ប្រទេសប្រេស៊ីល៖ មន្ត្រីប៉ូលីសម្នាក់បាននិយាយថា ក្រុមអ្នកតវ៉ារាប់រយនាក់បាននាំគ្នាដុតស្ថានីយ៍ឡាន
ក្រុងមួយកន្លែងនៅក្នុងទីក្រុងសៅប៉ូឡូប្រទេសប្រេស៊ីល។ គាត់បានបន្តទៀតថា ឡានក្រុងមួយគ្រឿងត្រូវ
បានដុតកំទេចចំណែកម៉ាស៊ីនប្តូរប្រាក់និងម៉ាស៊ីនលក់សំបុត្រវិញត្រូវបានវាយកំទេច។

មន្រ្តីប៉ូលីសដដែលបានបន្ថែមទៀតថា ក្រុមប៉ូលីសកុប្បកម្មក៏បានបាញ់ឧស្ម័នបង្ហូរទឹកភ្នែកទៅលើអ្នកតវ៉ា ទាំងនោះដែរហើយចាប់បានមនុស្សយ៉ាងហោចណាស់ ៦នាក់។ ក្រុមប៉ូលីសកុប្បកម្មបាននិយាយថា​ ការ
តវ៉ានេះគឺបានកើតឡើងតាំងតែពីខែមិថុនាមកម្លេះក្នុងគោលបំណងទាមទារអោយមានការដឹកជញ្ជូនដោយសេរី។
ហេតុការណ៍ចុងក្រោយនេះបានកើតឡើងនៅពេលដែលលោកប្រធានាធិបតី DilmaRoussef បានប្រកាសនូវ គម្រោងថ្មីមួយទៀតដែលមានទឹកប្រាក់រហូតដល់ ២.៤កោតដុល្លារក្នុងគោលបំណងដើម្បីពង្រឹងការដឹកជញ្ជូន
ជាសាធារណះនៅក្នុងទីក្រុងនេះបន្ថែមទៀត។

ក្រុមអ្នកតវ៉ាបិតមុខម្នាក់បាននិយាយថា ពួកគេគឺជាសមាជិករបស់ក្រុមអនាធិបតេយ្យនិយម Black Blog។ មន្រ្តីប៉ូលីសម្នាក់ត្រូវបានវាយប្រហារដោយដំថ្មហើយគាត់ត្រូវបានប៉ូលីសកំលោះម្នាក់ជួយសង្រ្គោះចេញ
ពីហ្វូងអ្នកតវ៉ាទាំងនោះ។ មន្រ្តីប៉ូលីសព្រួយបារម្ភថាការតវ៉ាបែបនេះគឺជាបញ្ហាមួយដ៏សំខាន់សំរាប់ការប្រកួត
បាល់ទាត់ពិភពលោកនៅឆ្នាំ ២០១៤ខាងមុខនេះ។ ដោយ៖ តុលា