ភ្នំពេញ៖ រាជរដ្ឋាភិបាលកម្ពុជាបានធ្វើសន្និសីទកាសែតស្តីពីព្រំដែនជាបញ្ហាអធិបតេយ្យភាពនិងសន្តិសុខជាតិ
កាលពីព្រឹកថ្ងៃទី២៨ ខែកក្កដា ឆ្នាំ២០១៣។ ក្នុងសន្និសីទកាសែតនោះមន្ត្រីរាជរដ្ឋាភិបាលកម្ពុជាបានធ្វើការ
ព្រមានថានឹងអាចចាត់វិធានការតាមផ្លូវច្បាប់ទៅលើកាសែតមួយចំនួនដែលផ្សព្វផ្សាយព័ត៌មាន មិនពិត ពាក់
ព័ន្ធបញ្ហាសន្តិសុខជាតិ បញ្ហាព្រំដែនបង្កឲ្យមានបរិយាកាសមិនល្អដល់សង្គម ។
សន្និសីទកាសែតនៅទីស្តីការគណៈរដ្ឋមន្ត្រីនាព្រឹកមិញនេះ បានធ្វើឡើងដោយក្រុមការងារអន្តរក្រសួងសម្រប
សម្រួលព័ត៌មានសមរភូមិនិងមានការចូលរួមបកស្រាយពីអ្នកនាំពាក្យក្រសួងការពារជាតិប្រធាននាយកដ្ឋាន
កណ្តាលនគរបាលព្រំដែននៃអគ្គស្នងការនគរបាលជាតិនិងលេខាធិការដ្ឋានអចិន្ត្រៃយ៍នៃអាជ្ញាធរជាតិទទួល
បន្ទុកកិច្ចការព្រំដែន។
ក្នុងសន្និសីទនេះដែរ រាជរដ្ឋាភិបាលកម្ពុជាបានព្រមានថានឹអាចចាត់វិធានការផ្លូវច្បាប់ទៅលើបណ្តាញសារព័ត៌
មានមួយចំនួនបើនៅតែបន្តការផ្សព្វផ្សាយព័ត៌មានអំពីបញ្ហាព្រំដែនជាមួយប្រទេសជិតខាងដែលមិនមានការ
ពិតជាហេតុធ្វើឲ្យប៉ះពាល់ដល់សន្តិសុខជាតិអាប់អ៊ួដល់បរិយាកាសសង្គម និងបានជម្រុញឲ្យបណ្តាញផ្សព្វ
ផ្សាយទាំងអស់ពង្រឹងវិជ្ជាជីវៈនិងក្រមសីលធម៌សារព័ត៌មានជៀសវាងការប្រឈមផ្លូវច្បាប់។
សន្និសីទកាសែតនៅទីស្តីការគណៈរដ្ឋមន្ត្រីនោះធ្វើឡើងដោយក្រុមការងារអន្តរក្រសួងសម្របសម្រួលព័ត៌មាន
សមរភូមិនិងមានការចូលរួមបកស្រាយ និងប្រតិកម្ម ពីលោកឧត្តមសេនីយ៍ឯក ឈុំ សុជាតិ អ្នកនាំពាក្យក្រសួងការពារជាតិលោកឧត្តមសេនីយ៍ឯក ហ៊ូ សាគុណ ប្រធាននាយកដ្ឋានកណ្តាលនគរបាលព្រំដែននៃអគ្គស្នងការ
នគរបាលជាតិលោកស្រី កុយ ពិសី អនុប្រធានលេខាធិការដ្ឋានអចិន្ត្រៃយ៍នៃអាជ្ញាធរជាតិទទួលបន្ទុកកិច្ចការ
ព្រំដែននិងលោក ផៃ ស៊ីផា នអ្នកនាំពាក្យទីស្តីការគណរដ្ឋមន្ត្រី។
ការព្រមានចាត់វិធានការផ្លូវច្បាប់ទៅលើប្រព័ន្ធផ្សព្វផ្សាយគឺបន្ទាប់ពីវិទ្យុអាស៊ីសេរីនិងប្រព័ន្ធផ្សព្វផ្សាយមួយចំនួនទៀត នៅពេលថ្មីៗកន្លងមកនេះបានធ្វើការផ្សព្វផ្សាយអំពីបញ្ហាព្រំដែនរវាងកម្ពុជានិងថៃដោយបាន
ផ្សាយថាកម្ពុជាបានបាត់បង់ដី១០គីឡូម៉ែត្រទៅប្រទេសថៃនៅច្រកបួនរយស្ថិតនៅក្នុងស្រុកសំឡូតខេត្ត
