ភ្នំពេញៈ យោងតាមសេចក្តីប្រកាសរួមរវាងក្រសួងសុខាភិបាលកម្ពុជា ដែលបានចុះកាលពីថ្ងៃទី ០៤ ខែកុម្ភៈឲ្យដឹងថាករណីទី១ក្នុងឆ្នាំនេះបានកើតលើកុមារាអាយុ៥ឆ្នាំមានទីលំនៅក្នុងភូមិចុងដា ឃុំត្បូងក្រពើ ស្រុកសន្ទុកខេត្តកំពង់ធំ ដោយត្រូវបានបញ្ជាក់ពីវិទ្យាស្ថានប៉ាស្ទ័រ កម្ពុជានៅថ្ងៃទី១ ខែកុម្ភៈ ឆ្នាំ ២០១៤ ថា មានជំងឺផ្តាសាយបក្សី H5N1។ កុមារានេះចាប់ផ្តើមឈឺក្បាល និងមានគ្រុនក្តៅនៅថ្ងៃទី ២៤ ខែមករា ឆ្នាំ ២០១៤ ហើយឪពុកម្តាយស្វែងរកការព្យា បាលនៅគ្លីនិកឯកជនមួយនៅថ្ងៃទី ២៧ ខែមករាដោយមានគ្រុនក្តៅខ្លាំង និងក្អក។
ដោយសារស្ថានភាពសុខភាពរបស់កុមារាកាន់តែធ្ងន់ធ្ងរ កុមារានេះ ត្រូវបានបញ្ជូនទៅមន្ទីរពេទ្យជ័យវរ្ម័នទី៧ ខេត្ត សៀមរាប និងបានដាក់ឲ្យសម្រាកពេទ្យនៅថ្ងៃទី ៣០ ខែមករា ឆ្នាំ ២០១៤ ដោយបានទទួលការព្យាបាលដោយ ឱសថ Tamiflu នៅថ្ងៃទី ៣១ ខែមករា។ បច្ចុប្បន្នករណីទី១ នេះស្ថិតក្នុងស្ថានភាពហ្នឹងន ។
សេចក្តីប្រកាសរួមដដែលបានបន្តថា ការអង្កេតស្រាវជ្រាវដោយក្រុមឆ្លើយតបបន្ទាន់របស់ ក្រសួងសុខាភិបាល និងក្រុមការងារសុខភាពសត្វនៃក្រសួងកសិកម្ម រុក្ខាប្រមាញ់ និងនេសាទ រកឃើញថា មានមាន់ងាប់ ភ្លាមៗចំនួន ២០០ ក្បាលនៅពាក់កណ្តាលខែមករា។ ឪពុកម្តាយ និងសាច់ញាតិកុមារាបានយកមាន់ងាប់មកធ្វើម្ហូប ខណៈពេលធ្វើកុមារនៅជិតនោះដែរ។
ការអង្កេតស្រាវជ្រាវដោយក្រុមឆ្លើយតបបន្ទាន់របស់ក្រសួងសុខាភិបាល និងក្រុមការងារសុខភាពសត្វនៃក្រសួងកសិកម្ម រុក្ខាប្រមាញ់ និងនេសាទបានធ្វើការ និង សហការជាមួយគ្នាយ៉ាង ជិតស្និទ្ធនៅភូមិ ដើម្បីអង្កេតនិងអនុវត្តន៍វិធានការត្រួតពិនិត្យនិងបានព្យាយាមបញ្ជាក់ថាករណីប៉ះពាល់ជិតស្និទ្ធជាមួយអ្នកជំងឺ និងភាពដែលអាចមានទំនាក់ទំនងគ្នាផ្នែកអេពីដេមីសាស្រ្ត ក្នុងចំណោមករណី និងចាប់ផ្តើមផ្តល់ឱសថបង្ការដែលចាំបាច់ហើយក្រុមការងារសុខ ភាពសត្វ បាន