ភ្នំពេញ៖ ក្រុមអង្គការសង្គមស៊ីវិល និងប្រជាពលរដ្ឋ នៅក្នុងរាជធានីភ្នំពេញ នឹងធ្វើការជួបជុំគ្នានៅព្រះអង្គដង
កើមុខព្រះបរមរាជវាំង ដើម្បីធ្វើពិធីដង្ហែរធម្មយាត្រាបួងសួងដល់វត្ថុសក្តិសិទ្ធសុំសន្តិភាព និងកុំឲ្យមានអំពើ
ហិង្សាកើតឡើងជាថ្មីនៅលើទឹកដីកម្ពុជា និងជាពិសេសផ្ញើសារទៅកាន់គណបក្សនយោបាយដែលទទួលបាន
អាសនៈនៅក្នុងរដ្ឋសភាឲ្យអង្គុយជជែកគ្នាដោយសន្តិវិធី ហើយតម្កល់ផលប្រយោជន៍ជាតិនិងប្រជាជនធំ។
ការប្រមូលផ្តុំគ្នានេះបានប្រព្រឹត្តទៅនៅថ្ងៃទី១៤ ខែសីហា ឆ្នាំ២០១៣ នៅវេលាម៉ោង៤រសៀលចាប់ពីព្រះអង្គ
ដងកើ ។ ចំណែកប្រជាពលរដ្ឋ និងអង្គការក្រៅរដ្ឋាភិបាលមួយក្រុមផ្សេងទៀត បានធ្វើការជួបជុំគ្នាប្រារពពិធី
បួងសួងសុំសន្តិភាពនិងសុំកុំឲ្យមានអំពើហិង្សានេះដែរនៅរមណីយដ្ឋានវត្តភ្នំដែលជាកំណើតនៃរាជធានីមុនគេ
ការជួបជុំគ្នាធ្វើពិធីបួងសួងសុំសន្តិភាព នៅព្រះអង្គដងកើ និងនៅរមណីយដ្ឋានវត្តភ្នំ របស់ក្រុមអង្គការសង្គម
ស៊ីវិល និងប្រជាពលរដ្ឋ នៅក្នុងរាជធានីភ្នំពេញនេះ បានត្រូវសាលារាជធានីភ្នំពេញបញ្ជាក់ថាមិនមានច្បាប់
អនុញ្ញាតនោះទេ។
លោក បូ ពៅ ជាសមាជិកក្រុមការងារដើម្បីសន្តិភាព បានឲ្យដឹងថា ការជួបជុំនេះ ដោយសារតែនៅថ្ងៃទី១៤
ខែសីហា គឺជាថ្ងៃសីល និងជាថ្ងៃល្អ សម្រាប់វប្បធម៌របស់ខ្មែរ ហើយការជួបជុំនេះ គឺមានគោលបំណងបួងសួង
សុំឲ្យការដោះស្រាយការជាប់គាំងនយោបាយ និងការដោះស្រាយលទ្ធផលបោះឆ្នោត កុំឲ្យមានការប្រើអំពើ
ហិង្សា។ ហើយការជួបជុំគ្នានេះ ក៏ជាការផ្ញើសារទៅគណបក្សនយោបាយ ឲ្យអង្គុយជជែកគ្នាដោយសន្តិវិធី និង
ដោយតម្កល់ផលប្រយោជន៍ប្រជាពលរដ្ឋជាសំខាន់។
ចំណែកលោក លោកស្រី ប្រាក់សុផានីមកពីក្រុមការងារដើម្បីសន្តិភាពដែរ បានឲ្យដឹងដែរថា លោកស្រីចូលរួម
ក្នុងពិធីបួងសួងនេះ ក្នុងគោលបំណងចង់បានយុត្តិធម៌ និងសន្តិភាព សម្រាប់ប្រទេសកម្ពុជា។ ហើយក្នុងនាម
ប្រជាពលរដ្ឋម្ចាស់ឆ្នោត សុំឲ្យមានភាពស្ងប់ស្ងាត់ កុំឲ្យមានការប្រើអំពើហិង្សា។
អ្នកស្រីបន្តថា ប្រជាពលរដ្ឋមិនចង់ឃើញការធ្វើបាតុកម្ម ឬក៏ការទប់ស្កាត់ណាមួយដោយហិង្សានោ ពីព្រោះវា
បានធ្វើឲ្យប្រជាពលរដ្ឋមានការភ័យខ្លាច និងព្រួយបារម្ភ ហើយជាពិសេស ធ្វើឲ្យប៉ះពាល់ដល់ការរស់នៅរបស់
ប្រជាពលរដ្ឋ។
អ្នកស្រីបានអំពាវនាវឲ្យ គណបក្សនយោបាយទាំងអស់ ធ្វើការចរចាគ្នាដោះស្រាយដោយការស្រុះស្រួលគ្នា
ឈរលើស្មារតីផ្សះផ្សាជាតិ បង្រួបបង្រួមជាតិ។
ចំណែកលោក ព្រាប កុល ប្រធានអង្គការតម្លាភាព បានឲ្យដឹងថា នេះជាការចូលរួមចំណែកមួយលើកតម្កើង
អហិង្សា សន្តិភាព ផ្លូវចិត្តផ្លូវអារម្មណ៍ ហើយក៏ជាសារមួយបញ្ជូនទៅអ្នកនយោបាយ ប្រជាពលរដ្ឋ កងកម្លាំង
អ្នកមានសមត្ថកិច្ចគ្រប់ជាន់ថ្នាក់ ដែលស្រលាញ់សន្តិភាពបើសិនជាមានបាតុកម្មណាមួយកើតឡើងគឺរក្សា
ភាពអហិង្សាសុខសន្តិភាពឲ្យបាន ។
លោក ព្រាប កុល បន្តថា លោកនិងអង្គការសង្គមស៊ីវិលដទៃទៀតចង់ឃើញគណបក្សនយោបាយដែលបាន
ទទួលការគាំទ្រពីប្រជាពលរដ្ឋធំទាំង២មានភាពស្មោះត្រង់ មានឆន្ទៈនយោបាយក្នុងការដោះស្រាយបញ្ហាដែល
កើតមាន។ លោកថាកន្លងមកនេះគេសង្កេតឃើញពួកគាត់ ហាក់ដូចជាលេងល្បែងនយោបាយទៅវិញទៅមក
ដោយមិនមានភាពស្មោះត្រង់នឹងគ្នា ម្តងនិយាយថាអញ្ចេះម្តងនិយាយថាអញ្ចុះធ្វើឲ្យពួកគាត់ជាអ្នតាមដាន
វង្វេង និងប្រជាពលរដ្ឋមានការយល់ច្រឡំ។ ប៉ុន្តែយ៉ាងណាក៏ដោយ លោកសុំឲ្យគណបក្សទាំង២ផ្តោតលើឆន្ទៈ
នយោបាយ និង ផ្តោតលើប្រយោជន៍ប្រជាពលរដ្ឋដែលជាម្ចាស់ឆ្នោត កុំធ្វើឲ្យគាត់អស់សង្ឃឹម ដោយសារ
នយោបាយរបស់ខ្លួន ៕
ដោយ៖ ស.ស្អាត