ខេត្តព្រៃវែង ៖ មនុស្សម្នាក់ស្លាប់ និង២នាក់ផ្សេងទៀតរងរបួសធ្ងន់ នៅក្នុងហេតុការណ៍គ្រោះថ្នាក់
ចរាចរណ៍ដ៏គួរឱ្យរន្ធត់មួយ រវាងរថយន្តនិងរថយន្ត ដែលបានកើតឡើងកាលពីវេលាម៉ោង៤និង១០
នាទីទៀបភ្លឺ ថ្ងៃទី២១ ខែមេសា នៅលើកំណាត់ផ្លូវជាតិលេខ៨អា ស្ថិតក្នុងភូមិទានភ្លើង ឃុំស្មោងខាង
ជើង ស្រុកកំចាយមារ ខេត្តព្រៃវែង ។
ជនរងគ្រោះដែលស្លាប់នៅក្នុងហេតុការណ៍នេះ ឈ្មោះ ភៀវ រិទ្ធី ភេទប្រុស អាយុ១៧ឆ្នាំ ត្រូវជាកូន
ប្រុសរបស់លោក ជឹម ភៀវ អធិការរងស្រុកពញាក្រែក និងជាអ្នកបើកបររថយន្តកាមរីឆ្លាម ។
រីឯមនុស្ស២នាក់ ផ្សេងទៀតដែលរងរបួសធ្ងន់គឺលោកអធិការង ជឹម ភៀវ ដែលជិះរថយន្តជាមួយ
កូនមានទីលំនៅក្នុងស្រុកពញាក្រែក និងម្នាក់ទៀតឈ្មោះ ភាព ពិសិដ្ឋ ភេទប្រុស អាយុ២៣ឆ្នាំ
មានទីលំនៅក្នុងខេត្តកំពង់ចាម ជាអ្នកបើកបររថយន្តសាំយ៉ុង ។
ប្រភពព័ត៌មានពីសមត្ថកិច្ចស្រុកកំចាយមានបាន ឱ្យដឹងថា ហេតុការណ៍គ្រោះថ្នាក់ខាងលើនេះពុំមាន
នរណាម្នាក់ឃើញថា បណ្តាលមកពីមូលហេតុអ្វីនោះទេ ព្រោះជាពេលដែលប្រជាជនកំពុងលង់លក់
ក្នុងដំណេក ។ ប៉ុន្តែបើតាមការពិនិត្យនៅកន្លែងកើតហេតុនិងតាមការឱ្យដឹងពីក្រុមគ្រួសាររបស់
លោកអធិការរង ជឹម ភៀវ មុនពេលកើតហេតុលោកអធិការរង និងកូនប្រុសជិះរថយន្តកាមរីឆ្លាមពណ៌
សំបកឪឡឹកពាក់ស្លាកលេខភ្នំពេញ 2M-3706 ចេញពីស្រុក ពញាក្រែក ខេត្តកំពង់ចាម ឆ្ពោះមកកាន់
ស្រុកកំចាយមារ ខេត្តព្រៃវែង ។ ពេលមកដល់ផ្លូវជាតិលេខ៨អា ក្នុងទិសដៅពីកើតទៅលិចក៏ជ្រុលទៅ
បុកជាមួយរថយន្តសាំយ៉ុងពណ៌ខៀវ ពាក់ស្លាកលេខភ្នំពេញ 2N-8537 បើកមកក្នុងទិសដៅបញ្ច្រាសគ្នា
ពេញទំហឹងបណ្តាលឱ្យរថយន្តរួញក្បាលកៀបជាប់អ្នកបើកបរទាំង២នាក់ហើយរថយន្តខ្ទាតថយក្រោយ
ចេញពីគ្នាចម្ងាយប្រមាណ៣០ម៉ែត្រ ដោយរថយន្តសាំយ៉ុងស្ថិតនៅចំកណ្តាលទ្រូងផ្លូវ ឯរថយន្តកាមរី
ឆ្លាមធ្លាក់ទៅចិញ្ចើមផ្លូវ ។
ប្រភពដដែលបានបន្តថា សំឡេងបុកគ្នារវាងរថយន្តទាំង២គឺលាន់ឮដូចរន្ទះ និងធ្វើឱ្យប្រជាពលរដ្ឋនៅជុំ
វិញកន្លែងកើតហេតុ ដែលកំពុងតែលង់លក់ក្នុងដំណេកនោះ ភ្ញាក់ផ្អើលយ៉ាងខ្លាំងហើយក៏នាំគ្នារត់ចេញ
មកមើលយ៉ាងកកកុញ ។ មួយសន្ទុះក្រោយមកសមត្ថកិច្ចទៅដល់ ហើយនាំគ្នាជួយគាស់ទ្វាររថយន្ត
ជាង២ម៉ោង ទើបយកជនរងគ្រោះចេញមកបាន ប៉ុន្តែជាអកុសលយុវជនភៀវ រិទ្ធីបានស្លាប់បាត់បង់ជី
វិតទៅហើយ ។
ក្រោយពីគាស់យកអ្នករងគ្រោះចេញពីក្នុងរថយន្ត បានភ្លាម លោកអធិការរង ជឹម ភៀវ ត្រូវបញ្ជូនតាម
រថយន្តទៅកាន់មន្ទីរពេទ្យភូមិភាគខេត្តកំពង់ចាម រីឯជនរងគ្រោះ ភាព ពិសិដ្ឋ ត្រូវនាំយកទៅសង្គ្រោះនៅ
មន្ទីរពេទ្យផ្សេង ។ ដោយឡែករថយន្តទាំង២ត្រូវយកទៅរក្សាទុកនៅអធិការដ្ឋាននគរបាល ស្រុកកំចាយ
មារ រង់ចាំការដោះស្រាយនៅពេលក្រោយ ៕
ប្រភព៖កៅះសន្តិភាព