ទីក្រុងសេអ៊ូល (ប្រភពពី AFP) - លោក គីម ជុងអ៊ុន មេដឹកនាំប្រទេសកូរ៉េខាងជើងបានព្រមានចំពោះស្ថានភាពនៅ លើឧបទ្វីបកូរ៉េ ត្រង់កន្លែងដែលកើនឡើងភាពតានតឹងដោយកងកម្លាំងយោធាដោយការបាញ់កាំភ្លើងធំ ទៅវិញទៅមករបស់ប្រទេសកូរ៉េទាំងពីរ មើលឃើញថា "ធ្ងន់ធ្ងរណាស់" ហើយទីក្រុងព្យុងយ៉ាង ក៏បានគំរាម កំហែងត្រៀមធ្វើតេស្តសាកល្បងអាវុធនុយក្លេអ៊ែរថ្មីមួយទៀត។
នៅក្នុងការជួបប្រជុំជាមួយមេដឹកនាំយោធាកំពូលកាលពីថ្ងៃអង្គារជាមួយលោកគីម បានស្តីបន្ទោស ទីក្រុងវ៉ាស៊ីនតោន និងទីក្រុងសេអ៊ូលសម្រាប់ការប៉ះទង្គិចគ្នានាពេលបច្ចុប្បន្ននេះដោយនិយាយថា ពួកគេបានបំពានលើសំណើសន្តិភាពពីទីក្រុងព្យុងយ៉ាង។
សម្តីរបស់លោកគីមត្រូវបានគេដកស្រង់ដោយទីភ្នាក់ងារព័ត៌មាន KCNA ផ្លូវការរបស់ប្រទេសកូរ៉េខាងជើង កាលពីថ្ងៃពុធថា "ស្ថានភាពបច្ចុប្បន្នគឺ ធ្ងន់ធ្ងរណាស់"។
លោកគីមដែលជាមេបញ្ជាការកំពូលនៃកងទ័ពប្រជាជនកូរ៉េ (KPA) បានប្រាប់មន្រ្តីជាន់ខ្ពស់បំផុតរបស់លោកថា បើទោះបីជាកាយវិការផ្សះផ្សារវាងប្រទេសកូរ៉េខាងជើង ជាមួយប្រទេសកូរ៉េខាងត្បូង និងដៃគូរសហរដ្ឋអាមេរិក តាមរយះការធ្វើសមយុទ្ធយោធារួមគ្នានេះក៏ដោយ តែចំពោះទីក្រុងព្យុងយ៉ាងយល់ថា ជាទស្សនៈការហាត់សម សម្រាប់ការលុកលុយមួយ។