បាត់ដំបងជាប់ខេត្តត្រាតប្រទេសថៃ។
ការផ្សព្វផ្សាយនេះបានធ្វើឲ្យរាជរដ្ឋាភិបាលកម្ពុជាមានប្រតិកម្មឆ្លើយតបចំពោះការផ្សាយព័ត៌មានខាងលើនេះនិងបានធ្វើសន្និសីទកាសែតស្រាយបំភ្លឺបញ្ហានេះកុំឲ្យមានការភ័ន្តច្រឡំពីសំណាក់ប្រជាពលរដ្ឋនិងសាធារណជនជាតិ-អន្តរជាតិ។
លោកឧត្តមសេនីយ៍ឯកឈុំសុជាតិបានបញ្ជាក់ថាការចុះផ្សាយរបស់វិទ្យុអាស៊ីសេរីដែលថាកម្ពុជាបាត់ដីទៅឲ្យប្រទេសថៃនាំឲ្យប៉ះពាល់ដល់សន្តិសុខជាតិ។តាមពិតកម្ពុជាមិនបានបាត់បង់ដីសូម្បីតែមួយមីលីម៉ែត្រទៅខាងភាគីថៃឡើយ។ លោកស្រី កុយ ពិសី បានចាត់ទុកការផ្សាយព័ត៌មានខាងលើធ្វើឲ្យមន្រ្តីដែលបានពលិកម្ម លះ
បង់កម្លាំងកាយចិត្តក្នុងបុព្វហេតុជាតិ បូរណភាពដឹកដី ទាំងយប់ថ្ងៃនោះមានការមិនសប្បាយចិត្ត។
ទោះជាយ៉ាងណាក៏ដោយលោក ពុយ គា សមាជិកគណៈនាយករបស់ក្រមសីលធម៌អ្នកសារព័ត៌មានកម្ពុជា និងជាអ្នកកាសែតជើងចាស់មានវិជ្ជាជីវៈដែលបានចូលរួមស្តាប់អំពីសន្និសីទនេះបានលើកឡើងថា សន្និសីទ
កាសែតនេះហាក់មានការប្រទាំងប្រទើសបន្តិចរវាងអ្នកយកព័ត៌មានវិទ្យុអាស៊ីសេរី និងមន្រ្តីរដ្ឋាភិបាល ។
ហើយលោកមើលឃើញថា វិធានការរបស់រដ្ឋាភិបាលដែលយល់ថា ការផ្សាយព័ត៌មានរបស់វិទ្យុងាស៊ីសេរី
លើបញ្ហាព្រំដែននេះ ជាយុទ្ធនាការមួយដើម្បីវាយប្រហាររដ្ឋាភិបាលហើយបានព្រមានថានឹងអាចចាត់វិធាន
ការតាមផ្លូវច្បាប់។ ប៉ុន្តែសម្រាប់រូបលោកផ្ទាល់យល់ឃើញថា គាត់ព្យាយាមទាក់ទង ខាងមន្រ្តីរដ្ឋាភិបាល
និងអាជ្ញាធរតែពេលខ្លះហាក់ដូចជាពិបាក ក្នុងការយកព័ត៌មាន ពីរដ្ឋាភិបាល ឬអាជ្ញាធរដែលទទួលបន្ទុក
ខាងផ្នែកព្រំដែន ។
លោកពុយ គារ បន្តថា នៅកម្ពុជាមានច្បាប់សារព័ត៌មានរបស់យើងហើយ ដូច្នេះចង់ឲ្យមានការប្រើប្រាស់ច្បាប់
ហ្នឹង ចៀសវាងយកវិធានការណ៍ផ្លូវច្បាប់ដើម្បីប្តឹងអ្នកកាសែត។ បើសិនការផ្សាយព័ត៌មានខុសជំហានដំបូង
លោកចង់ឲ្យធ្វើការកែតម្រូវហើយស្រាយបំភ្លឺ ក្នុងនាមរាជរដ្ឋាភិបាល ក្រសួងការពារជាតិ ឬនៅក្នុងផ្នែកណា
មួយដែលទទួលបន្ទុកបញ្ហាព្រំដែនថាជាការផ្សព្វផ្សាយមិនត្រឹមត្រូវ ។ ប៉ុន្តែប្រសិនបើអង្គភាព ឬស្ថាប័ននោះ
បដិសេធន៍មិនធ្វើការផ្សាយឡើងវិញទេ នោះរដ្ឋាភិបាលអាចប្តឹងទៅតាមផ្លូវច្បាប់ ដែលនេះជាវិធានការល្អ
បំផុត៕
ដោយ៖ ស.ស្អាត