ភ្នំពេញៈកូនប្រុសច្បងរបស់សម្តេចតេជោហ៊ុនសែននាយករដ្ឋមន្រ្តីព្រះរាជាណាចក្រកម្ពុជាលោកបណ្ឌិតហ៊ុន
ម៉ាណែតបានលើកឡើងថាប្រទេសជាតិមួយអាចរីកចំរើនទៅបានគឺអាស្រ័យលើធនធានមនុស្សនៃប្រទេស
នោះមានសមត្ថភាពខ្លាំងក្លា។

ប្រធានគណៈកម្មាធិការអាហារូបករណ៍សិស្ស-និស្សិតសម្តេចតេជោលោកបណ្ឌិតហ៊ុនម៉ាណែតបានថ្លែងថា
ខណៈដែលលោកបានជួបសំណេះសំ​ណាលជាមួយនិស្សិតប្រមាណ៨០០នាក់   នៅសាកលវិទ្យាល័យឯក
ទេសនៃកម្ពុជា (CUS)  កាលពីព្រឹកថ្ងៃចន្ទទី១១ខែមិថុនានេះបង្ហាញថា ប្រទេសដែលមានធនធានធម្មជាតិ
ច្រើនតែខ្វះធនធានមនុស្សខ្វះធនធានដឹកនាំល្អនាំឱ្យប្រទេសនោះក្រីក្រនិងមានបញ្ហាប្រឈមយ៉ាងច្រើន។

ផ្ទុយទៅវិញប្រទេសដែលមានធនធានមនុស្សខ្លាំងតែមានធនធានធម្មជាតិតិចតួចដូចជាកូរ៉េសាំងហ្គាពួរជប៉ុន
នៅក្នុងអាស៊ីយើងនេះបានក្លាយជាប្រទេសរីកចម្រើនមហាអំណាចនិងមានសក្តានុពលខ្លាំងក្នុងតំបន់ និងលើ
ពិភពលោក  ។

លោកបណ្ឌិតបញ្ជាក់បច្ចុប្បន្នធនធានមនុស្ស រាប់តាំងពីថ្នាក់បឋមរហូតដល់កម្រិតឧត្តមប្រទេសកម្ពុជាមាន
ប្រមាណ៣,៥លាននាក់នៅក្នុងចំណោមប្រជាជនសរុប១៤,៥លាននាក់ក្នុងនោះមាន១៨ម៉ឺននាក់កំពុងសិក្សា
នៅកម្រិតឧត្តមដែលមានប្រមាណ១១៦សាកលវិទ្យាល័យនៅទូទាំងប្រទេសកម្ពុជា។

លោកបានជំរុញឲ្យសិស្ស-និស្សិតទាំងអស់យកចិត្តទុកដាក់កសាងសមត្ថិភាពរបស់ដើម្បីចាប់យកឱកាស
ការងារជួយខ្លួនឯងគ្រួសារនិងប្រទេសជាតិ  ឱ្យកាន់តែមានភាពរីកចំរើនជានិរន្ត៕ ដោយ៖ ស្រីផល