តាមការអញ្ជើញរបស់គណៈកម្មាធិការជាតិរៀបចំការបោះឆ្នោតរបស់កម្ពុជា គណៈប្រតិភូចម្រុះមួយជាតំណាង
នៃសន្និសីទអន្តរជាតិរបស់គណបក្សនយោបាយនៅអាស៊ី (ICAPP) និងចលនាអ្នកប្រជាធិបតេយ្យកណ្តាល
អន្តរជាតិអាស៊ីបាស៊ីហ្វិក(CAPDI) ដែលបានដឹកនាំដោយស្ថានិកស្ថាប័ននេះគឺ ៖ ឯកឧត្តម Jose de Venecia
ដែលជាអតីតប្រធានរដ្ឋសភាហ្វីលីពីន និងប្រធានស្ថាប័ន CAPDIគឺឯកឧត្តម Jusuf Kallaដែលជាអតីតអនុ
ប្រធានាធិបតីឥណ្ឌូនេស៊ី បានអញ្ជើញមកដល់ប្រទេសកម្ពុជា ក្នុងគោលបំណងសង្កេតការណ៍បោះឆ្នោត និង
ត្រួតពិនិត្យដំណើរការបោះឆ្នោតតាមបែបលទ្ធិប្រជាធិបតេយ្យ។
អំឡុងពេលស្នាក់នៅប្រទេសកម្ពុជា គណៈប្រតិភូបានជួបថ្នាក់ដឹកនាំគណបក្សនយោបាយធំៗទាំងបី រួមមាន
គណបក្សប្រជាជនកម្ពុជា គណបក្សសង្គ្រោះជាតិ និងគណបក្សហ្វុនស៊ីនប៉ិច។ គណៈប្រតិភូក៏បានទទួល
ពត៌មានពិស្តារ ពីគណៈកម្មាធិការជាតិរៀបចំការបោះឆ្នោត ស្តីពីការងារ អំណាច និងតួនាទីរបស់ខ្លួន ព្រមទាំង
អំពីរបៀបរៀបចំការបោះឆ្នោត ឱ្យបានល្អបំផុត។
នៅថ្ងៃបោះឆ្នោត គណៈប្រតិភូបានទស្សនាមណ្ឌលបោះឆ្នោតលើសពី ១២ កន្លែង ដែលដំណើរទស្សនកិច្ចខ្លះ
ត្រូវបានរៀបចំទុកជាមុន និងខ្លះទៀតធ្វើដោយឥតព្រៀងទុក នៅក្នុងក្រុងភ្នំពេញ និងតាមបណ្តាខេត្តនៅជាយ
ក្រុង ទាំងមុន និងអំឡុងពេលដំណើរបោះឆ្នោត ក៏ដូចជាការពិនិត្យមើលការរាប់សន្លឹកឆ្នោត បន្ទាប់ពីការបញ្ចប់
ការបោះឆ្នោត។
ស្ថាប័ន ICAPP និងCAPDIចាត់ទុកការបោះឆ្នោតនៅកម្ពុជា ថាជាជ័យជំនះនៃឆន្ទៈរបស់ប្រជាពលរដ្ឋ និងជា
ជ័យជំនះរបស់ប្រជាជនកម្ពុជា ក្នុងការស្វែងរកនូវការកសាងអនាគតរបស់ពួកគេ ឱ្យកាន់តែល្អប្រសើរឡើង
ដោយផ្អែកទៅលើឧត្តមភាព និងភាពមិនអាចរំលោភបាន នៃសន្លឹកឆ្នោត។ ការបោះឆ្នោតនោះគឺសេរី យុត្តិធម៌
និងមានតម្លាភាព ហើយជាពិសេស បានប្រព្រឹត្តទៅដោយសុខសន្តិភាព គ្មានអំពើហិង្សា និងដោយរលូន ដែល
ជាសក្ខីកម្មចំពោះការពិតថា ប្រជាធិបតេយ្យកម្ពុជាមិនត្រឹមតែមានភាពចាស់ទុំប៉ុណ្ណោះទេ ក៏ប៉ុន្តែនយោបាយ
