ឧត្តរមានជ័យ ៖ ភ្លៀងធំលាយឡំនឹងខ្យល់កន្ត្រាក់បានវាយប្រហារទៅរលំផ្ទះរបស់ប្រជាពលរដ្ឋចំនួន១០ខ្នង
ខូចខាត និងផ្ទះចំនួន១ខ្នងត្រូវបានខ្ទេចទាំងស្រុង ក្នុងនោះក៏បណ្តាលឱ្យមនុស្ស២នាក់បានរងរបួសស្រាល និងស្ត្រីម្នាក់ទៀតបានរងរបួសដោយបាក់ដៃខាងស្តាំ ព្រមទាំងបានបំផ្លិចបំផ្លាញដំណាំផ្សេងៗអស់ជាច្រើនហិកតា ដែលហេតុការនេះកើតឡើងនៅអំឡុងម៉ោង៤ល្ងាចថ្ងៃទី១២ ខែសីហា ឆ្នាំ២០១៣ នៅចំណុចភូមិពពេល ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ។
ការវាយប្រហារពីខ្យល់កន្ត្រាក់លាយឡំភ្លៀងធំ ធ្វើឱ្យផ្ទះរបស់ប្រជាពលរដ្ឋចំនួន១០ខ្នង បានកួចរបើកដំបូល
ជញ្ជាំង និងបាក់សសរផ្ទះ ព្រមទាំងទ្រព្យសម្បត្តិនៅក្នុងផ្ទះអស់មួយចំនួនន ហើយក្នុងនោះក៏មានផ្ទះរបស់
ប្រជាពលរដ្ឋចំនួន១ខ្នងទៀតបានទទួលរង យ៉ាងដំណំ ដោយត្រូវខ្យល់កួចរំលើងផ្ទះចេញពីជើងសសរចំងាយ
ជាង១០ម៉ែត្រ ហើយបានសង្កត់លើមនុស្សមួយគ្រួសារចំនួន៣នាក់ ម្តាយនឹងកូន ដែលកំពុងជ្រកនៅក្នុងផ្ទះ
បណ្ដាលឲ្យកូនប្រុស២នាក់បានរងរបួសស្រាល និងស្ត្រីមេម៉ាយម្នាក់ឈ្មោះ កែវ អាន អាយុ៥៦ឆ្នាំមានទីលំនៅ
ក្នុងភូមិឃុំកើតហេតុខាងលើបានរបួសធ្ងន់បាក់ដៃ ខាងស្តាំត្រូវបានសមត្ថកិច្ចនគរបាលប៉ុស្តិ៍ឃុំផ្អាវបញ្ជូនទៅ
មន្ទីរពេទ្យបន្ទាប់ពីកើតហេតុភ្លាមៗ។
ដោយឡែក លោក ទ្រី ណារិន អភិបាលខេត្តបន្ទាយមានជ័យ ថ្លែងកាលពីថ្ងៃទី១២ សីហា នៅសាលាខេត្ត ក្នុង
កិច្ចប្រជុំគ្រប់គ្រងគ្រោះមហន្តរាយថា គ្រោះមហន្តរាយដោយជំនន់ទឹកភ្លៀង ក្នុងភូមិសាស្ត្រ និងទឹកធ្លាក់ពី
ប្រទេសថៃ ពីថ្ងៃទី២៧ កក្កដា ដល់ថ្ងៃទី៨ សីហា ២០១៣ ប៉ះពាល់ចំណុចៗ នៃស្រុក/ក្រុង៥ គឺឃុំអូរបីជាន់ ឃុំ
សូភី ស្រុកអូរជ្រៅ ឃុំគោករមៀត ឃុំគំរូស្រុកថ្មពួក សង្កាត់កំពង់ស្វាយ កោះពងសត្វ ភ្នៀត ក្រុងសិរីសោភ័ណ
ឃុំតាផូ ទ្រាស ស្រុកស្វាយចេក សង្កាត់ប៉ោយប៉ែត ក្រុងប៉ោយប៉ែត។ ក្នុងនោះ ប៉ះពាល់ប្រជាជន ២.៥៩០
