ភ្នំពេញៈប្រទេសកម្ពុជាត្រូវបានសាធារណរដ្ឋកូរ៉េវាយតម្លៃថាជាប្រទេសជាប់ចំណាត់ថ្នាក់​​​លេ​ខ១​ក្នុ ងការបញ្ជូនពលករទៅបម្រើ ការងារស្របច្បាប់នៅសាធារណៈរដ្ឋកូរ៉េ។នេះបើតាមការលើកឡើងរបស់លោក Choi Gi-Dong អគ្គនាយកកិច្ចការអន្តរជាតិ នៃក្រសួងមុខរបរ និងការងារសា​ធារណរដ្ឋកូរ៉េ ខណៈដែលដឹកនំាគណៈប្រតិភូ​ចូលជួបសម្តែងការគួរសម និងពិភាក្សាការងារ  ជា​មួយលោ​ក អ៊ិត សំហេង រដ្ឋមន្ត្រីក្រសួងការងារកាលពីថ្ងៃទី២៦ ខែវិច្ឆិកា ឆ្នាំ២០១៣ នៅទីស្តីការក្រសួងការងារ។

ក្នុងជំនួបទ្វេភាគីលោក អ៊ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ​បានស្វាគមន៍ចំពោះ​ដំណើរទស្សន​កិច្ច​របស់​ប្រតិភូក្រសួងមុខរបរ និងការងារនៃសាធារណរដ្ឋកូរ៉េ ដែ​លជាដៃគូសហប្រតិបត្តិការយ៉ាង​សំខាន់របស់កម្ពុជាក្នុង​ការ​បញ្ជូន​​​ពលករទៅបម្រើការងារនៅសាធារ​ណរដ្ឋកូរ៉េ ។

លោករដ្ឋមន្ត្រីបន្ថែមថា កម្ពុជាទទួលបានទីផ្សារការងារមួយថ្មីដែលមានលក្ខខណ្ឌការងារល្អ និងប្រាក់បៀវត្សខ្ពស់ តាមរយៈ​ការ​ចុះ​អ​នុស្សារណៈនៃការយោគយល់គ្នាស្តីពីការបញ្ជូនពលករទៅប​ម្រើ​ការងារនៅសា​ធារណរដ្ឋកូរ៉េ ក្រោមប្រព័ន្ធអនុញ្ញាតមុខរបរ EPS នៅឆ្នាំ២០០៧ ហើយរហូតមកដល់បច្ចុប្បន្ន កម្ពុជាបានបញ្ជូនពលករ ពលការិនីទៅបម្រើការងារនៅសាធារណរដ្ឋកូរ៉េ ក្រោម​ប្រព័ន្ធ​ EPSនេះ បានចំនួន ២៧.៧៥០នាក់ ក្នុងនោះស្រីចំនួន៤.៨៣២នាក់ លើវិស័យចំនួន៤គឺ វិស័យឧស្សាហកម្ម វិស័យ​កសិកម្ម វិស័យនេសាទ និងវិស័យសំណង់។ ​   

លោកChoi Gi-Dong អគ្គនាយកកិច្ចការអន្តរជាតិ នៃក្រសួងមុខរបរ និងការងារសាធារណរដ្ឋកូរ៉េបានមានប្រសាសន៍ថា ការ
ប​ញ្ជូន​​ពលករ​ក្រោមប្រព័ន្ធអនុញ្ញាតមុខរបរត្រូវបានអង្គការសហប្រជាជាតិវាយតម្លៃខ្ពស់ថា ជាប្រព័ន្ធ​បញ្ជូនពលករប្រកប​ដោយ​តម្លាភាព ប្រសិទ្ធភាព និងមានការលើកកម្ពស់សិទ្ធិសេរីភាពរបស់ពលករគ្រប់គ្រាន់។

លោក Choi- Gi- Dong បន្តថាក្នុងនាមក្រសួងការងារនិងមុខរបរនៃសាធារណរដ្ឋកូរ៉េបានថ្លែងអំណរគុណចំពោះរាជរដ្ឋាភិបាល​កម្ពុជាដែលបានសម្រេចចិត្តបញ្ជូនពលករខ្មែរទៅបម្រើការងារនៅសាធារណរដ្ឋកូរ៉េ និងចូលរួមជួយអភិវឌ្ឍដល់វិស័យ​ឧស្សា​ហ​កម្ម​នៅកូរ៉េ។

