ឧត្តរមានជ័យ៖ យ៉ាងហោចណាស់មនុស្ស៣នាក់ដែលជាឪពុកនិងកូនប្រុសស្រីបានស្លាប់បាត់បង់ជីវិតភ្លាមៗ
នៅនឹងកន្លែងរួមទាំងសត្វក្របីមួយក្បាល ខណៈដែលពួកគាត់បានចូលទៅអារឈើកាប់ឈើក្នុងព្រៃដើម្បីយក
មកធ្វើផ្ទះ ដោយបររទេះដឹកឈើជាន់ចំមីនតោនដែលនៅសេសសល់ពីសម័យសង្គ្រាមកប់ទុកក្នុងដីជាយូរឆ្នាំ
មកហើយនោះបណ្តាលឲ្យផ្ទុះឡើងកក្រើកដីតែម្តង។
ហេតុការណ៍នេះបានកើតឡើងវេលាម៉ោងជាង ១រសៀលថ្ងៃទី៣០ ខែកក្កដាឆ្នាំ២០១៣នៅក្នុងព្រៃចំងាយមួយ
គីឡូម៉ែត្រពីចំណុចខាងត្បូងទួលកៅបីនៃបន្ទាយយោធាខ្មែរក្រហមចាស់ ក្នុងភូមិទំនប់អភិវឌ្ឍន៍ ឃុំអូស្វាយ
ស្រុកត្រពាំងប្រាសាទ ខេត្តឧត្តរមានជ័យ។
តាមរបាយការណ៍ពីលោក កែវ តាន់ អធិការនគរបាលស្រុកត្រពាំងប្រាសាទបានអោយដឹងថាប្រជាពលរដ្ឋខ្មែរ
ដែលបាត់បង់ជីវិតទាំងមួយគ្រួសារបីនាក់ឪពុកនឹងកូនមានឈ្មោះ អែល បុល ភេទប្រុស អាយុ៤៥ឆ្នាំ ជាឪពុក
និងកូនពីរនាក់ឈ្មោះទី១.ប៉ែន ប្លយ ភេទប្រុស អាយុ១៣ឆ្នាំ និងទី២ឈ្មោះ ប៉ែន ម៉ី ភេទស្រី អាយុ១២ឆ្នាំ អ្នក
ទាំងបីនាក់រស់នៅភូមិឃុំខាងលើ។សាកសពទាំងបីនាក់នេះត្រូវអំបែងគ្រាប់សុះសាច់ និងដាច់ដៃដាច់ជើងជា
ច្រើនបំណែក ។
លោកអធិការបានបន្តថាយោងតាមការអះអាងពីប្រជាពលរដ្ឋបានអោយដឹងថាដំបូងគ្រួសារជនរងគ្រោះបីនាក់
ឪពុកនឹងកូនបាននាំគ្នាចេញទៅអារឈើកាប់ឈើក្នុងព្រៃដើម្បីយកមកធ្វើផ្ទះពេលអារឈើបានហើយ ក៏លើក
ឈើដាក់លើរទេះក្របីដឹកយកមកផ្ទះហើយនៅពេលបររទេះដល់ផ្លូវចាស់ដូចសព្វដងបានចំងាយប្រហែល១៥
ម៉ែត្រពីទីតាំងអារឈើដោយកង់រទេះនោះបានជាន់ប៉ះទៅលើមីនតោនដែលគេកប់ទុកក្នុងដីជាយូរឆ្នាំតាំងពី
សម័យសង្គ្រាមនៅត្រង់ផ្លូវចាស់ហើយដោយសារមានភ្លៀងខ្លាំងធ្វើអោយដីសើមជ្រាយទើបកងរទេះស្រុតចំមី
តោនផ្ទុះឡើងតែម្តងបណ្ដាលអោយស្លាប់ទាំងបីនាក់ឪពុកនឹងកូននៅនិងកន្លែងកើតហេតុតែម្តងរីឯរទេះឈើ
ត្រូវខ្ទេចទាំងស្រុងនៅសល់តែកង់ខ្ទាតប៉ើងទៅក្នុងព្រៃនិងក្របីមួយក្បាលបានស្លាប់រីឯក្របីមួយក្បាលទៀត
ត្រូវរបួសបានរត់បាត់។
ក្រោយពេលកើតហេតុ អាជ្ញាធរមានសមត្ថកិច្ចបានចុះទៅពិនិត្យ នៅកន្លែងកើតហេតុភ្លាមៗនិងបានបញ្ជាក់ថា
ជនរងគ្រោះ៣នាក់ឪពុកនិងកូនរួមទាំងក្របីមួយក្បាលពិតជាបានស្លាប់ដោយសារផ្ទុះមីនតោនដែលកប់ក្នុងដី
សល់ពីសម័យសង្រ្គាម ។ ក្រោយពីពិនិត្យរួចសមត្ថកិច្ចបានឲ្យគ្រួសារសព និងអ្នកភូមិយកសពទៅធ្វើបុណ្យ
តាមប្រពៃណី៕
ដោយ៖ ស្រីផល