អ៊ីរ៉ាក់៖ ការផ្ទុះគ្រាប់បែកជាចៃដន្យនៅក្នុងឡានមួយគ្រឿងក្នុងប្រទេសអ៊ីរ៉ាក់កាលពីថ្ងៃច័ន្ទម្សិលមិញបាន
ឆក់យកជីវិតពួកឧទាមយ៉ាងហោចណាស់ ២១នាក់និងបានបណ្តាលអោយពួកឧទាម ១២នាក់ផ្សេងទៀត
រងរបួសជាទំងន់។ មន្រ្តីប៉ូលីសបានមានប្រសាសន៍ថា ការផ្ទុះគ្រាប់បែកខាងលើនេះគឺបានផ្ទុះឡើងកាល
ពីរសៀលថ្ងៃច័ន្ទម្សិលមិញនៅតាមបណ្តោយផ្លួវវាលខ្សាច់មួយខ្សែ ចំងាយប្រហែលជា ២០គីឡូមែត្រពី
ទីក្រុង Samarra។ គួរបញ្ជាក់ផងដែរថា រថយន្តដឹកគ្រឿងផ្ទុះមួយគ្រឿងនោះគឺជាកម្មសិទ្ធរបស់ពួកឧទាម ដែលបានគ្រប់គ្រងតំបន់ជាច្រើនជុំវិញខេត្ត Salah al-Din។ មន្រ្តីប៉ូលីសម្នាក់បានមានប្រសាសន៍ប្រាប់អ្នក
សារព័ត៌មានថា នៅពេលគ្រាប់បែកបានផ្ទុះឡើង កងកម្លាំងសន្តិសុខជាច្រើននាក់បានចុះទៅធ្វើអន្តរាគ
មន៍នៅកន្លែងកើតហេតុនោះភ្លាមៗ ហើយពួកយើងបានចាប់ខ្លួនពួកឧទាមដែលរងរបួសចំនួន ១២នាក់
និងពួកឧទាមដែលព្យាយាមគេចខ្លួនចំនួន ១០នាក់។ អង្គការសហប្រជាជាតិបានបញ្ជាក់ថា កាលពីខែ
មករាកន្លងមក ជនស៊ីវិលចំនួន ៦១៨នាក់និងមន្រ្តីប៉ូលីសចំនួន ១១៥នាក់គឺត្រួវបានពួកឧទាមសំលាប់។
គួរបញ្ជាក់ផងដែរថា ទិន្នន័យខាងលើនេះគឺមិនបានរួមបញ្ចូលជនរងគ្រោះនៅក្នុងខេត្ត Anbar ឡើយដែល
ជាកន្លែងដែលពួកសកម្មប្រយុទ្ធ Sunni និងពួក al-Qaeda បានគ្រប់គ្រងផ្នែកជាច្រើននៃទីក្រុង Falluja និង
ទីក្រុង Ramadi៕ ដោយ៖ តុលា