លោក​បញ្ជាក់ផងដែរថា ភ្នាក់ងារបញ្ជូនពលករកម្ពុជាជាភ្នាក់ងារនាំមុខគេ ជាប់ចំណាត់ថ្នាក់លេខ​១ក្នុងចំណោមភ្នាក់ងារបញ្ជូន​ពល​ករទៅបំរើការងារនៅសាធារណរដ្ឋកូរ៉េទាំង១៥ប្រទេស​ ផ្អែកលើមូលដ្ឋាននេះហើយទើប​សាធារណរដ្ឋកូរ៉េ​បន្តបង្កើនការ​ទទួលយកពលករកម្ពុជា រហូតធ្វើឱ្យកម្ពុជាដែលបានចុះអនុស្សារណៈ​នៃការយោគយល់គ្នាស្តីពីការប​ញ្ជូនពលករទៅបម្រើ​ការងារ​​នៅសា​ធារណរដ្ឋកូរ៉េក្រោមប្រព័ន្ធអនុញ្ញាតមុខរបរ ក្រោយប្រទេសវៀតណាម បង់ក្លាដេស ឥណ្ឌូណេស៊ី និងប្រទេសថៃ តែកម្ពុជាមានលទ្ធភាពបញ្ជូនពលករបានច្រើនជាងប្រទេសទាំងនេះក្នុងឆ្នាំ២០១២ និង​២០១៣ នេះ។ថៅកែរោងចក្រកូរ៉េ​ជាច្រើនបានវាយតម្លៃខ្ពស់ចំពោះការអត់ធ្មត់ ការឧស្សាហ៍ព្យា​យាម និងការទទួលខុសត្រូវខ្ពស់ក្នុងការងាររបស់ពលករខ្មែរ។

លោកChoi Gi-Dong បន្ថែមថាបើទោះជានាពេលបច្ចុប្បន្ននេះចំនួនពលករខ្មែរ​ខុសច្បាប់ដែកំពុងបម្រើការងារ​នៅសាធារណរដ្ឋ​កូរ៉េ​​មានចំនួនតិចតួចក្តី កម្ពុជាគួរយកចិត្តទុកដាក់លើបញ្ហានេះ ព្រោះប្រសិនបើចំនួនពលករខុសច្បាប់មានការកើនឡើងច្រើន អាចនឹងប៉ះពាល់ដល់កូតានៃការទ​ទួ​លយកពលករពីកម្ពុជា។

ជាកិច្ចឆ្លើយតបចំពោះបញ្ហារបស់លោក Choi Gi-Dong លោករដ្ឋមន្រ្តីបានលើកឡើងថា កម្ពុជាបានត្រៀមខ្លួនរួច​ជាស្រេចក្នុង​ការ​ចាត់​បញ្ជូនតំណាងក្រសួងការងារ និងបណ្តុះបណ្តាលវិជ្ជាជីវៈ ឱ្យធ្វើជាទីប្រឹក្សាទទួលបន្ទុកការងារ​គ្រប់គ្រងពលករអម​ស្ថាន​ឯក​អគ្គរាជ​ទូតកម្ពុជាប្រចាំសាធារណរដ្ឋកូរ៉េ។ ក្នុងគោលដៅលើកកម្ពស់ភាពសុខដុមរមនីរបស់ពលករខ្មែរ និងកាត់បន្ថយចំនួន​ពលករ​ខុ​សច្បាប់នៅសាធារណរដ្ឋកូរ៉េ តំណាងរូបនេះនឹងត្រូវធ្វើការជិតស្និទ្ធជាមួយក្រសួងមុខរបរ និងកា​រងារកូរ៉េ ដើម្បីផ្តល់​ព័ត៌​មានអប់រំ ផ្សព្វផ្សាយគោលការណ៍ច្បាប់ នីតិវិធីទាមទារប្រាក់ធានារ៉ាប់រងគ្រោះថ្នាក់ការងារ និងអត្ថប្រយោជន៍ផ្សេងៗដែល​ពលករខ្មែរអាចទទួលបានប្រសិន​បើពួកគាត់ត្រ​ល​ប់មកកម្ពុជាក្រោយពេលចប់កិច្ចសន្យាការងារ៕ ដោយ៖ រតនា