គ្រួសារ ប្រជាជនរងគ្រោះ និងជម្លៀសទៅកាន់ទួលសុវត្ថិភាព ២៤៦ គ្រួសារ លង់ទឹកស្លាប់ ៧ នាក់ (ចាស់ ៤
ក្មេង ៣) ប៉ះពាល់ស្រូវ ២.៧៩៤ ហិកតា ដំឡូងមី ២៤០ ហេដ្ឋា រចនា សម្ព័ន្ធ ហូរកាត់ផ្លូវជាតិ (៥៦) ១២៥ម៉ែត្រ
ផ្លូវបេតុង ៣.៩១៦ ម៉ែត្រ ផ្លូវលំ ១៧.៥១៣ ម៉ែត្រ ហូរច្រោះដាច់តួផ្លូវ ៤៨១ ម៉ែត្រ និងលិចទីធ្លាសាលារៀន ៥
កន្លែង។
លោក ទ្រី ណារិន រំលឹកដែរថា ៦ ខែដើមឆ្នាំ២០១៣ ទូទាំងខេត្តជួបគ្រោះមហន្តរាយបណ្ដាលពីទឹកជំនន់ ជំងឺ
រាតត្បាតផ្សេងៗជាបន្តបន្ទាប់ និងប៉ះពាល់ជីវិតមនុស្ស សត្វ ដំណាំកសិកម្ម ហេដ្ឋារចនាសម្ព័ន្ធនានាដែលរាំង
ស្ទះដល់ការអភិវឌ្ឍន៍ខេត្ត ក្នុងនោះមានគ្រោះអគ្គិភ័យ ២ ករណី បំផ្លាញតូបលក់ដូរ ១១ គ្រួសារភ្លើងឆេះផ្ទះ ៣
ខ្នង។ ខ្យល់កន្ត្រាក់ ១១ លើកប៉ះពាល់ក្រុងសិរីសោភ័ណស្រុកថ្មពួក ស្វាយចេក មង្គលបូរី ម៉ាឡៃ អូរជ្រៅ និង
ព្រះនេត្រព្រះ (១៨សង្កាត់/ឃុំ) គឺប៉ះផ្ទះ ១.១១៦ ខ្នង បំផ្លាញផ្ទះទាំងស្រុង១៩២ ខ្នង , ប្រជាជនប៉ះពាល់ ១.១២០
គ្រួសារស្មើ ៤.៩៨៨ នាក់ របួសធ្ងន់ ២០ នាក់ , ស្លាប់ ៧ នាក់(រន្ទះបាញ់ ៦ នាក់នៅមង្គលបូរី និងហេតុផ្សេងទៀត
)។ គ្រោះថ្នាក់ចរាចរណ៍ ៥១ លើក ស្លាប់ ២០ នាក់ របួសធ្ងន់ ៤២ នាក់ របួសស្រាល ៣៨ នាក់ ខូចម៉ូតូទាំងស្រុង
២៣ គ្រឿង ខូចរថយន្តតូចធំ ១៣ គ្រឿង និងយានជំនិះផ្សេងៗទៀត ១១ គ្រឿង។
លោកបណ្ឌិតទេសរដ្ឋមន្ត្រី ញឹម វណ្ណដា ទទួលបន្ទុកជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះ
មហន្តរាយបានចុះទៅពិនិត្យស្ថានភាពនៅតំបន់ទឹកជំនន់ និងបានចាត់វិធានការបន្ទាន់ ដើម្បីបញ្ចៀសទឹកកុំ
ឲ្យលិចលង់ភូមិឋានប្រជាពលរដ្ឋ។ លោកបណ្ឌិតបានសម្តែងនូវការសោកស្ដាយព្រមទាំងចូលរួមរំលែកទុក្ខ
និងណែនាំអោយគ្រប់អ្នកពាក់ព័ន្ធឆ្លើយតបទាន់ពេលដល់ពលរដ្ឋ និង បន្តបង្ការទប់ស្កាត់គគ្រោះមហន្តរាយ
នេះ៕
ដោយ៖ ស.ស្អាត