សៀមរាប : វិទ្យាស្ថានជំនាញ គណនេយ្យ ជាគ្រឹស្ថានសិក្សាឯកជន បានប្រគល់លិខិត​សរសើរ ជូនដល់សិស្ស
-និស្សិតឆ្នើម ចំនួន ៨០រូប និង ប្រគល់ផ្តល់ វិញ្ញាបនបត្រ ដល់សិស្ស-និស្សិតចំនួន ១២០ រូប ដែលបានបញ្ចាប់
ការសិក្សាផផ្នែកគណនេយ្យនៅក្នុងវិទ្យាស្ថាន​របស់​ខ្លួន​ នារសៀលថ្ងៃទី០៨ ខែមិថុនា ឆ្នាំ២០១៣ ។

លោក ហួត សូនី ប្រធានគណគ្រប់គ្រង និងជានាយកវិទ្យាស្ថានជំនាញ គណនេយ្យ បានបង្ហាញឲ្យដឹងថាវិទ្យា
ស្ថានជំនាញគណនេយ្យ បានបង្កើតឡើងនាដើមឆ្នាំ២០១២ នៅ ក្រុងសៀមរាបបានទទួលសិស្សចុះឈ្មោះចូល
រៀនសរុប ៣,១៩៤ នាក់ ក្នុងនេះមាននារីចំនួន ១,៦៦១នាក់   នៅក្នុងចំនួននេះ សិស្ស និស្សិត ដែលបានបញ្ចប់
ការសិក្សា មានចំនួន ១,៦៤២​នាក់ ក្នុងនេះមាននារីចំនួន ១,១៥៥នាក់ ។ បច្ចុប្បន្ននេះ មានសិស្សនិស្សិតដែល
កំពុងទទួល យកការសិក្សាពីវិទ្យាស្ថានជំនាញ គណនេយ្យមានចំនួន៩៦០នាក់ ។

លោកនាយក បានបញ្ជាក់ឲ្យដឹងដែរថា ឆ្នាំសិក្សា ២០១៣-២០១៤នេះ បានពង្រីកការបណ្តុះបណ្តាល របស់ខ្លួន
បានដល់កម្រិត បរិញ្ញាបត្រ បរិញ្ញាបត្ររង និងជំនាញឯកទេស​ជាន់ខ្ពស់ជាច្រើនទៀត ដូចជាជំនាញ គ្រប់ គ្រង
ពាណិជ្ជកម្ម  វិទ្យាសាស្រ្ត និងបច្ចេកវិទ្យា​ព័ត៌មាន អក្សរសាស្រ្តអង់គ្លេស ទេសចរណ៍ និងបដិសណ្ឋារកិច្ច ។

ប្រធានមន្ទីរអប់រំយុវជន និងកីឡាខេត្តសៀមរាបលោក អ៊ុង សិរីឌី បានលើកឡើងថា កម្ពុជាពិតជាមាន វាសនា
ខ្ពង់ខ្ពស់ខ្លាំងណាស់ ដោយមានឱកាសបានធ្វើដំណើរ​ចាក​ចេញពីឆ្នាំសូន្យ ។ដោយសារតែមាន៧មករា ១៩៧៩
គឺជាថ្ងៃដែល គណបក្ស​ប្រជាជន​កម្ពុជានាំមកនូវជីវិតថ្មី ជូនមាតុភូមិ និងប្រជាជាតិកម្ពុជា ។      ដោយឡែកការ
ធ្វើដំណើរ នៃវិស័យ អប់រំសិក្សាធិការជាតិ ត្រូវបានចាប់ផ្តើម ចេញពីសកម្មភាពអ្នកចេះច្រើនបង្រៀនអ្នកចេះ
តិចអ្នកចេះតិចបង្រៀនអ្នកមិនចេះ ហើយសកម្មភាពទាំងនេះត្រូវបានធ្វើឡើង នៅក្រោមម្លប់ឈើ និងឈាន
រហូតដល់កម្ពុជាមានការងារអភិវឌ្ឍន៍វិស័យអប់រំគួរឲ្យមោទនៈនិងធ្វើដំណើរលើ​គោលការណ៍សាលាស្វែង​រកសិស្ស មិនមែនសិស្សដើររកសាលារៀននោះទេ៕

ដោយ៖សុវណ្ណរ័ត្ន