ភ្នំពេញៈ សមត្ថកិច្ចកម្លាំងកងរាជអាវុធបានចុះបង្រ្កាបជនសង្ស័យ៥នាក់រួមនឹងថ្នាំញៀន២កញ្ចប់ ចុះបង្ក្រាបបាននៅក្នុងផ្ទះសំណាក់យីហោរ៉ូហ្សាណាបន្ទប់លេខ ០៤និងលេខ០៨ ដែលមានទីតាំងផ្ទះលេខ ១៣០ ផ្លូវលេខ១៩២ សង្កាត់ទឹកល្អក់៣ ខណ្ឌទួលគោកកាលពីវេលាម៉ោង២និង ៣០នាទីរសៀលថ្ងៃទី៧ ខែមីនា ឆ្នាំ២០១៤។
សមត្ថកិច្ចបានឱ្យដឹងថា ពេលសមត្ថកិច្ចចុះបង្ក្រាប គឺម្ចាស់ផ្ទះសំណាក់រ៉ូហ្សា ណាមានការជជែកជាមួយសមត្ថកិច្ចក្នុងបំណងរារាំងមិនចង់ឱ្យចូលឆែកឆេរ ដើម្បីបង្ក្រាបជនសង្ស័យដែលគេសង្ស័យថា ម្ចាស់ទីតាំងខាងលើមានហាក់ដូចជា ផ្ដល់ទីតាំងឱ្យជនសង្ស័យប្រព្រឹត្ដបទល្មើស ខាងលើ។ ប៉ុន្ដែទោះជាយ៉ាងបែបនេះក្តី សមត្ថកិច្ចនៅតែព្យាយាមចូលឆែកឆេរ ទាល់តែបានរហូតឈានទៅដល់ឃាត់ខ្លួនបាន។
ជនសង្ស័យប្រើប្រាស់ថ្នាំញៀនចំនួន ៥នាក់ ដែលកងរាជអាវុធហត្ថខណ្ឌទួលគោកចាប់ឃាត់នោះមានទី១-ឈ្មោះ វ៉ាន់ ម៉ាប់ ភេទប្រុស អាយុ២១ឆ្នាំ ទី២-ឈ្មោះ គង់ សុភ័ណ្ឌ ភេទប្រុស អាយុ២០ឆ្នាំ ទី៣-ឈ្មោះ យ៉ា ត្រេន ភេទប្រុស អាយុ១៨ឆ្នាំ ទី៤-ឈ្មោះ ម៉ាត់ ប៉ៅស៊ី ភេទប្រុស អាយុ២០ឆ្នាំ និង ទី៥-ឈ្មោះ ហេង ដី ភេទប្រុស អាយុ២០ ឆ្នាំ រួមនឹងវត្ថុតាងថ្នាំញៀនចំនួន២កញ្ចប់ នាំទៅសាកសួរនៅបញ្ជាការដ្ឋានកងរាជ អាវុធហត្ថខណ្ឌទួលគោកដើម្បីចាត់បន្ដ។
កន្លងមក ទីតាំងផ្ទះ សំណាក់រ៉ូហ្សាណាគឺសមត្ថកិច្ចធ្លាប់បានចុះបង្ក្រាបនិងឃាត់ខ្លួនជនសង្ស័យដែលចូលពួនសំងំដើម្បីសេពគ្រឿងញៀនម្ដង ជាពីដងហើយតែផ្ទះសំណាក់មួយនេះនៅ តែអាចដំណើរការអាជីវកម្មរបស់ខ្លួន បានយ៉ាងរលូនដដែល ។ ករណីនេះគេមិន ដឹងថា រវាងម្ចាស់ផ្ទះសំណាក់ រ៉ូហ្សាណា និងអាជ្ញាធរសមត្ថកិច្ចនិយាយត្រូវរ៉ូវគ្នាយ៉ាងម៉េចនោះទេ ៕
ដោយៈភីនរ៉ា