និងកំពុងអង្កេតករណីស្លាប់របស់មាន់ទានៅក្នុងភូមិ ។ករណីផ្តាសាយចំនួន១ រណីថ្មីត្រូវបានអះអាងបញ្ជាក់ថា វិជ្ជា មាន រីរុសផ្តា សាយ បក្សី H5N1 ដែល ជាករណី ដំបូង ក្នុង ឆ្នាំនេះ និង ជាករណីទី៤៨ នៃការ ឆ្លងវីរុស ផ្តា សាយបក្សីនេះ ដែល ៣៦ ករណីកើតលើកុមារអាយុក្រោម ១៤ ឆ្នាំ និង ២៧ ករណីក្នុងចំណោមករណីផ្តាសាយបក្សីទាំង ៤៨ ជានារី ។
លោក ម៉ម ប៊ុនហេង រដ្ឋមន្រ្តីក្រសួងសុខាភិបាលមានប្រសាសន៍ថា «ជំងឺផ្តាសាយ បក្សី H5N1នៅតែបន្តគំរាមកំហែងដល់សុខភាពប្រជាពលរដ្ឋកម្ពុជា និងកើតមានច្រើនលើកុមារ ដែលជាអ្នកមានភាពងាយរងគ្រោះច្រើននិងមានហានិភ័យខ្ពស់ ហើយនេះជាផ្តាសាយបក្សីទី៤៨ ដែលកើតមានលើមនុស្សចាប់តាំងពីឆ្នាំ ២០០៥ មក ។
ជានិច្ចកាលកុមារតែងតែជាអ្នកមើលថែទាំ និងឲ្យចំណីបសុបក្សីក្នុងស្រុកបោសសម្អាតទ្រុង និងប្រមូលស៊ុតមាន់ទា ជាងនេះទៅទៀត កុមារអាចប៉ះពាល់ជិតស្និទ្ធជាបសុបក្សី ដោយសារពួកគេចាត់ទុកថា វាជាសត្វ ដែលចិញ្ចឹមលេង និងមានភាពងាយរងគ្រោះច្រើន និងមានហានិភ័យខ្ពស់ ពីព្រោះពួកគេចូល ចិត្តលេងកន្លែង ដែលមានបសុបក្សី ។រដ្ឋមន្រ្តីក្រសួងសុខាភិបាលមានអំពាវនាវ និងក្រើនរំលឹកឪពុកម្តាយ និងអ្នកថែទាំកុមារទាំងអស់ ត្រូវដាក់កុមារនៅឲ្យឆ្ងាយពីសត្វបក្សីឈឺឬ ងាប់ និងព្យាយាមឲ្យកុមារលេងឲ្យឆ្ងាយពីមាន់ និងទា ។
ឪពុកម្តាយ និងអ្នកថែទាំងកុមារទាំងអស់ត្រូវប្រាកដថា កុមារលាងដៃជាមួយ សាប៊ូនឹងទឹកមុនពេលបរិភោគនិង បន្ទាប់ពីបានប៉ះពាល់ជាមួយបសុបក្សី ដៃអាចប្រឡាក់ដោយវីរុសដែលវិរុសនេះមិនអាចមើលឃើញដោយ ភ្នែកទទេដឹងទេ។សាប៊ូលាងសម្អាតវិរុសដែលជាប់នៅដៃ ។ប្រសិនបើពួកគេមានដង្ហើមញាប់ ឬពិបាកដកដង្ហើមត្រូវនាំកុមារទៅការព្យាបាល ជាបន្ទាន់នៅគ្រឹះស្ថានសុខាភិបាលដែល នៅជិតផ្ទះរបស់លោកអ្នកបំផុត ហើយត្រូវប្រាប់មន្រ្តីសុខាភិបាលអំពីប្រវត្តិ ប៉ះពាល់ជា មួយ សត្វបក្សីឈឺឬងាប់៕ ដោយ ៖ ភីន រ៉ា