបានតភ្ជាប់ស្ទើរគ្រប់ទីកន្លែង និងជាសរសៃ
ឈាមសេដ្ឋកិច្ចមានការរីកចំរើនដល់ប្រទេសជាតិ។

លោកពន្យល់ថា សុខសន្តិភាព និងសេរីភាពនយោបាយសព្វថ្ងៃនេះ គឺជាមហាគុណដែលប្រជាពល​រដ្ឋខ្មែរ​មិនអាច បំភ្លេចបាននូវគុណូបការៈរបស់គណបក្សប្រជាកម្ពុជាដែលបានរំដោះជាតិចេញពីរបបប៉ុលពតបើគ្មានថ្ងៃនោះទេ ក៏គ្មាន
ថ្ងៃនេះដែរគ្មានសិទ្ធិសិរីភាព និងការអភិវឌ្ឍន៍ប្រទេសដូច្នេះឡើយ។ ជាក់ស្តែងសមិទ្ធិផលស្ពានថ្នល់ថ្មីមួយទៀត
នៅថ្ងៃនេះពិតជាសម្បត្តិសាធារណៈមួយដ៏ធំធេងមួយ​សម្រាប់ប្រជាពលរដ្ឋដែលរស់នៅទីនេះក៏ដូចជាអ្នកដំណើរឆ្លង
កាត់បានប្រកបមុខរបរចិញ្ចឹមជីវិតបានយ៉ាងល្អប្រសើរបន្ថែមទៀត។

ជាមួយគ្នានោះដែរលោកកែបជុតិមាអភិបាលរាជធានីភ្នំពេញបានថ្លែងទៅកាន់មហាជននៅទីនោះ​ថា​ ដើម្បីឆ្លើយ តបទៅនឹងតម្រូវការចាំបាច់និងបានសំរួលដល់ការធ្វើចរាចររបស់បងប្អូនកូនគ្មួយនៅ​ក្នុង​តំបន់នេះយើងបានកសាង
ស្ពាននេះឡើង។ សមិទ្ធិផលថ្មីដែលសំរេចបាននៅចំពោះមុខនេះ គឺជា​សមិទ្ធិផលថ្មីមួយទៀតក្នុងចំណោមសមិទ្ធិផល
ជាច្រើនក្រោមការដឹកនាំរបស់សម្តេចនាយករដ្ឋមន្រ្តី ហ៊ុន សែន សម្រេចបានជោគជ័យដោយបានធ្វើការកែទម្រង់ជាតិ
មួយដ៏ទូលំទូលាយនិងជ្រាលជ្រៅជាទីមោទនភាព និងក្តីសង្ឃឹមយ៉ាងពិតប្រាកដរបស់ប្រជាកម្ពុជា។

លោកអភិបាលបានស្នើឲ្យប្រជាពលរដ្ឋទាំងនាំគ្នាជួយថែរក្សាការពារសមិទ្ធិផលទាំងអស់របស់គណ​បក្សប្រជាកម្ពុជា​
ពិសេសស្ពានថ្មី (ស្ពានព្រែកគំពិល) នេះឲ្យបានល្អគង់វង់យូអង្វែងជាប្រយោជន៍​នៃ​យើងគ្រប់គ្នាឆ្លងកាត់ទៅមក និងបង្កើន
ជីវភាពសេដ្ឋកិច្ចគ្រួសារ ដូចជាសេដ្ឋកិច្ចសង្គមដើម្បីកាត់​បន្ថយភាពក្រក្រីតាមយុទ្ធសាស្រ្តរបស់រាជរដ្ឋាភិបាលនៃយើង៕ ស.ស្អាត