ប្រទេសអាមេរិក៖ មន្រ្តីក្រសួងការបរទេសប្រចាំប្រទេសអាមេរិកបានអោយដឹងថា សហរដ្ឋអាមេរិកបានផ្អាក ការផ្តល់ជំនួយមួយដ៏ធំដល់កងយោធាប្រទេសអេស៊ីបដែលមានទឹកប្រាក់រហូតដល់ ៨១០ លានផោន។ ហើយ លោកបានបន្ថែមថា ការធ្វើបែបនេះគឺជាដំណើរការមួយដ៏សំខាន់ដើម្បីឆ្ពោះទៅ ដល់ការបោះឆ្នោតមួយដោយ សេរីនិងយុត្តិធម៌។ ការផ្តាច់ជំនួយជាបណ្តោះអាសន្ននេះបានចាប់ផ្តើមតាំងតែពីខែសីហាមកម្លេះ នៅពេល ដែលរដ្ឋាភិបាលអេស៊ីបបានចេញវិធានការបង្រ្កាបលើក្រុមអ្នកគាំទ្ររបស់លោកប្រធានាធិបតី Mohammed Morsi មកម្លេះដែលបានបណ្តាលអោយគាំទ្ររាប់រយនាក់បាន បាត់ជីវិត។

លោក Jen Psaki អ្នកនាំពាក្យអោយក្រសួងការបរទេស អាមេរិកបាននិយាយថា សហរដ្ឋអាមេរិក នឹង
បន្ត ការផ្តាច់ ជំនួយនេះរហូតប្រសិនបើ រដ្ឋាភិបាលអេស៊ីបមិនព្រមបង្កើត អោយមានការបោះឆ្នោតមួយ
ដោយ សេរីនិងយុត្តិធម៌នោះទេ។ មន្រ្តីប៉ូលីសអាមេរិកបានអោយដឹងថា ប្រទសសហរដ្ឋអាមេរិកនឹង
បញ្ឈប់ការនាំចូលឧទ្ធម្ភាគចក្រ ប្រភេទ Apache ព្រមទាំងគ្រាប់មីសស៊ីល Harpoon និង រថក្រោះទៀត
ផង។ រដ្ឋាភិបាលប្រចាំទីក្រុង Whasington បានគ្រោងបិតការផ្ទេរ សាច់ប្រាក់ ២៦០លានដុល្លារ និងកុង
ត្រាប្រាក់កម្ចី ៣០០លានដុល្លារទៅដល់ប្រទេសអេស៊ីប។  អ្នកផ្តល់ព័ត៌មានបាននិយាយថា សហរដ្ឋ អាមេរិកនឹងបន្តការផ្តល់ជំនួយដល់ប្រជាជនអេស៊ីបនៅក្នុងឧបទ្វីប Sinai ដែលកំពុងតែជួបបញ្ហាអសន្តិ
សុខយ៉ាងខ្លាំងនោះឡើងវិញ។ មន្រ្តីក្រសួងការបរទេសបានបន្ថែមថាការផ្តាច់ជំនួយនេះគឺមិនធ្វើរហូត
នោះទេប្រសិនបើប្រទេសអេស៊ីបយល់ព្រមតាមការណែនាំទាំងនោះ។ ដោយ៖ តុលា