ក៏មានភាពចាស់ទុំផងដែរ។ យើងសូមសំដែងនូវការអបអរសាទរអស់ពីដួងចិត្ត ចំពោះប្រជាជន គណបក្ស
នយោបាយទាំងឡាយ មេដឹកនាំ សារព័ត៌មាន សង្គមស៊ីវិល និងគ.ជ.ប របស់កម្ពុជា ចំពោះជោគជ័យ និងការ
ប្រព្រឹត្តទៅដោយមានសណ្តាប់ធ្នាប់ នៃការបោះឆ្នោតជាសាកលនេះ។
គឺជាការបោះឆ្នោតមួយដោយគ្មានអ្នកឈ្នះ និងគ្មានអ្នកចាញ់ ក៏ប៉ុន្តែគឺជាជ័យជំនះនៃប្រជាធិបតេយ្យ ប្រកប
ដោយការសាទរ ការសប្បាយរីករាយ ការចូលរួមយ៉ាងសកម្ម និងការរំភើបរីករាយរបស់ប្រជាជន ជាពិសេស
យុវវ័យ ដែលបានបង្ហាញថា លទ្ធិប្រជាធិបតេយ្យ ជាការពិត គឺជាជោគវាសនារបស់ប្រទេសកម្ពុជា។
ក្នុងស្មារតីនេះ យើងសូមស្វាគមន៍ចំពោះការអំពាវនាវប្រកបកដោយស្មារតីស្នេហាជាតិ របស់មេដឹកនាំគណ
បក្សសង្គ្រោះជាតិ គឺឯកឧត្តម សម រង្ស៊ី ដើម្បី «សន្តិភាព និងការបង្រួបបង្រួម» ហើយគិតថា ពេលនេះជាពេល
វេលាដ៏ត្រឹមត្រូវ និងចាំបាច់បំផុត។ ស្ថាប័នICAPP និងCAPDIដែលតំណាងឲ្យគណបក្សនយោបាយចំនួនជាង
៣៤០ មកពីតំបន់អាស៊ី និងសង្គមស៊ីវិល ហើយនឹងមេដឹកនាំជាច្រើនផ្សេងៗទៀតរបស់ពិភពលោក សូមជំរុញ
ឲ្យគណបក្សនយោបាយរបស់កម្ពុជាទាំងអស់ គោរពតាមអាណត្តិរបស់ខ្លួន ដែលត្រូវបានផ្តល់ឲ្យដោយប្រជា
ជនកម្ពុជា ហើយសូមក្រោកឡើងឲ្យទាន់ឱកាស និងសូមបំពេញនូវសេចក្តីសង្ឃឹមរបស់អ្នកបោះឆ្នោត ដោយ
ផ្តល់ដល់កម្ពុជានូវការផ្សះផ្សារមួយ ប្រហែលជាតាមរយៈ រដ្ឋកិច្ចសមេកភាពមួយដែលជាស្ថានភាពឈ្នះ-ឈ្នះ
សំរាប់ប្រជាជនកម្ពុជាទាំងអស់គ្នា។
កម្ពុជាទទួលបាននូវមរតកអរិយធម៌ដ៏រុងរឿងមួយ ហើយប្រវត្តិសាស្ត្ររបស់ខ្លួនបានជួបប្រទះនូវអតីតកាល
មួយ មិនទៀងទាត់ និងលំបាកវេទនា ដែលប្រជាជនកម្ពុជាបានសំរេចចិត្តទប់ស្កាត់មិនឲ្យកើតមានម្តងទៀត
បានឡើយ។ អនាគតនៃកម្ពុជានឹងបានប្រសើរឡើង ដោយសារ ដំណើរការបង្រួបបង្រួមបែបនេះ ដរាបណា
មានការលើកកម្ពស់ការអត់ឱន ភាពសុខដុមរមនា វឌ្ឍនភាព និងសន្តិសហវិជ្ជមាន។ ស្ថាប័នICAPP និងCAPDI
មានឆន្ទៈយ៉ាងខ្លាំងដើម្បីគាំទ្រដំណើរការជំរុញឲ្យមានសន្តិភាព ការផ្សះផ្សារជាតិ និងលទ្ធិប្រជាធិបតេយ្យ
បង្រួបបង្រួម នៅក្នុងប្រទេសកម្ពុជា៕
ដោយៈស.ស្អាត