គណកម្មាធិការជាតិគ្រប់គ្រងគ្រោះមហន្តរាយបានបង្ហាញថា ទឹកជំនន់ឆ្នាំនេះ បានបំផ្លាញហេដ្ឋារចនសម្ព័ន្ធ
ផ្លូវថ្នល់ សត្វគ្រប់ប្រភេទ និងដំណាំកសិកម្មរបស់ប្រជាកសិករ នៅខេត្តបាត់ដំបង និងខេត្តបន្ទាយមានជ័យ
គិតជាទឹកប្រាក់អស់ប្រមាណជិត៥០០លានដុល្លាសហរដ្ឋអាមេរិក ។
ឯកឧត្តម ញឹម វណ្ណដាទេសរដ្ឋមន្ត្រីទទួលបន្ទុកអនុប្រធានទី១ គណកម្មាធិការជាតិគ្រប់គ្រងគ្រោះ មហន្តរាយ បានមានប្រសាសន៍នៅថ្ងៃទី២១ខែតុលានេះថា ទឹកជំន់ន់ឆ្នាំ២០១៣នេះ បានធ្វើឱ្យប៉ះពាល់ដល់ ២០រាជធានី-ខេត្ត គិតជាស្រុក១៣៣ ខណ្ឌ-ស្រុក ស្មើនឹង៧៧០ឃុំ-សង្កត់ និងប៉ះពាល់ដល់ប្រជាពលរដ្ឋប្រមាណ ១លាន ៨សែននាក់ ក្នុងនោះស្លាប់១៦៨នាក់មានកុមារ ចាស់ជរាផងដែរ ។
ឯកឧត្តម បន្តថាគ្រាន់តែគិតត្រួសៗតាមរបាយការណ៍ពី ខេត្តបាត់ដំបបង និងបន្ទាយមានជ័យ ទឹកជំនន់ឆ្នាំនេះបានធ្វើខួចខាតថ្នល់លំ ស្ពាន ផ្លូវជាតិ ផ្លូវខេត្ត ប្រព័ន្ធធារាសាស្រ្ត និងដំណាំកសិកម្មដូចជាស្រូវដំឡូងមីជាដើម គិតជាទឹកប្រាក់អស់ប្រមាណជិត៥០០លានដុល្លាសហរដ្ឋអាមេរិក ។
ឯកឧត្តមទេសរដ្ឋមន្ត្រីញឹមវណ្ណដាបានបន្តថា គ្រាន់តែខេត្តពីរយើងគិតត្រួសៗអស់ជិត៥០០លានដុល្លាទៅហើយ ចោះទំរាំតែនៅទូទាំងប្រទេសកម្ពុជាយើងមិនដឹងត្រូវខាតបង់ថវិកាអស់ប៉ុន្មាន ក្នុងការស្តានូវកាខូចខាតដោយសារទឹកជំនន់។ តែរហូតមកដល់ពេលនេះ ទឹកបានស្រកមួយផ្នែកធំហើយ ចំណែកប្រជាពលរដ្ឋដែលត្រូវបានជំលាសមកកាន់ទីទួលសុត្ថិភាពនោះបានត្រឡប់ទៅលំនៅស្ថានមួយផ្នែកធំវិញហើយ ។
ដោយ៖ អភិរក្ស