ភ្នំពេញ៖ អគ្គលេខាធិការរងរដ្ឋាភិបាលក្រុង គីង ហ្សូ (Qing zho ) នៃតំបន់ស្វយ័តក្វាងស៊ី ប្រទេសចិន នាព្រឹក
ថ្ងៃទី៩ ខែសីហា ឆ្នាំ២០១៣នេះបានដឹកនាំគណៈប្រតិភូចូលជួបសម្តែងការគួរសម ជាមួយ លោក ប៉ា សុជាតិ
វង្ស អភិបាល រាជធានីភ្នំពេញបំណងរឹតចំណងមេត្រីភាព និងពង្រឹកកិច្ចសហប្រតិបតិ្តការរវាង ប្រជាជន និង
ប្រទេសទាំងពីរចិន-កម្ពុជា។
លោក ហ្វ័ង យី ( HAUNG YI ) អគ្គលេខាធិការរងរដ្ឋាភិបាលក្រុង គីង ហ្សូក្នុងជំនួបសម្តែងការគួរសមនោះ បាន
ជម្រាបជូនអំពីបំណងនៃដំណើរទស្សនកិច្ចរបស់លោក និង គណៈប្រតិភូមកព្រះរាជាណាចក្រកម្ពុជា ពិសេស
រាជធានីភ្នំពេញនិងខេត្តព្រះសីហនុគឺដើម្បីស្វែងយល់និងពិនិត្យអំពីលទ្ធភាពបន្ថែមសម្រាប់ការភ្ជាប់ទំនាក់
ទំនងមេត្រីភាព ក្នុងការចងសម្ព័ន្ធភាពជាមួយក្រុង គីង ហ្សូ នៃតំបន់ស្វយ័តក្វាងស៊ី ប្រទេសចិន។ លោក អគ្គ
លេខាធិការរង ក៏បានអញ្ជើញ លោក ប៉ា សុជាតិវង្សនិងគណៈប្រតិភូរាជធានីភ្នំពេញ ទៅចូលរួមក្នុងពិធី
ពិព័រណ៍អាស៊ាន-ចិន នាខែកញ្ញាខាងមុខនេះ។
ជាការឆ្លើយតបលោក ប៉ា សុជាតិវង្ស អភិបាលរាជធានីភ្នំពេញបានទទួលយកនូវសំណើនេះ ហើយសន្យា
ថានឹងចាត់តាំងប្រតិភូសាលារាជធានីភ្នំពេញមួយក្រុម ដើម្បីទៅចូលរួមក្នុងពិព័រណ៍អាស៊ាន-ចិនដែលនឹង
ប្រារព្ធនាខែកញ្ញាខាងមុខនេះតាមការអញ្ជើញ ។ លោកបញ្ជាក់ថា ក្រោយពីបំពេញទស្សនកិច្ចក្នុងពិធីពិព័រណ៍
ប្រតិភូរបស់សាលារាជធានីភ្នំពេញនិងបន្តទស្សនកិច្ចទៅកាន់ខេត្ត-ក្រុងមួយចំនួនរបស់ប្រទេសចិនដែលបាន
ចងសម្ព័ន្ធភាព និងគ្នាកន្លងមក។ លោក អភិបាលក៏បានជម្រាបគណៈប្រតិភូចិន អំពីវិសាលភាពនៃសក្កដានុ
ពលរបស់រាជធានីភ្នំពេញ ដែលជាបេះដូងតែមួយគតរបស់ព្រះរាជាណាចក្រកម្ពុជា ដែល បានស្រូបយកអ្នក
ទេសចរណ៍ជាតិ និងអន្តរជាតិឲ្យមកទស្សនាបានរាប់លាននាក់ក្នុងមួយឆ្នាំៗ ពិសេសគឺជាមជ្ឈមណ្ឌល សេដ្ឋ
កិច្ច ពាណិជ្ជកម្ម និងនយោបាយ ដ៏សំខាន់របស់ប្រទេស។
សូមបញ្ជាក់ថា ជំនួបរវាង HAUNG YI អគ្គលេខាធិការរងរដ្ឋបាលក្រុងគីង ហ្សូ នៃតំបន់ ស្វាយ័តក្វាងស៊ី
ប្រទេសចិន និងលោក ប៉ា សុជាតិវង្សអភិបាលរាជធានីភ្នំពេញ នាព្រឹកមិញនេះ គឺជាការពង្រឹងនៃចំណងកិច្ច
សហប្រតិបត្តិការ រវាង កម្ពុជា-ចិន ឲ្យកាន់តែមានភាពស្អិតរមួត ព្រមទាំងបន្តពិនិត្យមើលអំពីលទ្ធភាពរបស់
ខេត្ត-ក្រុងណាបន្ថែមដែលមិនទាន់ចងសម្ព័ន្ធភាពជាមួយរាជធានីភ្នំពេញ ដើម្បីចងសម្ព័ន្ធភាព និងគ្នាឲ្យបាន
កាន់តែច្រើនថែមទៀត ៕
ដោយ៖ស.ស្អាត